Mizhiyina Njaan - Soūf the cover
A sufi cover by Sameer Binsi
Backing score: Akbar Green
D O P : Fayis Manjeri
Production designer: Mithulesh
Light up: Nihad Kannur
Studio: Green, Davingi Ads
Designs: Lukhmanul Hakeem
Sufi/Esoteric tranlation: Sameer Binsi
English : Shameer K S
Special Thanks: Umer Naseef Ali
Original song credits:
Sung by K.J Yesudas
Lyric by P Bhaskaran
Music by A.T Ummer
Movie: Maniyara (1983)
"മിഴിയിണ ഞാൻ..."
Esoterically de-re constructed by Binsi:
"കണ്ണുകൾ അടച്ചാലും തുറന്നാലും എൻ്റെ നിനവിലും കിനാവിലും നീയല്ലാതാരുമില്ലല്ലോ!
ഓരോ അലകളിലും പാൽനിലാവെളിച്ചം പ്രതിബിംബിക്കുന്നതു പോലെ,
എൻ്റെ ഹൃദയ വിചാരങ്ങളാകുന്ന നീലക്കടലിൻ്റെ തിരമാലകളിലൊക്കെയും നിൻ്റെ മുഖം തന്നെ!
എൻ്റെ മധുരസങ്കൽപനങ്ങളുടെ പുഷ്പവാടിയിൽ ഇശ്ഖിൻ്റെ തെളിയരുവി ഒഴുകുമ്പോഴൊക്കെ, നിൻ്റെ തൃപ്തിയുടെ ആ അമൂല്യമായ പാത്രവുമായി അത് കോരിയെടുക്കാൻ വന്ന പ്രണയഭാജനമേ... ആ അനന്യമായ വിശുദ്ധ നയനങ്ങളിൽ ആലേഖനം ചെയ്ത കവിതകൾ ഞാൻ വായിച്ചു നോക്കിയപ്പോൾ, ദൈവമേ... അതിലെൻ്റെ പേരാണല്ലോ!
നിന്നെ എന്നിൽ അറിഞ്ഞ എൻ്റെ ആദ്യനിമിഷങ്ങളിൽ നിൻ്റെ ദിവ്യപ്രഭാവം താങ്ങാനാവാതെ എൻ്റെ ബാഹ്യ സ്ഥലകാലാവസ്ഥകളുടെ ആടയാഭരണങ്ങളെല്ലാം പൊട്ടിപ്പോയി! ആ നിമിഷം തൊട്ട് എൻ്റെ ഉള്ളിൻ്റെ ഉള്ളിലെ ജ്ഞാനപ്പൊരുളിൻ്റെ ചുമരുകളിലെല്ലാം ഞാൻ കണ്ടത്, പല പല വർണങ്ങളിൽ നീ വരച്ചു തന്ന, നിൻ്റെ മുഖം മാത്രം!"
---------
Souf the cover - 2 :
• മറഞ്ഞിരുന്നാലും | Sufi...
Souf the cover - 3 :
• സുന്ദര സ്വപ്നരാജസ്വരൂപ...
സൂഫ് ദി കവർ!
ഇങ്ങനെ കുറച്ച് പാട്ടുകൾ മുമ്പിൽ വെക്കുകയാണ്.
സൂഫ് എന്നാൽ സൂഫികളുടെ ഒരു കരിമ്പടമാണ്. ഒരു പുതപ്പ്.
ഖൽബിനെ ആന്തരിക രഹസ്യങ്ങൾ കൊണ്ടും കാഴ്ചാ / കേൾവികളെ ഗൂഢവും വശ്യവുമായ ദിവ്യപ്രണയം കൊണ്ടും ചൂടാക്കുന്ന ഒരു പുതപ്പ്. കാലങ്ങളായി നമ്മുടെ തണുത്തു വരണ്ട പദാർഥിക നോട്ടങ്ങളെ ആ പുതപ്പ് കൊണ്ട് പുതപ്പിച്ച് ചില കളികൾ പഠിപ്പിച്ചു കൊണ്ടിരുന്നു ഗുരുക്കന്മാർ .
ആ കളി തിരിഞ്ഞാൽ നോക്കുന്നിടത്തൊക്കെയും പ്രണയ ഭാജനത്തിൻ്റെ മുഖം മാത്രം! ഉള്ളാകാശം കാണുന്ന ഈ കളി തിരിയാത്തവരോ.. കുട്ടിക്കളി എന്ന് നിനച്ച് പരിസരത്ത് നിന്ന് തന്നെ, താനെന്ന രഹസ്യത്തിൽ നിന്ന് തന്നെ എക്സിറ്റ് അടിച്ചേക്കാം.
പാട്ടെന്നല്ല, പ്രപഞ്ചത്തെത്തന്നെ, തന്നെത്തന്നെ
അങ്ങനെ നോക്കാനാവാത്ത എത്രയെത്ര 'എക്സുകൾ' ആണ് ഈയിടെ ബാഹ്യനോട്ടങ്ങളുടെ തലച്ചോർ ഗർത്തങ്ങളിൽ ആപതിച്ച് കയ്യും കാലും ഇട്ടിളക്കുന്നത്.
'അയ്ന മാ തുവല്ലൂ' ( നീ എവിടെന്തിരിഞ്ഞാലും ) എന്ന ആന്തരിക സംഗീത ദർപ്പണത്തിലൂടെ ചില പാട്ടുകൾ / ചൊല്ലുകൾ/ വരികൾ കേട്ട് നോക്കുക.
അപ്പോൾ തിരിയും ( will turn എന്നും അർഥം! ) അവിടെയൊക്കെയും 'പ്രണയപ്പൊരുളിൻ്റ മുഖം' ( ഫ ഥമ്മ വജ്ഹുല്ലാഹ് ) എന്ന്!
അപ്പോഴറിയും, 'കൊള്ളാൻ വേണ്ടി എറിഞ്ഞതിനെ'ക്കാൾ, 'എറിഞ്ഞപ്പോൾ കൊണ്ട' ചില പാട്ടുകളുണ്ടെന്ന്!
( പ്രയോഗത്തിന് സുഹൃത്ത് ഡോ. ഹുദൈഫ റഹ്മാനോട് കടപ്പാട്. ) അപ്പോൾ കാണാം; നമ്മൾ ഒട്ടും നിനക്കാത്ത ചില കവികൾ അവർ പോലുമറിയാതെ മഹത്തായ സൂഫീ ഹംദുകളും നാത്തുകളുമായി മുന്നിൽ നിൽക്കുന്നത്!
പേർഷ്യനിലും ഉർദുവിലും പഞ്ചാബിയിലുമൊക്കെ ഈ രീതി ആദ്യമേ ഉണ്ട്. സൂഫികൾ അല്ലാത്തവർ ഈ സവിശേഷ നോട്ടത്തിനുതകുന്ന രീതിയിൽ തന്നെ മന: പൂർവം വരികളെഴുതുന്ന രീതികൾ വികസിച്ചു വന്നത് യഥാർഥ സൂഫീ കവികകളുടെ സ്വാധീനമായിരുന്നു. മേരെ രശ്ഖെ ഖമർ , ആഫ് രീൻ, തുമെ ദിൽ ലഗീ തുടങ്ങിയ പാട്ടുകൾക്ക് സൂഫീ രീതിയിലും അല്ലാത്തതുമായ ഭാഷ്യങ്ങളും ചിത്രീകരണങ്ങളും കാണാം.
'സൂഫ് ദി കവർ'
നമുക്ക് പരിചിതമായ പാട്ടുകളിലെ, എറിഞ്ഞപ്പോൾ കൊണ്ട ചില പൂക്കളെ പെറുക്കാനുള്ള ശ്രമമാണ്!
കേൾവിയെ പിന്നെയും ഞാൻ പാട്ടായി തന്നെയാണ് അവതരിപ്പിക്കുന്നതെന്നറിയാം. അതിനെ ഇനിയും വേറെയായി പിന്നെയും ആളുകൾ കേട്ടേക്കാം. Text നപ്പുറം, ശബ്ദത്തെ - കേൾക്കാനുള്ളതിനെ അപനിർമ്മിക്കുന്നതിനെക്കുറിച്ചുള്ള സിദ്ധാന്ത ചർച്ചകൾ ഉണ്ടോ എന്നറിയില്ല.
അപ്പോൾ സൂഫ് ദി കവർ!
ഏത് കവർ സോംഗും, ഒരു ആലാപനത്തെ തൻ്റെ ആലാപനമാക്കി കവർ ചെയ്യലാണല്ലോ. സൂഫ് ദി കവർ,
ആലാപനത്തെ എൻ്റെ കേൾവിയിൽ കവർ ചെയ്യുകയാണ്. പുതപ്പിക്കുകയാണ്. സൂഫ് !
അപ്പോഴും എനിക്ക് എൻ്റെ കേൾവിയെ കാണിക്കാനാവില്ലല്ലോ. ഞാൻ 'കേട്ടതിനെ' പാടാനേ ആവൂ. ഉള്ളിൽ കേട്ടതെന്താണ് എന്നതാണ് പാട്ടിന് ഞാൻ മേൽ കൊടുത്ത അർഥവിചാരങ്ങൾ...
പാട്ട് പാടണമെങ്കിൽ പാടിയാൽ പോരേ! ഇങ്ങനൊക്കെ വേണോ? താങ്കൾക്ക് പാടാൻ പറ്റിയ പാട്ടുകൾ വേറെ തന്നെ ഉണ്ടല്ലോ.. എന്നൊക്കെയുള്ള അഭിപ്രായമുള്ളവരോടും സ്നേഹം.
ഇനി ഇതൊന്നുമില്ലെങ്കിലും, എത് പാട്ടിലെയും പ്രണയത്തെ, വേദനയെ, സന്തോഷത്തെ , വിരഹത്തെ ഏതൊരാളും തൻ്റേതായ സവിശേഷാനുഭവങ്ങളോട് ചേർത്തുവെച്ചാണല്ലോ കേൾക്കുന്നത്. സിംപിൾ !
സൂഫ് ദി കവർ.. 1
Eshq
🕊️