Қазақта “Іштен шыққан жау жаман” деген сөз бар. Тасаууфта адамның ішкі жауы ол - нәпсісі. Ал сыртқы дұшпаны ол - шайтан. Сондықтан да, шайтан іштен қақпаларды ашып беретін нәпсі болмаса, адамды азғыра алмайды. Сол себепті де, шайтан көбіне адамның ішінде орналасқан, ішкі жауы саналған нәпсімен ортақтаса әрекет жасайды.
Осыны білген сопылар рухани кемелдік жолында ең алғаш осы нәпсіні тізгіндеуден бастайды. Себебі, нәпсіні тізгіндейтін болса, сыртқы дұшпан, яғни шайтан адамды азғыруда дәрменсіз қалады. Ал нәпсіні тізгіндеудің және тұсаулаудың ең тиімді тәсілі ол аштық. Яғни, нәпсі аш қалудан қорқады. Аш қалғанда ғана ол Құдайын таниды.
#нәпсі #жау #рамазан #іш #сырт #дұшпан #ізгілік #тәрбие