前會計文員租12個迷你倉儲漫畫！27年來儲80至00年代港日美漫畫 義工幫忙重組 火炭大開倉｜
#MiLK #ProFile // 前會計文員租12個迷你倉 儲27年80至00年代港日美漫畫 義工幫忙重組 火炭大開倉
搬屋、生孩子、移民， 你第一件事會丟掉的是甚麼？是否動輒數十本，曾經很愛的漫畫？
手提電話年代，街坊報攤消失。據漫畫經銷商「漫畫市場」的Sammy說，90至00年代，全港最少有300多間漫畫店。一期《男兒當入樽》可賣8萬書，《風雲》廿多萬本，還未計報攤的銷售量；現在，據「香港漫畫店地圖」，全港漫畫店只剩30餘間，《One piece》只賣不足5,000本
，港漫只得8,000本。以前漫畫迷，找間街坊漫畫店，可識到同好，現在想找個地方遇同好，都難。
漫畫林，自稱漫畫拯救員，正職是會計文員，目的是「給自己收好看的漫畫，看完賣掉，或者幫自己套書，換本新淨啲，靚啲嘅。」97年金融爆破，樓市有很多負資產，他第一次請貨車，接收賣樓者的二、三千本漫畫，租倉存放，開始了他網上買賣漫畫的人生。高峰期有12個漫畫倉庫，儲起港日美漫畫、文字書、畫冊、寫真集，少量模型或手辦。全是這些年來，他不忍曾經的喜好被丟到堆填區成廢紙，用人工租倉儲回來的。「有些人跟我說，你不收我就扔了。我就千方百計都要找個地方收留那堆書。」
今集《Pro.file》，便跟漫畫林一起，解封27年漫畫人生。
因為每次都是下班回收，半夜放回迷你倉便趕回家。回收的漫畫期數不齊，不整理重組根本賣不掉。散裝書也難整理，我問你有哪本書，你連放哪個書倉都不知道，日積月累，盲目租倉佛系賣書，越積越多。雖然他把大部份薪水都用來租倉及收購二手漫畫，但也自言人生有挺多貴人。幾年前有個荔枝角工廈的業主見他有心存書，用二千元超值價，租了個七百呎的貨倉給他存書。早幾年工廈拆卸，他搬不走這麼多書，只能開倉讓書友免費取書，「我叫那些義工，幫我拉一車車的書過去回收店斷斤秤。我在樓上收拾東西。那是幾年的累積，很心痛。」
去年漫畫林的會計工作暫告一段落，他趁這空檔租了個三千呎的火炭貨倉，把三分一的漫畫都移到這大整理，火炭倉的租約到11月，一班睇唔過眼的漫畫朋友，每晚（下班）來做義工，幫他將書分類重組。倉庫部份遍地港日漫畫，他們一本本分好系列，再排列期數。角落有八棟，目測可能近萬本的港漫，全是《龍虎門》（1,200多期）及《天下》(600多期)。當中有重複的、有缺期的。他們要重新分類及排好期數。但最慘時，最後可能分出幾份都不完整的漫畫，這樣就賣不掉了。
Edmond由《龍虎門》開始迷漫畫，現在每晚都會來幫漫畫林買飯、執書。他說香港出版社很現實，取了日本版權但賣得不好的書，會漸漸減少出版量，都可理解，但會突然腰斬不出書，就讓漫畫迷很失望。他儲了11期港版日漫《自殺島》，無聲無息腰斬，結果他連台版第12期都錯失了。有天在漫畫林這裡看見一套1至18期，漫畫林竟抽起第12期送他：「在我未死之前，你已經幫我填了一個格子。」
許多瘋狂收藏者都說，所謂珍藏，喜歡的人當寶，不喜歡的人當草。特別是這個資訊發達漫畫業滑落的年代。大概兩個月前，前輩（書友) 過身了，剩下一倉遺物，漫畫林幫忙接收了兩個倉庫的漫畫。大家有時都會訴苦，想像未來怎處理藏書。義工培說：「（貼單張）書主有事免費自取，送不完就拿去（廢紙店）磅重。這真是一個很現實的問題。而且香港的潮濕天氣，只擺放的話，漫畫書熬不了5年。」
康是個視障人士，天生眼睛沒有虹膜，視線非常散光。但感動於漫畫林的堅持，每次他開倉，看不到實體漫畫的他，都會來幫忙做搬貨工作：「我曾有幸見識過他一個倉，叠到上天花板。我看過他爬上頂然後挑書。我常跟他說，你租了12個貨倉，你的收入怎麼辦。有沒有其他方法呀，導賞團又好，來參觀收10元20元入場費也好，想些方法開源節流吧。他說不弄這些了，看得出來他真的不是為錢。」舊貨倉裡大塵、沒冷氣。每人身邊擺一把風扇，埋首執書。希望在書海中湊出一兩套，經典港漫全套，可以賣個幾百幾千元，幫補租金也好，回報大家經年來的愛也好。其實觀乎來參觀，或到倉庫買書的人，都是九十年代走來的四十多歲的漫畫迷較多。漫畫林： 「我覺得我自己浪費了某一些時機，如果10年前已經很快整理好，可能早些有人已經帶回家，那些人可能已經離開了香港，或者他的熱情已經沒有了。手提電話年代，我覺得放棄的人會越來越多，速度會比我回收更快。我會盡力而為，應該說叫量力而為。」
策劃：陳慧敏
主持：Yen 劉盈希
攝影：林亦 小輝 葉天榮
剪接：林亦
編審：黃碧珊
監製：梁中勝
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZread APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
Пікірлер: 361
後記： 漫畫林唔係好鍾意講自己。 淨係話自己盲目租倉，佛系賣書。是可以賣錢，但啲朋友個個講起都比佢更緊張。 Edmond：「你放人入嚟任搶，都要執好一套套先知有乜書啦。」培：「佢痴線嘅。」康：「租咁多倉，你份糧點算呀。」 聽到佢哋討論： 「走後啲書點算。」「想整個私人圖書館，但講來講去都係無場地。」 漫畫店同工廈都越來越少，租金越來越貴，時間，租金，人生，擺晒入去，換來一批會同你頂「嘆息之牆」，緊張過你趕時間執書的朋友。回收站斷斤秤的那個廢紙磅，真係希望一世都唔會見。
@LiCoko
9 күн бұрын
謝謝你的介紹，剛才已馬上到倉尋寶，雖然未有我想要的漫畫，但能夠認識漫畫林，都很好啊🤭
@nancyso5361
4 күн бұрын
私人圖書館都可以諗公屋商場！但真係要一班發燒友幫手！或者做漫網吧 ，夾錢買啲商住樓開！
@kelvintsang0806
2 күн бұрын
請問有地址嗎？
啲人話漫畫林炒漫畫，到底佢地有冇幫襯過… 我十幾年前仲讀緊中學，已經向漫畫林搵漫畫，佢係個好有禮貌，又對漫畫好有熱誠嘅叔叔 你搵佢幫手，佢唔係炒價畀你架 你以為搵啲散期漫畫冇希望啦，其他二手商就算有都會要你收全套，但佢唔為全套賣錢，真係剛剛好搵到啲散期畀你幫你補完
@user-eu6vu6xq3h
10 күн бұрын
嗰啲Hater算啦，一定要踩人，篤走人哋粒魚蛋先至開心㗎㗎
@WintelTang
9 күн бұрын
佢賣個價真係唔貴，邊有可以賺錢，唔洗貼錢出來交倉租已經偷笑
@LiCoko
9 күн бұрын
多謝你的訪問啊😊好想去睇下有無好多年前嘅🦭出版嘅叮噹漫畫😆
@triorelease
9 күн бұрын
無錯,我都幫襯過佢買新而較冷門既漫畫,絕無炒價!係正常價錢!
@user-nq4es5us3f
9 күн бұрын
炒賣漫畫，精品，冒漫畫家簽名賣比人果個叫周保羅
十幾年前，仲係中學生果陣，已經同漫畫林買漫畫，果陣仲係用yahoo拍賣，因為佢賣得平，就算係新書都可平過出面漫畫鋪，對於當時中學生既我真係好有幫助，記得果陣冇時間出去交收，想佢寄比我，果陣寄一本漫畫$4郵費，佢知我係學生，竟然仲同我share 一人$2郵票錢，仲記得有次，我手快快打錯左地址比佢，佢回郵收番，仲唔收郵費再寄番比我，到大左有時貪方便都係街邊買，就再冇專登搵佢了，但知道佢仲做緊，都好開心
@ahmanchan3460
9 күн бұрын
佢咁細心嘅。
@JellybellyJJJ
9 күн бұрын
一樣！啲回憶返晒黎 佢唔會見你中學生就恰你，用大人身份同你講野 佢真係好好人，友善又有禮貌 仲要你唔緊搵唔搵到書，但佢仲緊張過你 而家諗番先覺得其實佢真係蝕住賣新書
5年前我準備移民，割愛將心愛既漫畫捐出比漫畫林，睇完呢條片，慶幸我無將d漫畫丟入回收桶，係捐左比佢，希望我捐出既漫畫有人收留就好～香港仲有呢d有heart之人真係好呢～ 如果有機會，來個二手漫畫宅急便送到海外就好了，咁多人移民settle 後，間屋大左，可以收留返d書😂
未睇先like 受訪者係對漫畫書十分有熱誠的人，要多多支持他。
@mikadukiyozora4629
8 күн бұрын
我都係
佢幫我搵咗不下十套漫畫 全部都係唔會再出嘅漫畫 佢要搵錢嘅話 唔會$10一本賣俾我 先唔講本書本身嘅價值已經高過$10 佢嘅時間 佢嘅精神 我哋嘅青春 我哋嘅回憶 呢條數唔知點計 All about respect 🫡
@tsetsz3180
22 сағат бұрын
點樣可以搵漫畫林幫手
我個日係度見到MM做訪問，MM cut咗好多😂佢個日前後訪問咗5,6個書友介紹下自己 買開咩漫畫同點睇漫畫林，最後cut剩得一個書友上鏡同得返一句😂佢有個係中國內地專程嚟睇下揾香港出版的漫畫，有對係情侶本身係書友後尾就一齊去書店揾書當情趣......
二十年前做過文化傳信的助編，幫手點倉存已覺得辛苦，記得當時觀塘有一層是廢置了的，打開一間房全部亂七八糟的港漫，數量十分驚人。
好鍾意今次故事。真心喜歡，做到極致，唔理旁人眼光，覺得係傻都做落去。好感動
我好中意做呢d分類 分完好有成功感😂😂😂😂 但好怕分分下 去左睇漫畫😂😂分完又會想整個excel
``嘆息之牆''聖鬥士星矢冥界篇,姑勿論係漫畫定係其他嘢,就呢一份毅力都值得敬佩
@shdh7705
10 күн бұрын
一講嘆息之牆，就知道你睇過冥王篇。好正
希望有啲富豪可以俾啲免費嘅倉給漫畫林，再開個有冷氣嘅漫畫圖書館或二手書檔令呢啲書有價值
有搵阿林買過漫畫，好有熱誠！之前有套舊漫畫想搵，不過佢無存貨喺手，佢記得我想要，後尾佢問到有朋友放二手，幫我做中間人，為人非常好👍🏻好欣賞！
佢幫我地搵到本 hunter x hunter 第 34 期，當時係斷曬市。幫佢買過幾套書，多謝。
@mu94su817ye
9 күн бұрын
呢本野炒到$200都買唔到，我個陣用$100先買到一本😿
細個讀書時，仲有租漫畫舖，果時幾蚊租一本，最記得一入到去果陣漫畫書味，每逢週未就會租幾本喺屋企漫漫享受，有時同老闆傾吓時有咩漫畫介紹，果時受歡迎的漫畫例如龍珠果啲就要排隊等，好懷念果時。
@ninjaortaijiya2653
8 күн бұрын
我都係😢😢仲好掛住有得坐低睇嘅漫畫舖 好想再有😢
幾年前搵過佢上門收.雖然賣得好少錢.但起碼慳水慳力唔洗自己搬去垃圾房.重要有番小小錢落袋.
香港漫畫文化守護者，值得尊重！
開個漫畫圖書館，供同好聚腳分享，收費相信亦有人願意。好日子就要珍惜。
@hkmilktea
10 күн бұрын
咪即係以前啲租漫畫舖頭/ 漫畫 cafe….死晒啦
@DTOO-ur8do
10 күн бұрын
係咪好細個唔知以前就係有哩類型鋪頭但已經執q哂😂依家仲肯比錢睇漫畫既都會直接自己買番屋企or線上比錢睇，仲點會比錢睇人地d污糟二手漫畫咪玩😂
@agnes1049
10 күн бұрын
有興趣，想買漫畫但屋企無位擺，電子書係唔同
@kkit1031
10 күн бұрын
我都有個心願，希望可以睇番未睇過漫畫
@nightdavid7085
10 күн бұрын
哂氣，真係有得做d租書店漫畫Cafe唔會執哂啦，個個得個講字叫人快d開鋪會支持每個月交租你係咪每個月都科水支持？真係講到心願咁想睇你自己一早識google搵二手漫畫鋪買左黎睇啦，唔想儲既睇完賣番出去都仲得。
我都係鍾意將本書扎係手睇嘅感覺，所以到咗網上可以睇漫畫嘅年代，我有能力都係堅持買實體書。片中好多嘢有共鳴，漫畫店越黎越少，以前借漫畫俾人睇好驚人哋整巢本書，因為自己真係一頁頁輕輕45度翻住睇。
自從十大書坊執左，就無地方睇漫畫，真心想有個地方睇漫畫。一套一套咁買返d舊作
昆蟲問題好棘手
@mm.millmilk
9 күн бұрын
本本都得來不易
感謝你為香港保存漫畫寶藏！🙏👍💪😊
漫畫林 我有比過漫畫佢，同佢有聯絡都好多年前啦。睇得出佢好有熱誠同中意佢做緊既野，好難得👍多謝你地訪問佢
@mm.millmilk
9 күн бұрын
多謝支持！
多謝漫畫林！多謝你對漫畫的付出🥹身為漫畫迷好感動
好欣賞呢份執著同堅持 👍🏻
我應該係由漫畫周刊開始睇漫畫, 之後亦買過唔少漫畫但後來送晒俾兩個好鍾意睇漫畫嘅後輩。我現在睇漫畫係用e-ink機多, 確實係幾方便又睇得舒服但始終同以前睇一本本漫畫果種感覺真係好唔同。 雖然有啲懷念果種感覺但我本身唔多鍾意儲舊嘢, 所以一直冇去買返啲書收藏， 見到有人繼續keep住依個文化係好事嚟。
我因為搬屋要將d漫畫唔要先識漫畫林，當時接近成千本龍虎門，成套頭文字D同其他散裝書一次過比佢，我最近都有比書和去呢個新倉買過書，希望d漫畫書最後有個安身處
好感動！好有心！好熱血👊🏻♥️
2015幫襯過漫畫林，買過成套漫畫、散期、漫畫套，2024年仲堅持緊，真係好勁
漫畫林好有耐性有毅力，佩服🫡
多謝分享🎉
真係充滿愛同熱情先會咁做。 太熱愛漫畫❤
多謝, 又一個尋寶既地方~~!!
雖然冇買漫畫廿多年，但都好支持咁有心有力嘅人，希望佢可以開到漫畫博物館等我呢啲唔再儲漫畫嘅人可以去懷緬吓
今日睇到你哋啲網站，我可能有91年的日本漫畫，當年兒子在國外讀書，我會每期新書都郵寄給他，所以我相信仍然保留着，待檢查吓再與你聯絡
千金難買心頭好，你對那事物有感情，你便明白，個心真係好似推個仔落街咁😢，我真心敬重漫畫林！👍
多找幾個義工，快把書本整合，把漫畫的生命延續下去
我有次係荔枝角經過見到佢係度執倉,估唔到仲有好幾個倉 有心人,敬佩!
@tomchan1983
7 күн бұрын
佢D衰野你唔知遮
睇住港漫，日漫成長嘅人會明白佢點解會咁愛錫啲書。希望更加多人睇到會去支持下佢。
曾經是香港人的精神食糧，政府及漫畫商應該全力支持保育。
@suziedepingu
9 күн бұрын
香港保育真系做得好差。
❤❤好正呢個分享
真心佩服漫畫林， 呢個分享好正！
有心人，難得👍
感動記返以前對漫畫的熱情 我係澳門既朋友 漫畫真係實感一葉一葉黎睇先有味道 電子版做唔到 如果佢可以係倉附近開一間 漫畫cafe 放d汽水機就可以 放閘機計時扣費 再將整理好ge書 一套套影低比人上網揀黎買或book黎睇 相信唔少漫畫迷會幫襯 同如果政府可以出手更好啦 可以同天下d出版商合作 放係西九橫掂咁大地方 依d都算係一份文化傳承❤
支持阿yen出多D片
🙏😭 感謝你們報導、分享。感謝漫畫林與漫畫迷們的堅持。🙏😭
真係要支持這種用心用力老細
感謝分享 ^_^
這是一項偉大而有意義的工作！
好感動！！作為一個睇漫畫大嘅中佬~😊 真係要對佢致敬
香港圖書館應該投放資源 保留咁有文化價值的漫畫
好有心❤❤❤
敬佩🎉🎉
真心佩服 ！
由衷咁佩服
好癲好respect
要量力 不斷收只會愈來愈多. 應該分類分倉. 如搞好現在批書 再收就易整理 我自己都儲左40年. 掉既亦不少. 差不多套套都唔齊. 希望有生之年可以執起重新睇一次
@sorry-be3dd
10 күн бұрын
呢啲說話識佢都同佢講過😅😅
@williamhung4420
9 күн бұрын
@@sorry-be3dd 噢 明解. 不過咁感覺會浪費唔少
支持 漫畫林 願世上有心人都有心有好報
勁🎉
Respect, 倉租真係唔簡單
之前都係搵咗漫畫林幫手收漫畫。好感謝佢幫漫畫搵到新主人🙏。祝佢身體健康。
男人們的浪漫，漫畫林好可愛夠瘋狂，多謝保育漫畫讓書迷有書可尋，希望香港可以有漫畫圖書館，真的要等有財之士供應地方，讓漫畫歷史保存。
好懷念十大書坊😢
@moming2k
21 сағат бұрын
我都係
佩服
好懷念以前放學後去漫畫店打躉既小時光, 煲漫畫勤力過温書.
佩服+respect。。。。佢地好開心好滿足 18：26 個書架就黎斷喇
心靈滿足感!
Respect
不論儲任何物件，永遠都係土地問題😢
@moming2k
21 сағат бұрын
香港一定係
有沒有(怪異集)？
respect!
好令人敬佩嘅漫畫林。學生時代都去過佢度買書，但以前居住空間細，實在買唔到幾多。可惜現在已離港，未有機會到火炭倉睇😢
Thank you Mill Milk .
@mm.millmilk
9 күн бұрын
Our pleasure!
不同嗜好都有一些瘋狂的人。 佩服。
好意思的訪問同一班熱愛漫畫/守護漫畫嘅人！多謝MM介紹！想即刻跑佢哋個倉度買漫畫😂 希望馬榮成繼續出埋套風雲
好熱血!!!!!!!!!!!
小时候的乐趣 就是放学后去漫画店看漫画等父母放工才回家 回忆满满
大家有唔要的漫畫(當然係整齊企理)記得捐畀漫畫林; 理解的人會敬佩他,不理解的人/儲甘多漫畫唔知佢為乜。
最懷念當年港漫每星期等新一期派書到書報攤既日子😢
respect
加油
林生真係好善良！希望書友憑良心放下多些金錢給他，以表謝意吧🙏🙏🙏
有心人，難得。
南區Solo租金可能會比較平
我都有幫襯過佢，個人幾Nice
我鍾意睇港漫，有無火武耀揚?
真係好有heart！
香港潮濕真係好難搞，好多年前我屋企都儲左過千本漫畫＋畫集，要專登買透明膠袋續本裝住，之後一次又一次搬屋，有啲賣有啲捐，宜家得返300本了。Btw，我細個成日搵張生買漫畫同畫集，記得佢果時間鋪仲係銅鑼灣的。
加油❤❤❤❤❤
好佩服佢地❤真係好難得
正
如果我住喺香港, 我一定去做義工..我好中意做呢啲分類.漫畫林支持你
19:44 最後出現個風扇都經典，係我細個時候用
想問地址🙏
地址在哪？
林生十分好人
地址系边？
真係對漫畫好有愛同熱誠先可以咁堅持 真心令人敬佩
如何"活化"才能保存
懷念😊😊😊年代