Ришод Зоҳир, писари марҳум Аҳмад Зоҳир, бо писараш Ёсин Зоҳир, 9 июни соли равон ба Душанбе омада, 11 июн зимни як нишасти матбуотӣ ба саволҳои хабарнигорон посух дод. Сафари Ришод Зоҳир то 24-уми июн идома мекунад.
“Аз сафар хуш омадӣ”-таҳти ин ном консерти фарзанд ва набераи Аҳмад Зоҳир - Ришод Зоҳир ва Ёсин Зоҳир шоми 14-уми июн бахшида ба рӯзи мелод ва марги Аҳмад Зоҳир соати 19:00 дар Кохи Суруш баргузор мегардад. Дар ин маҳфили ҳунарӣ ҳамчунин чанде аз сарояндаҳои номдори кишвар, ки дар пайравӣ ба мактаби Аҳмад Зоҳир суруд мехонанд, иштирок хоҳанд кард. Ришод аз наврасӣ мисли падараш шавқи овозхониро дар дил мепарварид ва дар аввал таронаҳои падарашро мехонд. Соли 1987 дар 17-солагӣ нахустин албоми худро таҳти унвони «Гули интизор» нашр кард. Ришод Зоҳир оиладор буда. соҳиби ду фарзанд мебошад. Писараш Ёсин, духтараш Майна ном доранд. Ришод Зоҳир соли 1970 дар шаҳри Сиэтли Амрико ҳангоми дар сафар будани падараш таваллуд шудааст.
#افغانستان
#احمدظاهر
#ahmadzahirsongs
#Tajikistan
#rishadzahir
#america
#afghanistan