Ҳунари дӯзандагиро Файзалӣ Аҳлиддинов, ҷавони 30-солаи тоҷик дар Тоҷикистон беҳтар аз кори муҳоҷират медонад. Зеро мисли ҳазорҳо муҳоҷири тоҷик бо орзуи бадаст овардани даромади бештар ба Русия рафт, вале бо рӯзҳои сахту душвор рӯ ба рӯ шуд. Бинобар ин, дубора ба Ватан баргашт ва ба кори дӯзандагӣ идома дод. Акнун қайчӣ ва сӯзанро беҳтар аз бардоштани хишту лой ва дигар корҳои пурмашаққат медонад.
Ӯ ягона марди дӯзанда дар шаҳри Бохтари вилояти Хатлон аст. 13 сол инҷониб ба кӯтоҳ кардани либосҳои мардона ва дӯхтану ороиш додани матоъҳои занону бонувон машғул аст. Ҳанӯз 16 сол дошт, ки ба дӯзандагӣ шуруъ кард. Он замон танҳо барои хонаводаву ҳаққу ҳамсоя медӯхт. Баъд аз хатми мактаби миёна дар бозори «Ҳоҷии-Шариф» дӯкони худро кушод ва ҳунарашро ба мардум ошкор кард.
Ин дӯзанда мегӯяд, ки ҳунари дӯзандагиро аз холааш омӯхтааст. Дӯхтану даромад бадаст овардани холааш ӯро дилбастаи ин касб кард. Аввалин пироҳане, ки омода кард, аз модараш буд, ки модар онро бо хурсандӣ қабул кард. Дар ҷомеаи суннатии тоҷикистон баъзе нафарон дӯзанда будани мардро чандон қабул надоранд, гуё он кори зан аст. 10 сол пеш бархурди мардум бо Файзали дигар буд, вале ӯ ба суханҳои мардум аҳамият надод ва ба касби дӯстдоштааш идома дод, ки дар ниҳоят муввафақ шуд.
#тоҷикистон
#бохтар
#хатлон
#дӯзанда
#тарроҳ
#дизайнер
jom.tj-ро пайгирӣ кунед:
KZread: / @jomtojikiston
Instagram: / jomtojikiston
Facebook: / jomtajikistan
Тик Ток: / jomtojikiston
Twitter: / jomtajikistan