Сәлем достар. Микрофонда ЕСЕНБЕКОВ КУРБАНАЛЫ. 7 сынып информатика Алматы баспасы бойынша #питон сабақтарына шолуды жалғастыратын боламыз.
Инстаграм: @roboforce_
WhatsApp: 87027280307
Программа құрастыру кезінде көп тапсырмаларда бірнеше балама нұсқа арасынан біреуін таңдауға тура келеді. Мысалы, ондай жағдай оқу пәндері бойынша тест құрастыру кезінде байқалады. Басқа программалау тілінде мұндай жағдайларда арнайы таңдау операторы қолданылады.
Программалау кезінде бірнеше балама нұсқадан бірін таңдау үшін if - elif - else құрылымын қолдануға болады.
1-мысал. Берілген ай атауының нөміріне қарап, сол айдың жылдың қай мезгіліне жататынын анықтайтын программа құр. Нәтижені экранға шығар.
2-мысал. Берілген апта күнінің нөміріне қарап, оның атауын экранға шығаратын программа құрастыр.
1-тапсырма. Ай атауының нөміріне қарап, оның атауын табатын программа мен блок-схема құр.
2-тапсырма. 0-ден 9-ға дейінгі цифрларды енгізіп, олардың атын көрсететін жоба дайында.
3-тапсырма. Бір айдағы күндердің нөміріне қарап, айдың қай онкүндігіне жататынын анықтайтын программа жаз.
4-тапсырма. Программалау кезінде таңдау алгоритмдері пәндер бойынша тест тапсырмаларын құруға өте қолайлы. «Информатика» пәні бойынша тармақталған алгоритмдер тақырыбында 5 сұрақтан тұратын тест тапсырмасының программа кодын құр.
Математикада 2n дәрежесінің соңғы цифрын табуға арналған есеп бар. Мысалы, 2 нің 8 дәрежесінің соңғы цифры 6-ға тең. Бірақ есепті орындаудың қиындығы - n (0 кіші nкіші 1010) санының шегі өте үлкен. Есептің математикалық шешімі оңай. 2 санының дәрежелерінің соңғы цифры белгілі заңдылықпен қайталанып отырады. Осы заңдылықты ескере отырып, таңдау алгоритмін қолданып, есептің программа кодын құр.