#TalkFood
Ойын-сауық
廣東燒味中,燒肉必定佔一席位,當中尤以燒腩仔最受歡迎,皮脆肉嫩,滿滿油香的肥膏,啖啖鮮味精華。
於佐敦四十年歷史的新合成燒臘飯店,堅持只賣燒腩仔,更保證客人購買時起計6個小時內,若燒腩仔豬皮不脆,可免費更換,可見其對自家出品相當有信心。
新合成第一代楊老闆,早些年因病退休無人繼承,輾轉兩次轉手,最近由三位熟客威哥、Jerry和黃先生接手,三人分工合作,黃老闆及Jerry負責對外,對內則由曾任職中環總商會燒味部主廚的威哥主理,廚房大小出品均出自他手。
威哥:「97、98年,媽媽做傳菜,有機會介紹我入行,於酒樓學師,那時有些師傅幾年來都是煮緊飯,洗緊鹹蛋,我比較幸運,一年多就有機會到砧板位學斬嘢,慢慢可以企檔,學炸嘢,埋爐燒燒味,一做就25年了。」
香脆惹味的燒腩仔是街坊最愛,選用荷蘭豬腩肉,取其肥瘦適中,事前處理工序複雜,期間以自家秘方的腩仔鹽入饌,經過太空爐兩重燒烤爆皮,製作需時十小時以上,燒豬皮吃起來更脆,肉味帶鹹香,肥瘦相間,十分出色!
威哥:「現在客人不喜歡吃頭頭尾尾,頭肥,尾太瘦,沙梨篤臀部位較嚡口,經常在網上見,客人明明買豬腩肉,結果俾咗沙梨篤,好多都唔食得;我哋都係做街坊生意,一於唔賣頭尾,成本係高啲,但燒腩肉件件靚仔,做生意老實,你買乜我就俾乜你!」
新合成價錢合理,堂食燒味單併飯$45,雙併$58連例湯或飲品,更有一般燒臘店不常見的乳豬飯賣,皆因乳豬來貨較貴,做法十分繁複,需經內外風乾醃製至少八個小時,再以人手高溫烤製十多分鐘,期間不時轉動乳豬和掃油,才可煉成鬆脆的芝麻皮。
乳豬每日12點正限量出爐,不少街坊都趁午飯來吃一碗新鮮熱焫乳豬飯,份量絕不吝嗇,乳豬皮薄極脆,肉嫩,沒有多餘的肥膏,配上香甜的乳豬醬,太美味了,只賣$58,性價比極高!
古法叉燒沿用四十年前的秘製配方醃製,以多種特色香料配以經過炒炸的料頭攪拌煮成,再加入雞蛋、玫瑰露酒等調味,令其香味突出。
叉燒部位特意選用豬脢肉切出的前三塊入饌,第一刀爽口質感,第二刀腍滑,第三刀肥瘦適中。
拌勻秘製醬汁大火烤製,鎖緊面層留住肉汁,繼而細火慢烤,最後塗上麥芽糖,放入爐中烤至焦香,吃起來份外香脆惹味,佐飯一流。
另外皮脆肉嫩的燒鵝亦是人氣之選,威哥只選用約5斤左右的鵝乸,肉質更嫩滑,燒鵝皮脆肉厚,雖則相對較油,配搭瀨粉剛剛好。
接手一年,生意仍在虧蝕的狀態,但三位老闆堅持定期派飯給附近的長者及及有需要人士,每次至少送出100個以上的燒味飯,加上飲品、水果或零食甜品,月派逾千個飯盒。
當問到三位老闆為何仍蝕住做,黃老闆表示:「我哋三個本身係草根出身,住過徙置區,細個窮,知道窮真係好唔舒服,如果細個有人派飯,我人生會唔同,現在長大有少少能力想幫吓人,有時每月輸3至4萬,有時就唔洗蝕,賺錢就距離好遠喇,唔洗蝕錢係目標,只要頂得住,都會繼續做!」
Jerry接着說:「其實自己一直都有在外派飯和物資,現在自己鋪頭更加要做,有時好多善心人過來捐幾百元資助派飯,我哋真係唔介意飯盒豐盛一點,都想大家食得好。」
拍攝當日派的是燒味三寶飯連飲品與零食,排隊人龍超過百人,沒有刻意地截龍,最後多出了7位長者,結果威哥即時斬料派給他們,以免長者們失望空手而回,人情味滿滿。
燒肉$98/例牌
乳豬飯$58
雙併叉燒燒肉飯 $45
燒鵝瀨粉$45
新合成燒臘飯店
地址:佐敦廣東道589號B1-B2號鋪
電話:27719458
營業時間:星期一至日10am-8pm
採訪:Eunice Ng
攝影:Peter Li、Fong Ka Him
剪接:Fong Ka Him
美術:Anita Lam
TalkFood 先填飽肚子再前進
KZread: / talkfood
Facebook: / talkfood
Instagram: talkfood?igshid...
#燒肉 #乳豬 #叉燒 #燒腩仔 #油雞 #燒鵝 #燒味 #飯盒 #外賣 #燒味飯 #老店 #佐敦 #油麻地 #食晏 #晚餐 #TalkFood #TalkFood佐敦
延伸閱讀:
#TalkFood【#街坊嘢】土瓜灣隱世懷舊菜館 低調高手傳承失傳粵菜 ︳必試手工脆皮芝麻雞︳超重磅蝦多士︳肥美無骨蜜椒脆鱔球 #廣東話
• #TalkFood【#街坊嘢】土瓜灣隱世懷舊...
#TalkFood【#街坊嘢】40年老字號夏銘記魚蛋粉 | 三度結業重開 | 白加士街粉麵戰區插旗 | 招牌全條鮮炸魚片 @夏銘記
• #TalkFood【#街坊嘢】40年老字號夏...
Пікірлер: 223
睇到小弟流淚的KZread飲食片😂,三位正是壯年的香港人😅,埋頭苦幹一齊做一件好事❤❤❤香港人加油❤❤❤
首先謝謝你們送給有須要的長者謝謝,希望香港有多點你們善心好人,🙏🙏🙏🙏🙏
三位老闆善心,好人有好報,祝貴店生意興隆!
🙏感謝3位善心的老闆,做得善事多都特別型仔架😎😎😎
@user-mi4fz6oi2t
Ай бұрын
你基㗎
好少地方有咁抵食嘅乳豬飯一定嚟幫襯,仲要派埋飯,希望三位老板生意兴隆,财源广进!
3個老闆都好好人心地好,威哥好老實,又勤奮,大家經過都去幫襯下,我剛發給朋友通知他們地址。去開佐敦,記得行入去廣東道589號西貢街交界位,買個燒味返屋企,支持下佢地。🎉🎉🎉
人地用個真心出來,想幫到人又幫到自己,希望香港大家都能夠生活得好些,現在全世界都因戰役,大家生活都受拖累,希望戰爭停下來,希望物價不再高漲,大家生活都會好些
自己窮過然後幫番啲窮人,即使自己未大富大貴都肯幫冇咁有能力的人,佢地心地真係好善良,比起那些學識高,有錢有勢的更加值得人尊重和讚賞👍👍其實可以放一個捐錢箱在店內,有些有心人可以幫吓手,你們的店也不用捱得咁辛苦,如果你們做不下去,係好多人的損失,加油和保重呀!
@coolken_0530
5 ай бұрын
發財立品好榜樣
仲要派埋飯,賺唔到錢都正常.......😢 搵日去幫襯下先,睇下係咪真係咁好食😊
你們好:3位善心老闆、好人好事、一生平安! ❤❤❤❤❤
善良的老闆們,祝福您哋❤
估不到香港仍有如此有心有力的生力軍為危在旦夕的香港飲食業奮鬥真是難能可貴。
好人有好報, 三位老細一生平安!
多謝老闆 一生平安🙏
人間有情!希望三位老板生意兴隆,财源广进!身体健康!💪🏼💪🏼🙏🙏
貨靚人更正🤩🤩👍👍👍香港需要呢啲正能量,好人人欺天不欺!
燒肉好正,真係好少地方有咁抵食嘅乳豬飯一定嚟幫襯
派飯真係要俾個like,下次專登去吃下先
值得大家幫襯支持下你哋👍
好心有好報,上天一定看住3位善心人,祝福你們!
正呀,唔造作,影埋師父除埋衫埋爐,好真實,反映燒味出品真實唔容易,唔似其他片咁要求師父上鏡姿姿整整,加油💪💪💪
看到他們的义燒好靚仔👍成日搭車都經過它門口....搵日去買來試下
感動架社會就觉得有番溫暖!❤❤❤
良心小店,值得支持
真 善 美 的老闆🙏👍💪
直得支持,第一次見派飯都派得咁豐富
多謝記者好介绍推動更多人支持❤
咁有善心,一定搵機會去幫襯支持下
加油啊!感動
又平又靚,記者好介紹
多謝三位老細
揾日專門去食🎉🎉🎉
好美道燒味,善心老闆,祝生意興隆,加油。😋😋👍👍💪💪
感謝介紹,知道有這善心燒味,一定要去食呀👍👍
有良心的小店同老闆,要撐!
好人一生平安🙏🏻🙏🏻🙏🏻🙏🏻🙏🏻
❤加油老闆們
睇到流口水ー定要去食燒腩仔超正赞😋
好人有好报,值得過來支持😊
人間有愛❤
好人一生平安
祝福你地身體健康,生意興隆❤
唔識講 呢啲香港人真係好撚善良😢
支持!記者好介紹!
好野一定要支持
好人好事❤
有料
善心小店一定要去幫襯!
👍支持良心店💪
好人好店,我一定去幫襯!
支持👍👍
支持你地 加油 香港成功因為有你
好介紹^^
咪玩啦個阿叔 拎呢間同永合隆比 新合成係貨真價實 好食好多 今日去食 燒鵝仲暖嫁 不過肥咗少少 個燒腩仔肥瘦適中 皮脆鬆化 油雞既肉嫩滑 人地冇肥叉會出聲 唔會亂斬比你 呢d咪老實囉 呢近十年既永合隆算把啦
良心飯店❤
感謝
出品幾靚喔❤
加油❤❤❤👍👍👍 人善好心 好快就會賺返黎😃💪💪💪❤👍👍👍
紅心傾好波❤❤❤
一定支持❤
努力呀,好老板
Thank you so much for sharing this information with us ……………
威哥好样的 有良心必有回报
好人必有好报❤
好心好報
潛水黨上水了!一看那塊肉,就知道不錯!價格比可以!有機會一嚐!
好人有好報
揾日過去支持.
好似幾好食
成日食 好好食😋😘
十幾年前經常去,燒肉真係好脆!原來而家已轉手,得閒過嚟試下先!
@user-me7gp3zf9f
5 ай бұрын
地址在那裡?
@DW......
5 ай бұрын
@@user-me7gp3zf9ftopic扲入去,已經有晒資料,C兄~
師父好野,睇到都想,食!
新合成乳豬先係最強,見到有必買
好識拍,拍完好想去食
燒腩仔卜卜脆🎉
威哥,支持你
💪🏻
佢個外賣價錢平過晒我附近D燒味店
有格局!
唔怪得知成日啲師傅都斬叉雞翼飯俾我😂
既然你們對窮人這麼好,我們應該在你們店多吃點,買一些給我們的家庭晚餐(當然每週兩到三次)!
👏👏👏
好想去香港學燒味
有愛心老闆,但剛剛買叉燒好韌😮好彩買咗$40
善人Respect🫡
❤
好搵日落嚟支持下。。。
👍👍
聽日黎試下
推荐食一間燒味雙脾飯, 非常抵食, 雙脾免斬, 係馬頭角道50號地下, 大亨燒鵝
❤❤❤
千亿富豪也没你们这种菩萨心肠❤
最核心部份嗰2個後生仔都唔識,燒味師父大可以起飛腳走人
🙏🙏🙏
❤🎉😊
今晚就过黎食一餐😮
睇咗另外一條KZread片,專登行過去買,做善事係好令人佩服,但佢自稱招牌嘅燒腩,以味道嚟講,並唔出色,除咗個皮硬脆之外,肉質非常瘦,並非片中半肥瘦,直頭去到鞋嗰個地步,不過以$120一斤嚟講,的確係比足,同埋一定食得你飽。
Yvonne 加油💪🏻💪🏻💪🏻
🙏🙏🙏❤️❤️❤️❤️
感謝影片中的威哥受益良多,本身是台灣的燒臘師父,從影片中了解詳細說明爆皮第二次的原理過程原因,再親自下去燒了兩塊五花腩才知道其中的奧義訣竅,真的爆皮兩次的皮真的鬆化很多耐脆度很久!受益良多👍
@GOLDENCDROM1
2 ай бұрын
片中帶眼鏡的師父是我老爸, 他有另外一套做法。
@user-ds7hk9tm7r
20 күн бұрын
@@GOLDENCDROM1何種的作法呢