Dünyanı kəşf et (Season 14)
Dunyani kesf et
Dunyani keshf et
Boston
USA
Bostondan bütün Azərbaycana salamlar! Amerikanın ən qədim şəhərlərindən biri və 18-ci əsr Amerika inqilabının mərkəzi olan Bostona bir neçə günlük səfər etdim və şəhər haqqında ən maraqlı məlumatları sizinlə bölüşəcəm. Gəlin başlayaq:
Massaçusets ştatının paytaxtı olan Bostonda 700 minə yaxın insan yaşayır. Lakin ətraf əraziləri də nəzərə alsaq, Bostonun əhalisi 5 milyona yaxınlaşır. Amerikanın vacib liman şəhərlərindən olan Boston, təhsil və mədəniyyət, istehsal və elmi araşdırma sahələrində dünyanın lider şəhərlərindəndir. Boston həm də birincilər şəhəridir, belə ki, burda amerikanın ilk ictimari parkı, ilk ictimai məktəbi, ilk metro sistemi, həmçinin ilk ictimai kitabxanası yerləşir ki, bu da şəhətin qədimliyindən xəbər verir. Gəlin qısaca Bostonun tarixinə nəzər salaq.
Şəhər 1630-cu ildə bura ingiltərədəki dini təqibdən qaçıb gələn puritan kolonistlər tərəfindən yaradilib və tezliklə Yeni İngiltərə regiounun siyasi və kommersiya mərkəzinə çevrilib. 1760-ci illərdə İngiltərə parlamenti kolonistlərin ödədiyi vergiləri artırmaq haqqında qərar qəbul edir və bu kolonistlərin kəskin etirazına səbəb olur, nəticədə tarixi məşhur hadisələr, Boston qətliyamı və Boston çay qonaqlığı baş verir. İngilislər bunun əvəzində vergiləri bir az da artırır və bu da Amerikan inqilabının başlamasına səbəb olur. Bir neçə il ərzində vuruşmalar baş verir və 1776-cü ildə Amerika müstəqillik qazanır. Bəli Boston bütün bu hadisələrin mərkəzində olur və ona görə də şəhərin çox böyük tarixi əhəmiyyəti var.
Bu gün Boston və ətraf ərazilər birlikdə Amerikanın 6-cı ən böyük iqtisadiyyatını təşkil edir və buranın ÜDM-u 413 milyard dollardır ki, bu da müqayisə üçün Azərbaycanın ÜDM-dan təxminən 10 dəfə çoxdur. Amerikanın biznes mərkəzi olan Bostonda Amazon, google, microsoft və digər böyük şirkətlərin ofisləri yerləşir. General Electric, Gillette, Fidelity investments, puma və reebok kimi şirkətlərin isə Mərkəzi igamətgahları məhz Boston şəhərindədir.
IG: pirimustafa_music / pirimustafa_music
Tiktok: piri_mustafa www.tiktok.com/@piri_mustafa?...
Facebook: Piri Mustafa / musicpirimustafa