දැදුරුඔය ජලාශය (Deduru Oya Reservoir)
දැදුරු ඔය ජලාශය සහ වේල්ල පිහිටා තිබෙන්නේ ශ්‍රී ලංකාවේ පාදෙණිය නගරය ආසන්නව පිහිටා ඇති මිනුවන්ගැටේ ගමේය.
ශ්‍රී ලංකාවේ ප්‍රධානම සහ වැදගත්ම ජල මූලාශ්‍රයක් ලෙස සැලකෙන දැදුරුඔයේ ආරම්භය සනිටුහන්වන්නේ මුහුදු මට්ටමේ සිට අඩි 300ක් පමණ උසින් පිහිටි ගොම්මුත්තාව සහ මොරන්කන්ද යන කඳු පන්තියෙනි.
කුරුණෑගල දිස්ත්‍රික්කයට අයත් රිදීගම ප්‍රාදේශීය ලේකම් කොට්ඨාසය තුළ ඇති සුන්දර පසුබිමක පිහිටි මේ කඳුවැටි මධ්‍යම කඳුකරයේ ආරම්භක කඳු පන්තියක් සේ සැලකේ.
මොරන්කන්දෙන් සහ ගොම්මුත්තාව කන්දෙන් කුඩා දිය පහරවල් දෙකක් ලෙසින් ආරම්භ වී ඉන්පසුව දිය පහරක් බවට පත්වන දැදුරුඔය ඉන් අනතුරුව කිලෝමීටර් 142ක් දුර ගලාගෙන ගොස් හලාවතින් මුහුදට වැටෙන්නේ කුරුණෑගල සහ පුත්තලම දිස්ත්‍රික්කයේ පිහිටි ගොවිබිම් රැසක් සරුසාර කරවමින්ය
දැදුරුඔය ජලාශ ව්‍යාපෘතියේ ඉදිකිරීම් කටයුතු 2007 මැයි 24දා වරාය, ගුවන්සේවා, වාරිමාර්ග හා ජල කළමනාකරණ අමාත්‍ය චමල් රාජපක්‍ෂ මහතා විසින් ආරම්භ කරන ලදී.
දේශීය අරමුදල් හා දේශීය ඉංජිනේරු ශිල්පීය ඥානය උපයෝගී කරගනිමින් වාරිමාර්ග දෙපාර්තමේන්තුව දැදුරුඔය ජලාශ ව්‍යාපෘතියේ ඉදිකිරීම් කටයුතු කි‍්‍රයාත්මක කෙරෙයි.
දැදුරු ඔය ජලාශ ව්‍යාපෘතියේ ප‍්‍රධාන තම ඉදිකිරීම තුන් මෝදර අසලදී දැදුරුඔය හරහා ඉදිකෙරෙන යෝධවේල්ලයි. මැටි අභ්‍යන්තරයකින් යුතුව පස් සවිගැන්වීමෙන් නිම කෙරෙන මේ වේල්ලේ දිග කිලෝ මීටර් 2.5කි.
උස මීටර 20 කි. මුදුනත පළල අඩි 20 කි. නිම වූ පසු මෙය වයඹ පළාතේ දිගමවේල්ල ලෙසින් වාරිමාර්ග ඉතිහාසයට එක්වනු ඇත.
මේ වේල්ලෙන් බිහිවන දැදුරුඔය ජලාශයේ ධාරිතාව ඝන මීටර් මිලියන 70කි. (අක්කර අඩි 60,000) ජලාශයේ ජල නලය අක්කර පන්දහසක පමණ ප‍්‍රදේශයක් වසා පැතිරෙනු ඇත.
දැදුරු ඔයේ ගලන ජල ප‍්‍රවාහය අනුව ජලාශය වර්ෂයකට තෙවරක් පිරවීමට හැකිවෙතැයි ඉංජිනේරුවෝ විශ්වාසය පළ කරති.
ඒ අනුව අක්කර අඩි 1,80,000ක ජල ප‍්‍රමාණයක් සංවර්ධන කටයුතු සඳහා වාර්ෂිකව යොදාගත හැකි වෙයි.
කෙත් බිම් වෙත ජලය නිකුත් කිරීමට ජලාශය දෙකෙළවර සොරොව් දෙකක් ඉදි කෙරේ.
වම් සොරොව්වෙන් ඇරඹෙන වම් ඉවුර මහ ඇළ නිකවැරටිය, පඩුවස්නුවර හා බිංගිරිය මැතිවරණ කොට්ඨාස මැදින් කිලෝමීටර් 45ක් දුරට විහිදෙයි. මේ යෝධ ඇළේ පතුලේ පළල අඩි 16 කි.
නෙල්ලිය වැව, කොනත්ත වැව, කඹුරුපිටිය වැව, වදුරස්ස වැව, රඹුක්කන් වැව, මහවැව, තෙන්නකෝන් වැව, කුඩාඔය, කොබෙයිගනේ වැව, මඩුල්ලේ වැව හා දැලියමුල්ල වැව වම් ඉවුරු ඇළෙන් පෝෂණය වෙයි.
මේ වැව් පද්ධතිය පෝෂණය කිරීමෙන් පසු වම් ඉවුරු ඇළ කොළමුණු ඔයට එක්වී සිය දීර්ඝ ගමන නිමා කරයි.
ජලාශයේ දකුණු ඉවුරෙන් ඇරඹෙන දකුණු ඉවුරු ඇළ කිලෝමීටර් 32ක් දිගට විහිදෙයි. එහි පතුලේ පලළ අඩි 33 කි.
දැදුරු ඔයේ ජලකද මේ දකුණු ඉවුරු ඇළ ඔස්සේ ගලා, මහ තබ්බෝව වැව, අඹගස් වැව, කිරිදිගොල්ල වැව, රන්දෙණිගම වැව, කුඩා හුණුගොල්ල වැව, මහ හුණුගොල්ල වැව, හිදෝගම වැව, උඩගිරිල්ල වැව, මීවැල්ලාව වැව, වීරප්පුලිය වැව, යකඩපොත වැව, සප්රංගල වැව යන වැව් පෝෂණය කොට අවසානයේ ඉඟිනිමිටිය ජලාශයද පෝෂණය කරනු ඇත.
මෙසේ ලැබෙන නව දියවර නිසා ඉඟිනිමිටිය ජලාශයේ හා රදව් බැදි ඇළ ව්‍යාපාරයේ ජල හිඟයද දුරු වී යනු ඇත.
දැදුරු ඔය ජලාශයේ පිටවානවේල්ලේ මැද කොටසෙහි ඉදි කෙරේ. අඩි 200 දිගට ඉදිවන මේ පිටවාන ආශි‍්‍රතව තත්පරයකට ඝන අඩි 150ක ජලකදක් ගඟ පහළට ගලා යැවීමට සැලසුම්කොට ඇත.
මෙසේ නිකුත් කෙරෙන ජලයෙන් මෙගවොට් 1.5ක ස්ථාපිත ශක්තියක් රැගත් ජල විදුලි බලාගාරයක් කි‍්‍රයාත්මක කිරීමෙන් පසු මාගල්ල වැවට මුදා හැරේ.
මේ අනුව දැදුරු ඔය ජලාශයේ දියවරින් කෙත්බිම් අක්කර 27,000ක් දෙකන්නයේ වගා කිරීමටත්, වාරිමාර්ග ක‍්‍රම මගින් තවත් අක්කර 1500 කට ජල පහසුව සැපැයීමටත් හැකිවෙයි.
ඒ සමගම ප‍්‍රදේශයේ පානීය ජල සැපයුමද ව්‍යාපෘතිය යටතේ විධිමත් කෙරේ.
දැදුරු ඔය ජලාශයට අක්කර 3824ක් යටවීමට නියමිතය. මෙයින් අක්කර 2166 ක් ගොඩ ඉඩම් වන අතර කුඹුරු ප‍්‍රමාණය අක්කර 1657 කි. ජලාශය නිසා ඉවත් කිරීමට සිදුවන නිවාස සංඛ්‍යාව 694 කි.
#deduru oya #Deduru Oya Dam #Deduru Oya Reservoir (Kurunegala) #Deduru Oya Reservoir | Irrigation Ministry #Location of the Deduru Oya basin in Sri Lanka #deduru oya project,aerial view #bird eye view,Daduru Oya Tank #Deduru oya lake ( wewa ) Kurunegala Sri Lanka #Deduru Oya Jalashaya | දැදුරුඔය ජලාශය #Sluice gates of Deduru Oya opened,dams in sri lanka #dams in kurunegala #bathing places in kurunegala #visit kurunegala #Deduru Oya Dam #Deduru Oya Reservoir (Kurunegala) #Deduru Oya Reservoir | Irrigation Ministry #Location of the Deduru Oya basin in Sri Lanka,deduru oya project #aerial view #bird eye view #Daduru Oya Tank #Deduru oya lake ( wewa ) Kurunegala Sri Lanka #Deduru Oya Jalashaya | දැදුරුඔය ජලාශය #Sluice gates of Deduru Oya opened #dams in sri lanka #dams in kurunegala #bathing places in kurunegala #visit kurunegala #Deduru Oya #Reservoir #දැදුරු ඔය #දැදුරු ඔය ජලාශය