#محمد_ال_نجم #نجم_سهيل
صبلي فنجال دله مزود بالقناد
والله ان في راسي اليوم موضوعاً خطير
ساعت الصفر استدارت وجا وقت الحصاد
من معه قوه يحظر بها اليوم الكبير
خل قول الصيف كلن يقول ابغا الشداد
وان حظر يوم المزاين يعود يستخير
الحظور الي يجمل يبي زود اجتهاد
ويبغي الي زينها يابدو ماله خشير
مثل نجم سهيل ماهي تساق ولا تقاد
كارثه ذا العصر ياجعلها بصحه وخير
اللجان الخمس تبصم عليها باعتماد
تنعزل صوب المنصه قبل ماتستشير
والله ان مسراحها ماهو ال شوط التلاد
السنه تجبره ياتي بها الشوط المثير
من يماري وحيده عاف زاده والرقاد
ويش يبغي بالمعانه ويعود كسير
النصيحه لا تغرك حلومك والعناد
الهقاوي بعضها تجعلك مثل الضرير
شوط بينونه باسمها تسجل والوكاد
رقم ثاني من وراها مثل رتبه وزير
والله ان الزين فيها تعدا الوصف زاد
يوم جات الشوط جمهورها جمعاً غفير
كن مابها قبلها لا زيان ولا سناد
العرب كلن يوصف حلاها بالمسير
ياحمد بن العوف ماهي غريبه واعتياد
كل عام اتكرر النصر يالاسم الشهير
لك فعولاً نادره تنعرف عند العباد
النشاما تشهد لفعلك اصغير وكبير
والعوامر لابتك لابدا قدح الزناد
في حماهم يامن الضيف ويعز القصير
هم هل اللبل عادها عصر عاد وقوم عاد
يحتمون اطرافهن لاغدا شراً شرير