Мәшһүр Жүсіп Көпейұлы: «Ұшқан құсты торға түсіретін, жүгірген аңды орға түсіретін тамақ екен. Жұтқын тамағына ие болған адам торға да түспейді, орға да түспейді. Осы күнгі «адаммын» деп жүрген адамдардың жауы иегінің астында болып кетті. «Ол жауы не?» десеңіз, жұтқын тамақ! Жалғанда - мазаққа, ақыретте азапқа түсіретін - тамақ. Тамақтан тартылған бәрінен де халас болады», - дейді.
Осыған қатысты атақты ғалым, сопы, тасаууф ілімінде іргелі еңбектер қалдырған Имам Ғазали де: «Асқазан - нәпсілік қалаулардың қайнар көзі. Асқазанның қалауы - адамдағы қалаулардың ең қуаттысы. Өйткені, Хазіреті Адам да осы қалаудың себебінен тыйым салынған ағаштың жемісінен дәм татып, жәннаттан шығарылған», - дейді.
Қалайша асқазан барлық нәпсілік қалаулардың - қайнар көзі? Мәшһүр айтпақшы, неге адамның жауы иегінің астындағы жұтқын тамақ?
Ендеше асқазан қалауын тежейтін келе жатқан қасиетті Рамазан баршамызға мүбәрак болғай!
#рамазан #ораза #рамадан #пост #ramazan #ramadan #ислам #тамақ #ас #ресторан #кафе #иман #насихат #наурыз #қазақ