Dünyanı kəşf et (Season 19)
Dunyani kesf et
Dunyani keshf et
Miami
Mayami
IG: pirimustafa_music / pirimustafa_music
Tiktok: piri_mustafa www.tiktok.com/@piri_mustafa?...
Facebook: Piri Mustafa / musicpirimustafa
Miamidən bütün Azərbaycana salamlar. Amerikanın ən məşhur kurort şəhəri olan Miamiyə gəlmişəm və sizlərə bu səyahətim haqqında danışacam.
Miami Amerikanın cənub şərqində, Florida ştatında, atlantik okeanın sahillərində yerləşir. Şəhərin əhalisi təxminən yarım milyon olsada, ümumi meqapolisin əhalisi 6 milyondan çoxdu. Burdakı Miami limanı isə həm kruiz gəmilərinin, həm də sərnişinlərin sayına görə dünyanın ən böyük limanıdır. Təbii ki, bir çoxları üçün Mayami dünyanın ən məşhur turizm məkanlarından biri kimi tanınır. Amerikaya gələn xarici turistlərin sayına görə şəhər amerikada ikinci yerdədir, yalnız Nyu-Yorkdan geri qalır.
Miami rəsmi olaraq 1896-cı ildə meydana gəlib. O zamanlar buranın əhalisi təxminən 300 nəfər idi. 1959-cu il Kuba inqilabı və Fidel Kastronun hakimiyyətə gəlməsindən sonra, 10 minlərlə Kubalılar Miamiye gəlir. Təəccüblü deyil ki, hazırda şəhər əhalisinin təxminən 30%-i Kuba mənşəlidir. Ümumilikdə latinolar Miami əhalisinin 70%-dən çoxunu təşkil edir. Maraqlı fakt, Miami əhalisinin 53%-i Miamidən kənarda doğulub və bu göstəriciyə görə Miami dünyanın böyük şəhərləri arasında 1-ci yerdədir. Bəlkə də buna görədir ki, burda əhalinin 63%-i evdə ispanca danışır. Miamidə ispan dili üstünlük təşkil etsə də, turistik ərazilərdə, həmçinin biznes mərkəzlərində və dövlət qurumlarında əsas dil ingilis dilidir.
İqlimə gəldikdə Miami tropik iqlimə malikdir, burda yay isti və yağışlı, qış isə ilıq və quru keçir. Burda qışda otra temperatur 17-24 dərəcə, yayda isə 26-32 dərəcədi. Miamiyə səhayət haqqında düşünürsüzsə məsləhət görərəm ki, noyabrdan may aylarına qədər olan müddətdə gələsiz. Yayda səyahət etmək məsləhət deyil, çünki hava isti və ən əsası hüddindən artıq rütubətli olur.
Bu videoda Miaminin ən maraqlı və görməli əraziləri haqqında danışacam. Təbii ki Miamiyə gələn turistlərin üz tutduğu 1 nömrəli məkan Miami beach-dir. Ona görə də Miami beach haqqında ayrıca video hazırlayıb yerləşdirəcəm. Lakin Miami beach-dan başqa da Miami-də görməli yerlər çoxdur.