#TalkFood
Ойын-сауық
近幾年大家意識到公共屋村的珍貴，想在它們未被消失之前，尋寶留念兼打卡，而南山邨就是其中之一。
位於石硤尾和又一村之間的南山邨，建於1975年，八幢樓宇分佈不同位置建成，有着十分獨特的建築幾何美學。
前往南山邨可在石硤尾港鐵站B2出口，沿着直路就可到達南山廣場。沿路可見很多舊式的設施、商店、士多，從街市走上平台，偌大室外空間，左右放了兩組彩虹橋，三段高矮不一、綠黃白色半圓鋼架，是元祖級初階馬騮架，配搭綠白色舊式公屋背景，每個角度都是打卡位。
離彩虹橋不遠處有一個巨型飛行棋場，位置就在南泰樓內街，人走進去這個巨型棋盤，你就是一隻飛機棋，跟朋友即興來一場飛行棋大賽，小時候的快樂就是如此簡單。
南山邨除了打卡位多，還有不少街坊老店值得光顧，全是南山邨的好滋味。
品香樓最人氣，人氣小炒、茶記西餐，由早餐到宵夜，都有街坊光顧，也是城大學生和附近波友的飯堂。不要看品香樓的店面新淨，其實已經開業四十多年，以份量足，味道好作招徠。招牌名菜都有一個人氣排行榜，最多人喜歡的，有風沙雞和火焰蜜椒牛柳粒。
金黃色的風沙雞，鋪滿炸蒜，皮薄香脆，雞肉嫩滑且充滿蒜味，吃起來不覺油膩，蘸淮鹽或喼汁吃更有風味。火焰蜜椒牛柳粒上桌後，店員點火，形成火焰，牛柳粒鬆化，重黑椒味，送飯一流。可惜薯仔不夠脆，只微微煎過。
還有一杯品香樓朱古力，頂頭滿滿忌廉，入口順滑，雖味道較普通，但卻是城大學生的美好回憶。
被稱為「南山三寶」之一的C+屋，主打開心價雪糕，開業十多年，很受附近的年輕人歡迎，一球雪糕才$7，味道選擇多，近三十種雪糕口味，以曲奇、荔枝和豆腐味最人氣，難怪是學生午飯後甜點的高CP之選。老闆說：「賣這個價錢都是過過日神，退休玩吓，做到現在」。
說到南山邨最老的味道，這間在冬菇亭的老粥檔「南樂園」，沒有街坊不認識。 南山邨落成四十六年，而南樂園就開業快要四十五年，是僅餘的第一代一手牌檔。
老闆曾生是第二代，十二歲跟爸爸落鋪開檔，上至做腸粉、炸油炸鬼，下至開檔執枱。 他每天仍然凌晨四時到粥店打點，堅持所有食品自家製，價錢便宜，日日新鮮。粥檔有售的，這裏幾乎都找得到，油器、腸粉、粢飯、粉麵、糉……交由經驗的員工、師傅負責。
他說自己一大早回店，先搓麵糰，準備炸油炸鬼及煎堆，然後處理其他瑣碎事，包括洗米、浸米、包糭、調腸粉粉漿等。
油炸鬼是粥檔招牌，麵糰即日手搓，且火喉控製好，條條色澤金黃，外脆內軟，入口有韌性，平日每天賣近二百條，以往五六日高峰時段，賣近千四條。
豆漿用店內舊式磨豆機新鮮製成，豆味清鮮濃郁，入口微甜，老闆說配油炸鬼吃最好不過。如此簡單的組合，卻有很大的驚喜。
南樂園賣的都是港式簡單粥品，白粥、皮蛋瘦肉粥、魚片粥、艇仔粥、牛肉粥、豬紅粥……粥底落足心機，用珍珠米和香米連同腐竹去煲。煲粥師傅每天凌晨二時煲粥，單單水滾就要一小時，煲粥就要三個小時。天氣凍生意好的時候，煲超過五六十斤米。粥底非常綿密，帶微微腐竹味，配炸兩或腸粉吃，窩心美味。
七時開始有售的粢飯，飽滿一大條，內裏的油炸鬼、肉鬆和榨菜，下料不手軟，糯米飯爽身，吃得過癮。
這裏還有全深水埗只此一家的古早糯米飯。有別於一般蛇店有售的臘味糯米飯，只有糯米飯、花生、甜豉油和油，屋邨價售$15。糯米煙靭，有米香，加上花生有咬口，是不少老街坊的童年美食。
本可不賣的糉，曾生也會新鮮包製，雖數量不多約三十隻，但絕不用工場貨，為的就是想街坊吃到非集團式味道。綠豆、腩肉、鹹蛋黃兩大隻，餡料滿滿。老闆說：「我唔敢說最好，但不會差過人哋 。」難怪不少已搬離邨的老街坊，也會帶同家人子女回味一番。
曾先生說當年這鋪位招標，只能開粥檔，他說注定他這輩子賣粥。入行以來，他說一直沒離開過，前陣子為了修理被颱風弄壞的帆布帳蓬，不小心從高處掉下來，受傷休息三個月，說是他最長的假期。
問到老闆會否想兒子繼承粥檔，他笑說除非兒子想入行，否則不會，自己能做多久便多久。
南山邨，處處情懷，滿滿人情味，下次到南山邨，除了打卡，不妨支持小店老滋味。
風沙雞 $148/半隻
火焰蜜椒牛柳粒 $118
凍朱古力 $28
品香樓
地址：石硤尾南山村南山商場平台204-205及210-213號鋪
電話：27788791
營業時間：星期一至日06:45pm-12:00am
曲奇雪糕 豆腐雪糕 $7/1球 $13/2球
C+屋
地址：石硤尾南山邨南山商場平台P20號鋪
營業時間：星期一至六 12:00pm-7:00p 星期日休息
油炸鬼$10
甜豆漿$10
白粥$10
粢飯 $25
糯米飯 $15
炸兩 $15
南樂園
地址：石硤尾南山村南山商場平台1號鋪
電話：2778 8720
營業時間：星期一至五、星期日6am-2:30pm 星期六休息
主持、撰文： Sharon Chan
攝影: Peter Li, Fong Ka Him
剪接：Peter Li
美術：Anita Lam
TalkFood 先填飽肚子再前進
KZread : / talkfood
Facebook : / talkfood
Instagram : talkfood?igshid...
#南山邨 #南樂園 #粥店 #品香樓 #南山三寶 #C+屋 #屋邨 #打卡 #風沙雞 #火焰牛柳 #朱古力 #雪糕 #荔枝 #豆腐 #腸粉 #糯米飯 #油炸鬼 #糭 #炸兩 #粢飯 #豆漿 #外賣 #食晏 #早餐 #深水埗 #石峽尾 #街坊嘢 #TalkFood #TalkFood石硤尾
延伸閱讀：
#TalkFood【#達人說】 增肌減脂有啖好食攻略 | 跟住IG爆紅健身教主布甸狗MicMic食邪惡嘢 | 帶住個磅去食飯 | 人肉卡路里計算機 | 食住瘦車仔麵 | Gym友福音快餐店 | 雞胸飯vs焗豬 | 零食甜品點樣買 | 米粉認證之大圍爆餡Bagel | #街坊嘢
• #TalkFood【#達人說】 增肌減脂有啖...
#TalkFood【#街坊嘢】柴灣山旮旯無冷氣點心牌檔 懷舊臘味糯米包 | 潮發粉麵
• 【街坊嘢】柴灣山旮旯無冷氣點心牌檔 懷舊臘...
Пікірлер: 263
最欣賞老闆果句「大集團冇得比」
粥檔樣樣都好味😋原來老闆樣樣都親力親為，真心佩服👍🏻提提大家，粥檔休星期六😊
@aualbert2408
9 ай бұрын
請問幾點收檔？
@hingkwongtsang3115
9 ай бұрын
2點收
很欣賞粥店老闆講話做事的實在方式，看似很老實的實在人👍
南樂園啲粥同腸粉我食咗三十幾年，感覺真係冇變過，好食，喺宜家社會好難得
呢種舊式屋邨真係買小見小裏面隱藏住好多老香港獨有既情懷，好回味細路仔個時一碗白粥一條油炸鬼做早餐😅
其實真係要好多謝CityU學生同埋附近夠多學校多學生❤。如果唔係學生撐住個場，南山邨依個老邨，唔會仲咁熱鬧。多謝❤。
@sze_lok
Жыл бұрын
無佢哋撐住會變左象山邨😂，仲有黃記粉麵同沛華園車仔麵都幾正😋
@thinklessthinkmore
Жыл бұрын
@@sze_lok 真係會變左象山邨😂。話時話，象山邨間快餐都正，係細個既味道。我都係好耐之前睇KZreadr介紹先識去。吉豬腸蛋炒底紅白汁。正呀。😂😂❤
@sze_lok
Жыл бұрын
@@thinklessthinkmore 試下先，thank you
@andywong7329
11 ай бұрын
撐場嘅仲有城大教職員同又一城寫字樓大廈嘅同事。
做飲食同時係自己生意就最辛苦的！咩都係自己
粥店師博勁，非常欣賞
40年前經常去粥檔，最喜歡艇仔粥和糯米飯，還有幸和曾家其中一位少爺做同學😂
粥哥好野!应攞諾貝尓獎!忠於生活與人羣!❤❤❤❤❤❤❤❤❤❤❤
有腐竹嘅白粥而家真係好難搵，我童年時經常食，好綿好正！😋
品香由04年讀City嗰陣都仲放得入口，到而家又貴兼放唔得入口，呢間野真係奇蹟嚟😂
南山邨粥檔，我8-9歲已經去食，現在5張嘢，隔離有檔牛肉麵又係好好食，對面有間賣上海粽好出名，D人特登去買
@eddysiu2661
11 ай бұрын
粥檔隔離檔意粉都好正… 佢果d椰菜午餐肉粒勁重麻油香 我記得細個食係分大$7/中$5/細$3碗咁嗌 可加炸雲呑或者紅腸$1 不過我通常食通粉…… 唔係我唔鐘意食意粉 而係睇住夾意粉個呀姐最尾果吓張碗邊果d意粉用手指抆上去撈入個碗度 我接受唔到囉😅
@KWOKchan-pd5gz
11 ай бұрын
@@eddysiu2661 我指個檔應該你講個檔，幾錢就不知，重係小朋友埋單唔會係我啦😂那時住白田那些安置區，媽媽成日帶我們去食
@pinglam2391
11 ай бұрын
@@eddysiu2661 這個價錢應該82-85年代的了！40年前.
@chantania6017
2 ай бұрын
家湖粽真係最好食嘅上海粽，醬油味道適中，唔會太鹹。
粥檔老闆好有料❤
一品香，以前只是一間舖位，食上海野，十幾二十年前，要埋其它舖位，轉形，所以不同意開了40幾年！
以前冬菇亭樹記$16一碟飯包支裝汽水，當年真係靠佢慳唔少。亦都喺南山留低好多中學時嘅回憶，有時諗起都回心微笑。但品香真係不了，寧願喺冬菇亭食黃記
豆腐、提子冧酒、荔枝、椰子雪糕真係好食
品香樓現有位置之前是南山酒象，品香樓之前是做上海菜，佬板退休後由太子爺接手，南山酒家又結業，便搬來這位置做，品香樓是有南山邨便有它，不是在這位置做了4O多年，還有順帶一提南山邨正確位置系叫(九龍仔)，不是石硤尾
@pinglam2391
Жыл бұрын
其實是因為我們鄰近石硤尾站,所以便以為南山邨是在石硤尾.
@raymondchan6890
Жыл бұрын
睇黎係街坊，揮個手先。
@tracyinloving
Жыл бұрын
@@raymondchan6890 平靚正嘅兒時回憶, 以前放暑假實要返南山邨過暑假(陪爺爺麻麻), 大時大節就帶存落嘅零用錢喺樓下士多瘋買. 開心的童年... 感謝南山邨..🙏🙏
@kw0ktam852
Жыл бұрын
@@raymondchan6890我由大坑東邨12座，搬去南逸樓這區共住了3O多年，但己搬走了快2O年
@thinklessthinkmore
Жыл бұрын
九龍仔😂好耐無聽過呢個名啦。以前細個老豆帶我去九龍仔公園。
懷念魷魚🦑伯，在大眾國貨門口的剪魷魚的鉸剪聲、仲有樓梯低啲報紙檔、華人銀行…好多好多 美好的事都離開得咁快😢
@GT-pc1rn
Ай бұрын
大眾國貨、華人銀行都記得，証明係老街坊😅
小雲，新工作比心機🥰
南樂園好食，足料👍 推介鹹肉糭，糯米飯☺️
粥檔家庭式經營,老細年輕時以前負責樓面,最喜愛糯米飯,食咗幾十年,可惜我已搬走咗
Thank you for the intro. I was a kid grew up in the 70s, watching this video brought me back so many fond memories. The congee shop still holds up the old school cooking style ❤. The crew cook with ❤❤, that’s why their food is so delicious. I’ll definitely check out this shop on my next visit.
冬菇亭之前有家雄記車仔麵，豬皮，蘿蔔，牛腩，豬腸都非常正！如果由第一代在大坑東街市計起，足足超過五十年，衹可惜持牌人離世，第二代接班人如果要繼承就要重新投資裝修以符合牌照要求，但老板説他們衹是小本經營，非常薄利而時間又長，所以去打份工仲好過，結果就執咗笠，非常可惜！
@pinglam2391
Жыл бұрын
現在已經沒有車仔麵吃了！
@mayngan-vw6vy
Жыл бұрын
隔離一間食意粉，好好味
@anita9on
Жыл бұрын
中學時成日去食仔麵，好味又低食
@leedmund
4 ай бұрын
車仔麵當年都系1,2個人做, 邊有人接手
拍得好睇！好想去食粢飯豆漿艇仔粥
Hear customers praised the food how delicious it must be yummy n now dessert ❤😢😊👍
第一個訪問既哥哥仔好靚仔。
拍得好，食得好。感謝老細。
多謝介紹
嘩！ 好介紹喔，好想快啲去試❤
粥檔好正😊
拍得好靚，好有心機。加油！
我就 form 1 仔 開始 食到現在 。。。真係食足 30幾年 的 好好味 既 魚片艇仔粥
凌晨4點拍片，真係有心人
我哋好多年前都有幫襯過食粥呀！🥰😋
花生豉油糯米飯👍
懷念惜日情懷😢
中學時成日落去食牛肉粥，好味又抵食
糯米飯好味👍
Sharon加油💪🏻💪🏻💪🏻
好介紹，油炸鬼超正
哎喲，好懷念，好想食呀！
好懷舊
講句真,粥舖糯米飯真的好好味.豉油和花生真的好好味. 真的好食. 隔壁意粉,最好吃是辣椒油和炸雲吞. 但要$31元,有點貴. P.S 意粉靈魂是椰菜、午餐肉、蝦米. 但真的幾好食.
@thinklessthinkmore
Жыл бұрын
意粉係咪轉彎位，對住停車場？真係未食過，以前返學放lunch啲師兄師姐好鍾意去食，但lunch又唔係我首選，因為我見佢應該唔夠我食😂😂，依家仲有冇得食？等我去贖罪。話時話，樹記搬左過黎，依家仲係咪度？我最鍾意佢芙蓉蛋飯。潘記就應該真真正正冇咗啦，可能成家移晒民。
@thinklessthinkmore
Жыл бұрын
@@pinglam2391 下？無左車仔麵啦？😢我樽橙色辣椒醬同樽裝可樂啊😢 不包飲品的話應該係果間啦😂，一於去試下先。😂仲有華人酒樓，以前幼稚園落校車放學就去搵阿婆。😂好開心。
@allanallan1182
Жыл бұрын
意粉檔，如果計埋以前在大坑東街市揹住兩個大水桶做走鬼檔時開始，足有五十幾年歷史了！
@pinglam2391
Жыл бұрын
@@allanallan1182 其實我好細個時幫襯過大坑東第三座地下魚肉/紅腸/雞蛋麵,麵底是普通公仔麵（最平那款）,但是魚肉真的好吃.時間好似是1980-1983. 現在是藍球場和公屋了。 背景音樂“獅子山下”.
@wendywo2690
11 ай бұрын
以前粥鋪嗰啲糯米飯加豉油花生最正👍
我嫁時也跟老公住過南山邨一段時間也有食過這間粥店，明年回港一定去食呀！
粥檔老細👍
好似好好味咁 想試
我搬開左廿幾年😅 魷魚佬應該無左啦……？ 記得佢每次孭住個藍黎開檔 個籃成半個人咁高就係佢個檔口喇 佢果d鉸剪聲排隊時聽到已經令人興奮 排到去例牌買鬚(因為可以揀魷魚鬚或肉/翼) 講左買幾多就睇住佢用把鉸剪夾一隻剪一隻再夾再剪… 最後佢用隻匙羹(不)一啖秘製醬汁落去 好食到痺！！！ 往是只能用記憶回味……
@eddysiu2661
11 ай бұрын
其實粥檔隔離以前賣意粉都好正架！ 佢果d椰菜午餐肉粒勁重麻油香 我記得細個食係分大$7/中$5/細$3碗咁嗌 可加炸雲呑或者紅腸$1 不過我通常食通粉…… 唔係我唔鐘意食意粉 而係睇住夾意粉個呀姐最尾果吓將碗邊果d意粉用手指抆上去撈入個碗度 我接受唔到囉😅
早兩日睇完、今日約埋同事一齊過去、又話食粢飯、炸兩、糯米飯、又話…..😂😂😂 頂、原來佢地由23/6-3/9放暑假😤 唯有等到9月再去😅
靚女四點鐘都咁精神
好味道！
以前係city 返學，有早堂一定食左粥檔先去上堂…真係好正
粥舖 👍🏻👍🏻👍🏻👍🏻👍🏻👍🏻👍🏻
辛苦晒，四點就開工。
懷舊嘅邨 懷舊嘅人
正👍
估唔到今集會講到南山村👍👍👍，不過品香樓就真系無粥舖開得咁耐啦。
中學天天在南山邨食午餐……很多店都已經消失了。😢
企企理理，乾乾淨淨
我呢就好鐘意Sharon既
品香樓好食， 鑊氣夠
有新記者Sharon ❤😮
正 好鍾意食
Fabulous and outrageous
好正
@ckma6506
Жыл бұрын
你好靚女，拍得好。
@yeowchortan827
Жыл бұрын
條女
糯米飯好正
7:43 真正斗！糯米飯只加花生、蔥粒、豉油同豬油已经正到爆。细路仔時，尤其是冬天早上返學前，一路食住用纸袋包住嘅糯米飯，一路笑在心頭。本身已十分美味，所以當時同依家都唔明點解要加臘味！(除咗可以賣貴D外）
@SyChan-tv2tp
7 ай бұрын
唔係豬油係葱頭炸的油😊
@hingkwongtsang3115
7 ай бұрын
👍
哈哈最老的是我由九龍仔到南山邨謝謝你拍南山邨視頻另我🈶️童年的回憶👍👍👍🙏🙏
@tzeleungleung3137
Жыл бұрын
我12座 南豐樓 到粉嶺 轉眼間，就到花甲
@keungseto7305
Жыл бұрын
大坑東街坊👍👍👍
@thinklessthinkmore
Жыл бұрын
@@tzeleungleung3137 咁岩既，😂又係下一站粉嶺。潘記係咪真真正正無做啦？
@TheAskataigyeah
Жыл бұрын
東新樓樓下間潘記？
@tzeleungleung3137
Жыл бұрын
@@thinklessthinkmore 潘記，冇乜印象 仲記得冬菇亭嗰檔通心粉，真係成世仔最好食嘅通心粉就係嗰度 仲要係暑假唔開
南山村 我最鐘意食就係夜晚阿姐推小贩賣果d燒賣 因為阿姐佢d燒賣全部自己即包即蒸十分好食
@thinklessthinkmore
Жыл бұрын
嘩，你唔講我都好似唔記得，就算你依家講我印象都好模糊😂，好似係有食過既😂
@kwoktony2971
Жыл бұрын
我那時都有食，一到6至7點，D小販就走晒出來，在地下街市那裏，仲有“粉絲婉仔翅”添！
@yipsun0125
Жыл бұрын
係。。。但這幾年已經唔見左 姨姨 檔 燒賣車
@thinklessthinkmore
Жыл бұрын
@@kwoktony2971 人生第一碗碗仔翅
@paperfur
Жыл бұрын
一年前夜晚去見到佢，之後再去佢地話佢好少開檔，有無人知佢下落？
哩間真係幾好食 不過等好耐😂
玩飛行棋好正
以前白粥最好食,有白果同腐竹,好香好棉,正！
the hostess is very lovely
我住九龍塘也經常去食
好掛住佢碗牛肉粥、糯米飯多豆多色
@thinklessthinkmore
Жыл бұрын
以前細個唔識欣賞D糯米飯，成日同阿媽講無料既。😂而我人生第一碗艇仔粥，到今時今日，去到邊我都係食艇仔粥。係我既啟蒙😂。話時話，我見餐牌寫大艇粥大牛粥，咩係大艇大牛呢？
@boxtv2207
Жыл бұрын
@@thinklessthinkmore 個「大」字代表大碗D，份量多加咁解！佢D碎牛粥係香港現在冇幾多間係呢個味道，大家趁仲有得食，去回味一下
@thinklessthinkmore
Жыл бұрын
@@boxtv2207 佢D碎牛就係我碗艇仔既寶。每次都係放到最後先食😂
@boxtv2207
Жыл бұрын
@@thinklessthinkmore 我都好喜歡
主持膠up， 品香樓個照牌就四十幾年，而家呢間係裝修過的品香樓 二十年左右啦。
正
唔知係咪年紀大 就係(南山邨)所有食物都好好味 不過再次返去都食唔番以前嗰啲味道 唔知係咪80年代好多味精加落呢？
太貴了。
見到好多中學師妹❤😊
💪🏻💪🏻💪🏻
请问这些店还有开吗
點解冇介紹地下嗰間 上海粽？啲人揸靚車帶工人嚟買喎
Sharon好靚. 以前南山區仲有好多小販, 中午有炸雞脾, 飯團, 正到爆, 不過消失左了, 印象中冬菇亭蒸飯都好似無做了, 粥鋪真係最耐最耐, 但品香樓我印象中應該廿年左右??
@user-hm6ub1cp7h
Жыл бұрын
真係4x年， 我細細個就食
@TALKFOOD
Жыл бұрын
小販我都好耐冇見了，聽講而家間唔中6點後都會出現，不過我嗰日就撞唔到🥲 Sharon
@pinglam2391
Жыл бұрын
@@TALKFOOD 以前晚上真的有,在粥檔轉右邊空地上,晚上很多學生（城大）光顧. 現在只有雞蛋仔好似仍堅持開檔. 但燒賣、牛肉球都沒了。 最最原始煎讓三寶已經消失了。 炸魚蛋、炸雲吞. 不是真的好好味,但是你行過一定會光顧. 現在晚上不准擺檔了,會重罰.
@allanallan1182
Жыл бұрын
品香樓開咗四十幾年了，以前係做上海菜的，它的上海粗炒一流，到第二代人先開始做小菜。
@pinglam2391
Жыл бұрын
品看樓真的是二十幾年,很久以前是做上海菜,所以叫一品香,小籠包、上海粗炒,銀絲卷等,但80年代很難在公屋經營,所以東菇亭粥舖、平價意大利粉、茶餐廳仍然可以,但是都很艱難,你看看泰湖在地下,樓下那幾間餐廳都是艱苦經營,晚市已經不及二十年前了. 此外一品香經營不到後,便轉變經營海鮮,加小炒像大棚檔. 直至城市大學和又一城開了後,又一居又入伙後,才多了生客. 品香樓又開始有名氣,最主要她肯開晚市做到零晨十二點（城大學生）可以有地方吹水. 邨內人有但很少這麼夜仍光顧,變相獨市（十點後）. 運氣也很重要.此一時、彼一時.
🎉🎉🎉
Sharon Chan is 最正
好像很好吃
我以前是住在石硤尾南山村木屋在神召會同 石硤尾警署中間條路上山頂的木屋村。 米雪的男朋友（已經離開人世）的足球員同村 相信亦會有四十五年前左右。不知talkfood 是否講這個 南山邨呢？
@KWOKchan-pd5gz
11 ай бұрын
白田？
燒賣關注組表示，有冇食過南山村阿婆？
Sharon ❤❤
還有雪糕伯伯
點解今次冇拍魷魚鬚架
小雲頂左y小編？😱
蝦多士呢，南乳豬手呢，籠仔蝦飯呢
呢條女會令我繼續想睇落去
@yeowchortan827
Жыл бұрын
起痰
@wingminghui7451
Жыл бұрын
同大埔 LuLu 好似樣
品香樓只有十多年歷史，舖位才是四十多年，前身是南山酒家。 南山名物仲有燒賣姨姨，即包即蒸即賣
@thinklessthinkmore
Жыл бұрын
南山酒家，前門後門都勁污糟。每次去文具店都唔想經過。😂
@pinglam2391
Жыл бұрын
其實一品香是他爸爸做. 跟著是亞哥和弟弟做,亞嫂做收銀. 而亞哥是肥少少,弟弟瘦少少. 兩個成日嘈交,但第二日就無事,每日輸迴. 後來他們搬去新舖換了橙色員工服. 亞哥已經少出現.
@k_wong
Жыл бұрын
品香樓唔只十幾年 至少二十年 細個係個到附近讀書 係學生飯堂
D嘢食又幾Ok㗎
第一眼以為主持係大埔lulu😂
我廿年前讀中學日日食咁滯 估唔到仲係度
夜晚排隊買雞蛋仔