Queremos galego presenta:
"A FALA”
UXÍA coa colaboración de TANXUGUEIRAS e FAIA.
POEMA: Manuel María.
MÚSICA: Uxía e Sérgio Tannus.
Audio baseado no concerto gravado ao vivo na Casa-Museo de Manuel María o 6 de outubro de 2015, recollido no disco Uxía canta a Manuel María (Fundación Manuel María, 2016), ao que se engadiron en maio de 2020 os coros, arpa e baixo eléctrico.
VOZ PRINCIPAL: Uxía.
VOCES: Tanxugueiras e Faia.
COROS RETROUSO: Carme Abal, Pier el Gabacho, Nuria Freiría, Ana Senlle, Andrés Giráldez, Kira e David Rubiñán.
GUITARRA: Sérgio Tannus.
ACORDEÓN: Santi Cribeiro.
PERCUSIÓN: Paulo Silva.
BAIXO ELÉCTRICO: José Manuel Díaz.
ARPA CLÁSICA: Bleuenn Le Friec.
LINGUA DE SIGNOS: Rosa Louro.
EDICIÓN, REMESTURA E MASTERIZACIÓN DO AUDIO: Sérgio Tannus.
VÍDEO EDITADO POR: Xaora Fotógrafos.
GUIÓN E PRODUCIÓN: Marina Carracedo (Damadriña Producións)
LETRA:
O IDIOMA É A CHAVE
COA QUE ABRIMOS O MUNDO:
O SALOUCO MÁIS FEBLE,
O PENSAR MÁIS PROFUNDO.
O IDIOMA É A VIDA,
O COITELO DA DOR,
O MURMURIO DO VENTO,
A PALABRA DE AMOR.
AIALA LALA…
O IDIOMA É O TEMPO,
É A VOZ DOS AVÓS
E ESE BREVE RONSEL
QUE DEIXAREMOS NÓS.
O IDIOMA É UN HERDO,
PATRIMONIO DO POBO,
MAXICAMENTE VELLO,
ETERNAMENTE NOVO.
AIALA LALA… (BIS)
O IDIOMA É A FORZA
QUE NOS XUNGUE E SOSTÉN.
¡SE PERDEMOS A FALA
NON SEREMOS NINGUÉN!
RENUNCIAR AO IDIOMA
É SER MUDO E MORRER.
¡PRECISAMOS A LINGUA
SE QUEREMOS VENCER!
AIALA LALA… (BIS)