Соҳибкории иҷтимоӣ тиҷоратест, ки ҳадаф аз таъсиси он рисолати иҷтимоӣ ва хайрхоҳона мебошад. Ба ибораи дигар, соҳибкории иҷтимоӣ баъзе мушкилот, аз қабили камбизоатӣ, бекорӣ, мушкилоти фарҳангӣ, экологиро ҳал мекунад.
Бо соҳибкории иҷтимоӣ метавон даромад гирифт ва ба дигарон бо фароҳам овардани ҷойи корӣ кумак кард, мушкилоти иҷтимоиро рафъ намуд.
Барои мисол:
Як нафарро ифлосии маҳаллаш нороҳат мекунад. Ӯ мехоҳад, ки барои рафъи мушкилӣ корхонаи коркарди партов бунёд намуда, партовҳоро ҷамъоварӣ ва коркард намояд. Барои ин, аз ҳисоби гуруҳи осебпазир, аз қабили бекорон, маъюбон, модарони танҳо, ятимон корманд ҷалб карда, бо онҳо музди меҳнат таъин менамояд. Аз ин ҳисоб мушкили экологӣ ҳал, маҳал тоза ва чандин нафар бо ҷойи кор таъмин мегардад.
Бунёди мактаб, беморхона ва амсоли инҳо низ метавонад соҳибкории иҷтимоӣ бошад, ки мушкили ҷомеа ҳал мегардад.
Соҳибкори иҷтимоӣ аз соҳибкори анъанавӣ бо он фарқ мекунад, ки ҳадафи асосии ӯ тағироти мусбат дар ҷомеаҳои худ мебошад.
Дар тиҷорати анъанавӣ муваффақиятро аз рӯи ҳиссаи бозор ё афзоиши даромади солона чен мекунанд. Дар соҳибкории иҷтимоӣ ченакҳо метавонанд дигар бошанд, ба монандаи ҷойҳои кории эҷодшуда, ки мушкилоти ҷомеа то ҳадде ҳал мегардад. Ҳар як мушкилоти иҷтимоӣ метавонад нуқтаи ибтидоии тиҷорати нав бошад.
Иқтисодшинос Уктам Ҷумаев низ ба ин фикр розист, ки соҳибкории иҷтимоӣ ҳалли мушкилоти иҷтимоии ҷомеа ва шуғлофарист.
Видеои Уктам Ҷумаев
Муҳимтарин ҳадафи соҳибкории иҷтимоӣ мусоидат ба ташкили зиндагии устувор ва баланд бардоштани сатҳи некӯаҳволӣ, тавонмандсозии ҷомеаҳо ва кумак ба нафарони ниёзманд мебошад.
#социальное_предпринимательство
#безработица
#работа
#бизнес
#инвалиды
#уязвимые_группы