Телжан (Толбухино)

Телжан (Толбухино) - Уәлиханов ауданындағы ауыл, Телжан ауылдық округі орталығы.
Кішкенекөл ауылынан шығысқа қарай 16 км-дей жерде.
Іргесі 1954 жылы тың және тыңайған жерлерді игеру кезінде қаланды. 1954-1996 жылдары Көкшетау облысы Қызылту ауданындағы астық кеңшарының орталығы болған. Кеңшар негізінде 1996 жылы ЖШС және 20-дан астам шаруа қожалықтары құрылды.
1999 жылы жергілікті тұрғындар саны 769 адам (359 ер адам және 419 әйел адам) болса, 2009 жылы 572 адамды (279 ер адам және 293 әйел адам) құрады.

Пікірлер