БІЗДІҢ KZread АРНАҒА ТІРКЕЛІҢІЗ: / @informburo31kanal
---------------------------------------------
Арнасынан асқан Есіл өзені Петропавлды басты. Қаладағы мыңнан астам баспана судың астында қалды. Су деңгейі қатты көтерілгені сонша, кейбір үйлердің шатыры ғана көрінеді. Тіпті, қаланың жан-жағына жайылған топан су кіреберіс екі бірдей күре жолды шайып кеткен. Су сору станциясы да суға кетіп, тұтас қала халқы үш күннен бері тіршілік нәрінсіз қиналып отыр. Толығырақ өңірдегі ахуалды әріптесім Руслан Құсайынов айтып берсін.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Қазір Петропавл қаласының жарты бөлігі судың ортасында тұр. Кеше ғана көліктер ағылып жатқан көшелер көрінбейді. Тасқынның ортасында қалған жер үйлер мен көп қабатты баспаналарға да жақындау мүмкін емес. Ал тұрғындар көшеде қайықпен жүр. Үйлері су ортасында қалған қарашаның көңілі күпті.
НҰРСҰЛУ МЫРЗАХМЕТОВА, Петропавл қаласының тұрғыны:
- Төсек-орын қалды. Мебель қалды. Бүкілі жаңадан алынған еді. Соның бәрі суға кетті. Что успели сами вот вышли. Как предупредили. Что смогли вывезли. Что не смогли осталось.
«Ойқала» шағын ауданында 700-ге жуық үйге су кірген.Топан судан кейбір баспаналардың терезесі әрең көрінсе, кейбірінің шатыры ғана шығып тұр. Лап қойған қызыл суды 3 жарым метр биіктіктегі бөгеттер де ұстап тұра алмаған. Ал Заречный ауылы мен Былғары зауыт ауданы толығымен суға кетті. Мұндағы тұрғындарға ештеңеге қарамай баспаналарын тастай қашуға тура келген. Қатты екпінмен келген тасқын тіпті кейбірінің үйін де ағызып әкеткен. Ал мамандар Есіл өзені арнасынан асып, 8 метрге дейін көтерілгенін айтады.
НАДЕЖДА ЗУМОРИНА, Петропавл қаласының тұрғыны:
- Не істерімізді білмейміз. Бір күнде үйсіз қалдық. Ертең су кетсе де үйде тұруға болмайды. Әрі қарай не істейтінімізді білмейміз.
Петропавлдың жан-жағына да су жайылды. Қазір қалаға Омбы бағытына баратын жол арқылы кіріп-шығуға болады. Қалған жолдарда тек қайықпен ғана қатынас бар. Бірнеше ауыл аралда қалып, қауіп күшейген соң құтқарушылар адамдарды тікұшақпен шығарып алды. Мамандар екі күнде екі мыңнан астам үйге су кіргенін айтады. Әлі 15 ауылға қауіп төніп тұр екен.
СӘКЕН АҒЗАМОВ, СҚО төтенше жағдайлар департаментінің басқарма басшысы:
- Петропавлда алдағы тәулікте су деңгейі шарықтау шыңына жетеді. Ал Петропавлдан әрі қарай төменде орналасқан Большая Малышка, Соколовка, Долматово ауылдарында эвакуация басталды. Су ондағы үйлерге де кіріп жатыр.
Қатты ағынмен келген тасқын су электр бағаналары мен су сору станциясын да бүлдіріп, халық үш күн бойы сусыз, бір күн жарықсыз отырды. Тіршілік нәрі таңертең берілгенмен, санаулы сағаттардан кейін қайта тоқтап қалды. Жұрт дүкендерге кезекке тұрып, су үшін нағыз талас басталып кетті. Ал, мамандар тұрғындарға су әзірге төмен қысыммен берілетінін ескертеді.
ӘСЕМ АЙТУЛОВА, Петропавл қаласы әкімінің баспасөз хатшысы:
- Баламалы штатты түрде жұмыс істеп жатыр. Дегенмен қала тұрғындарының барлығы суды ала бастады сол хабардан соң. Соның кесірінен қала бойынша давление түсіп тұр.
Құтқарушылар Есіл өзені арқылы тасқынның екінші толқыны басталады деп топшылайды. Соған қарамастан, жұртты дүрбелең туғызбай, тек ресми ақпаратқа сенуге шақырады.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық