Қазақ сөзінің мәйегі, дәмі, тұздығы саналатын мақал-мәтелдер атадан-балаға, ұрпақтан-ұрпаққа аманат боп жаттала жеткен қазақ халқының рухани қазынасы әрі үлкен тәлім-тәрбие құралы. «Сөздің көркі - мақал» деп білген халқымыздың бұл жәдігерін келер ұрпаққа мән-маңызын сақтай отырып ұсыну, оның тәлімдік-тәрбиелік мәнін жеткізу де - біздің міндетіміз бен борышымыз. Бұл міндет пен борышты жүзеге асырудың тиімді тәсілі мен әдісі анимациялық фильм деп таптық. Қазақ мақал-мәтелдерінің, нақыл сөздерінің мәнін ұғындыратын түрлі шытырман оқиғаларға құрылған қызықты мультфильмдер жасау арқылы балаларымызға рухани қазынамызды насихаттау идеясы көңілімізге қонымды болды.