Коргоҳи дӯзандагии "Содот" дар шаҳри Ваҳдат воқеъ буда, роҳбари ин коргоҳ Сафуро Назрии 21-сола мебошад. Ӯ се сол пеш, ҳамроҳи хонаводааш ба Тоҷикистон омада ба омӯзиши дӯзандагӣ пардохт.
Дар коргоҳи дӯзандагии "Содот" се устод ба 8 шогирд омӯзиш медиҳанд, ки 6 нафарашон аз оилаи муҳоҷирини Афғонистон ҳастанд.
Ин коргоҳ дар нозироти андоз ба қайд гирифта шудааст.
Арзиши дӯхти либос дар ин коргоҳ вобаста ба матоҳ ва дизайни он аст
Фармоишҳо аз 50 то 300 сомонӣ аст.
Сафуро Назрӣ мегӯяд, вақте ба Тоҷикистон омад, шурӯъ кард ба омӯзиши хайётӣ. Бо сайъу талош дӯзандагиро ёд гирифт.
“Баъди он ки дӯзандагиро ёд гирифтам, оҳиста-оҳиста ба кор оғоз кардам. Дар аввал мо васоили хеле содаву одӣ доштем. Баъд аз ин дар лоиҳаи USAID иштирок карда, дарс гузаштем. Баъди иштирок дар омӯзиш лоиҳаи худро пешниҳод кардем. Лоиҳае, ки доштем, бо устод тарҳрезӣ кардем ва нақшаи худро пешниҳод кардем. Баъд аз он ба мо васоил доданд ва мо тавонистем ин ҷоро боз кунему шогирд гирем.”,-нақл кард Сафуро.
Фаъолияти ин муҳоҷирони афғонистонӣ як навъ соҳибкории иҷтимоӣ мебошад. Қарор аст дар Тоҷикистон қонун “Дар бораи соҳибкории иҷтимоӣ” қабул гардад.
Мувофиқи лоиҳаи қонун муҳоҷирон ва паноҳандагон ба қишри осебпазири ҷомеа шомил ҳастанд.
#афганистан
#социальное_предпринимательство
#предпринимательство
#таджикистан
#афганистан
#беженец
#افغانستان
#پناهندگی
#afghanistan