Бисквиккэ:
•саахар-50г;
•сымыыт-3улахан размердаах;
• сода - 0,5 ч.нь.;
• кымаах туус;
• сгущенка - 1 бааҥка;
• ынах арыыта - 30 г;
• бурдук - 150 г.
Кремҥэ:
•ынахарыыта-300г;
• сгущенка - 1 бааҥка («Рогачев» ордук);
• саахар - 50 г.
Сымыыты, саахары, тууһу бииргэ холбоон үллүөр диэри эрийтэрэбит. Сымыыт кыра соҕус буоллаҕына 4 сымыыты туһанаарыҥ. Бу булкааһыкка соданы, сгущенканы, ууллубут ынах арыытын эбэбит. Биир мааса буолуор диэри ытыйабыт, бурдук эбэбит уонна 1-2 мүнүүтэ ытыйабыт.
Бу торду төкүнүк да оҥоруохха син, эбэтэр мин курдук түөрт муннук. Төкүнүккэ 22 см форма наада, мин тимир запеканка буһарар 23*33см иһиккэ буһардым. Фольганан тэлгиибит уонна тиэстэбитин кутабыт, көнө гына тарҕатан, тэҥнээн биэрэбит. 180 кыраадыска диэри сылытыллыбыт духуопкаҕа, 30-40 мүнүүтэ буһара уурабыт. Бисквит буһуутун зубочистканан билэбит, кураанах буоллаҕына, духуопкаттан хостуубут. Форматыгар сойо турдун. Олоччу сойутабыт, ол кэннэ бисквити икки аҥы араарабыт, онтон ол аҥарбытын 4 корж гына бысталыыбыт. Уопсайа 4 тэҥ корж баар буолуохтаах.
Коржтары үрүт-үрдүгэр уураммыт, кытыытын быһаҕынан тэҥнээн быһан биэрэбит. Бу ордукпутун тас киэргэтиигэ туттуохпут.
Аны крем оҥоруутугар киирэбит. Ынах арыыта дьиэтээҕи температура буолуохтаах. Манна арыы, сгущенка, саахар кутабыт уонна эмиэ үллүөр диэри эрийтэрэбит. Наһаа күүскэ ытыйбаппыт.
Торт ойоҕоһун киэргэтэргэ бисквит тобоҕун блендердиибит. Коржтар ардыларыгар аҕыйах соҕус креми кутаарыҥ. Кытыытын кондитерскай шпатель көмөтүнэн кремнээн, тэҥнээн биэрэҕит уонна бисквит бытархайынан илиибитинэн бүрэйэн биэрэбит. Чэ уонна бэйэҕит санаабыккытынан киэргэтэҕит. Биһиги ол кэмнэри санаан урукку стилистиканы тутустубут.
Оҕо сааспыт минньигэс аһа бэлэм. Итии чэйи кытта сиэн оҕо сааскытын ахтан-санаан ааһыҥ.