Ubusanzwe amazina ye yose ni Shakira Isabel Mebarak Ripoll yavutse tariki 2 Gashyantare 1977 avukira mu mujyi wa Barranquilla mu gihugu cya Colombia.
Akaba ari umwana w’ikinege wa William Mebarak Chadid na Nidia Ripoll.
Shakira yashyize ahagaragara album ye ya mbere igihe yari afite imyaka 14 y’amavuko gusa, album yise Magia akaba icyo gihe yari afashijwe na Sony Music Colombia mu mwaka w’1990.
Umuhanzikazi Shakira amaze gukora album z’indirimbo zigera ku 10 .
Yakoze indirimbo zinyuranye zagiye zikundwa kugeza n’inaha mu Rwanda nka Whenever, Whenever, indirimbo yakoreye igikombe cy’isi cya 2010 Waka Waka n'izindi.
Mu mwaka wa 2010, ubwo Shakira yaririmbaga indirimbo y’igikombe cy’isi cyabereye bwa mbere ku mugabane wa Afurika mu gihugu cya Afurika y’epfo, byamuhaye amahirwe yo kwegerana cyane n’abakinnyi b’umupira w’amaguru.
Aha ninaho yahuriye n'uwahoze ari umugabo we Pique, Mu mashusho ya Waka Waka, Pique agaragaramo nk’ibisanzwe nk’uko n’abandi bakinnyi bagaragayemo ariko itangazamakuru ryatangiye kuvuga ko hari umubano udasanzwe utangiye kuhashibukira n’ubwo ba nyir’ubwite batahise babyemeza.
Mu kwezi kwa Werurwe mu mwaka wa 2011 nibwo Shakira yatangaje kumugaragaro ko bakundana abinyujije ku mbuga nkoranyambaga za Twitter na Facebook gusa ubu ntibakiri kumwe kuko bagezeho baratandukana.