Dünyanı kəşf et (Season 26)
Dunyani kesf et
Dunyani keshf et
Hyuston
Houston
IG: pirimustafa_music / pirimustafa_music
Tiktok: piri_mustafa www.tiktok.com/@piri_mustafa?...
Facebook: Piri Mustafa / musicpirimustafa
Hyustondan bütün Azərbaycana salamlar. Bu buraxılışda sizlərə Texasın ən böyük şəhəri olan Houston haqqında danışacam.
Nyu York, LA və Çikaqodan sonra ABŞ-ın 4-cü ən böyük şəhəri olan Xyustonda 2.3 milyon insan yaşayır. Lakin ətraf əraziləri də nərəzə almaqla şəhərin əhalisi 7.1 milyona çatır. Hyustonun əsası 30 avqust 1836-cı ildə torpaq və daşınmaz əmlak investorları tərəfindən qoyulub. Şəhər Texasa Meksikadan müstəqillik qazandırmış keçmiş general Sem Hyustonun adını daşıyır. Texas Respublikasının prezidenti olmuş Sem, Hyustondan 40 km şərqdə, San Jacinto döyüşündə Meksikanlara qalib gəlib. Bu döyüş şərəfonə ərazidə hündür abidə ucaldılıb və bu haqqda bir qədər sonra daha ətraflı danışacam.
19-cu əsrin sonlarından etibarən Hyuston iqtisadiyyatının əsasını enerji, istehsal, aeronavtika və nəqliyyatda sahələri tutur. Səhiyyə və neft-mədən avadanlıqlarının tikintisi sektorlarında lider olan Hyuston Fortune 500-ə daxil olan şirkətlərin sayına görə ABŞ-da Nyu Yorkdan sonra ikinci yerdədir. Ətraf ərazilərlə birlikdə Hyustonun ümumi daxili məhsulu (ÜDM) 2021-ci ildə 537 milyard dollar təşkil edib ki, bu da Azərbaycanın ÜDM-dan təxminən 10 dəfə çoxdur.
Hyustonun rütubətli subtropik iqlimə malikdir. Yayda orta temperatur 24-32 dərəcə, qışda isə 7-15 dərəcədir. Hyustonda bol yağış bağır və bu səbədən tez tez daşqınlar baş verir. Ümumiyyətlə, daşqınlardan nəticələnən insan tələfatı və əmlak itkisinin həcminə görə Hyuston bütün ABŞ şəhərləri arasında birinci yerdədir. Demoqrafiyaya gəldikdə isə, şəhər əhalisinin 44% hispanik və latinolardan ibarətdir. Ağlar Hyustonda yalnız ikinci yerdədir və 24% təşkil edirlər. Afro-amerikanlar isə 22%-lə üçüncü yerdədirlər. Asiyalılar 7% təşkil edir.
Hyuston ABŞ-da ən etnik və mədəni müxtəlifliyə malik metropolitan ərazilərdən biridir. Tarixən hispanik və latinoların, afro-amerikanların, o cümlədən Asiyalıların bura immiqrasiyasından yaranan müxtəliflik şəhərdə yaşayış dəyərinin aşağı olması və iş bazarının güclü olması ilə əlaqədardır. Elə bu müxtəliflik səbəbindən də şəhərdə biri birindən fərqlənən bir çox maraqlı turistik ərazilər formalşıb. Uca göydələnlərlə dolu downtowndan Galveston çimərliklərinə qədər, saysız hesabsız muzey və parklardan turmuş kosmosu kəşf edən NASA-y qədər hamısı Hyustonda. Mən də bu ərazilərə səyahət etdm və indi sizlərə Hyustonun 8 ən maraqlı ərazisini təqdim edirəm.