For qine and wereb subscribe to
/ @mesretetebebzk8651
አመ ፲ወ፪ ለኅዳር ቅዱስ ሚካኤል
ዘነግህ መ.ዝ ፳ ፥ ፩
እግዚኦ በኃይልከ ይትፌሣሕ ንጉስ፡
ወብዙኀ ይትሐሠይ በአድኅኖትከ፡
ፍትወተ ነፍሱ ወሀብኮ።
ወንጌል ዘሉቃስ ም ፲፱ ቊ ፲፩ - ፳፰
እስ፣ ሚካኤል እመላእክት መኑ ከማከ ልዑል አስተምህር ለነ ሰአልናከ በ፲ቱ ወ፬ቱ ትንብልናከ ሚ፥ ዐይኑ ዘርግብ ልብሱ ዘመብረቅ ሐመልማለ ወርቅ ሚ፥ ይሰግድ በብረኪሁ እስከ ይመጽእ ሥርየት ለኃጥአን ሚካኤል እመላእክት መኑ ከማከ ልዑል መኑ ከማከ ክቡር።
አመላለስ፣ ሚካኤል እመላእክት መኑ ከማከ ልዑል፡
መኑ ከማከ ልዑል መኑ ከማከ መኑ ከማከ ልዑል መኑ ከማከ ክቡር።
ዘሰ እስ፣ ሠርዐ ለነ ሰንበተ ለዕረፍተ ዚአነ ከመ ናዕቢያ ወናክብራ ለዕለተ ሰንበት መላእክተ ሰማይኒ ወኵሉ ፍጥረት እለ ውስተ ሲኦል እለ ውስተ ደይን ያዕርፉ ባቲ እስመ ቀደሳ አዕበያ ወአልዓላ ለዕለተ ሰንበት መኑ ከማከ ስቡሕ እግዚኦ በውስተ ቅዱሳን መንክር ስብሐቲከ እግዚኦ ወትረ እሴብሐከ።
አመላለስ፣ መንክር ስብሐቲከ፡
እግዚኦ ወትረ እሴብሐከ።
ቅ፣ አመ ይወጽኡ ፳ኤል እምግብፅ ሰጠቀ ባሕረ ወአኅለፎሙ ማይሰ ሰሰለ ዓረፍተ በይምን ወዓረድተ በጽግም ቆመ ማይ ነሥአ ሙሴ በትረ ጸለየ ወአማዕተበ ውእቱኬ በአርአያ መስቀል።
አመላለስ፣ ነሥአ ሙሴ በትረ ጸለየ ወአማዕተበ፡
ውእቱኬ በአርአያ መስቀል ውእቱኬ በአርአያ መስቀል።
አንገርጋሪ፣ ውእቱ ሚካኤል መልአከ ኃይል ልዑል ውእቱ ልዑለ መንበር ይስአል ለነ ረዳኤ ይኩነነ አመ ምንዳቤነ ሰፊሆ ክነፊሁ ይጸልል ዲቤነ።
ምል፣ ይስአል ለነ ረዳኤ ይኩነነ አመ ምንዳቤነ ሰፊሆ ክነፊሁ ይጸልል ዲቤነ።
አመላለስ፣ ሰፊሆ ክነፊሁ፡
ክነፊሁ ይጸልል ዲቤነ ክነፊሁ ይጸልል ዲቤነ።
አቡን፣ በ፮ ዝኩሰ ሚካኤል ሊቀ መላእክት ይስአል ለክሙ ኀበ ንጉሠ ስብሐት ሥዩም በኀበ እግዚኡ ምእመን ረሰዮ እግዚኡ ለውእቱ ሚካኤል እምኵሎሙ መላእክት ይትለዓል መምበሩ ሥዩም በኀበ እግዚኡ ምእመን በጽሑ መላእክት ወሀቦሙ መዘምራነ ማዕከለ ደናግል ዘባጥያተ ከበሮ ሥዩም በኀበ እግዚኡ ምእመን ነዋ ሚካኤል መልአክክሙ ይስአል ለክሙ በእንተ ምሕረት።
አመላለስ፣ ነዋ ሚካኤል መልአክክሙ፡
ይስአል ለክሙ በእንተ ምሕረት።
ዓራ፣ ሐመልማለ ወርቅ ልብሱ ዘመብረቅ ሚካኤል ሊቅ ሐመልማለ ወርቅ ክነፊሁ ዘእሳት አድኅን እግዚኦ ዛተ ሀገረ ወካልዓተኒ አኅጉረ ወበሐውርተ በኃይለ መላእክቲከ እለ እምዓለም አሥመሩከ ረዳእየ አንሰ ኪያከ ተወከልኩ።
ቅ፣ መካኤል ብሂል ዕፁብ ነገር መልአከ ኪዳኑ ለእግዚአብሔር ገብርኤል ብሂል ወልደ እግዚአብሔር ወዲበ ርእሱኒ አክሊል (ጽሑፍ) በትእምርተ መስቀል።
ሰላም፣ መልአከ ሰላምነ ሊቀ መላእክት ሚካኤል ሰአል ወጸሊ በእንቲአነ አዕርግ ጸሎተነ ቅድመ መንበሩ ለንጉሥ ዓቢይ።