بعد مانلقي التحيه ياهل الحشوان غاره غاره على رموز في العوايد نحتميها
مانهاب الشوط لامن قام يصلانا شراره لحظه فيها التحدي بالدراهم نشتريها
يامناهيل السعد من يوم جيتوهم ب قاره اختلف مسراحهم للشوط واخلفهم مجيها
جابها اللي راهن من القيض ضواها حواره واثق من مشتراه وكنه مبصم عليها
يالجماهير الغفيره قبل لحظات الاثاره
افرحوا ناموسها من صفيتو عليها
بكرة فيها الحلا والرق ورهوة الجباره
وكبر راس كن صوغ الحضرمي رسمة اذنيها
طفحٍ لحويها سندا ولا فيها انحداره
جل شان اللي خلقها وابدع التصوير فيها
كنها من الوطى ترقى دراثيم الزباره
ثم تهايق برقبتها يوم جاتك تعتليها
كامله الأوصاف من عرنونها لين الفقاره
حدت اللجنه عليها مالقت شي يحليها
تحتمي شوط تجيه وتنزع الرمز بجداره
في سويحان ومدينه زايد واللي يليها
جابها مرزوق جعل ايامه من البلوى مجاره
ماتكاثر راس ماله يوم عزم يشتريها
ومن تحدى فالوعد يأتي لبينونه زياره
والتصاريح القويه لازم انه يحتميها
يامناهيل السعد من قبل لحضات الاثاره
افرحوا ناموسها من يوم صفيتو عليها