میکایل - لە ھێلانەی دڵی من
-------------
لە ھێلانەی دڵی من، دڵی زۆر غەمینی من
دەرد و مەینەت و گریان بۆچی ڕەوایە؟
خونچەی سووری دڵی من، گوڵی باخی ژینی من
مردنم بۆچی ڕەوایە؟
•••••
لە ھێلانەی دڵی من، دڵی زۆر غەمینی من
دەرد و مەینەت و گریان بۆچی ڕەوایە؟
بۆتە زاری قسمەتم، ئێشی جەرگی لەت لەتم
خوێنی سارد لە لەشمدایە
•••••
تۆی نەمامی ژینم ڕەبی مەرگت نەبینم
وەرەئاشت بینەوە ھەر تۆی ئاواتی ژینم
••
تۆی نەمامی ژینم ڕەبی مەرگت نەبینم
وەرەئاشت بینەوە ھەر تۆی گوڵی ئەوینم
••••••••••
خۆ دڵی من بوو بە دیل، دیلی خاڵ و پەرچەمێك
لەت بە لەت بوونی دڵم بۆچی ڕەوایە؟
بەحری عیشقم ھەڵچووە، بمدەیە ماچی دەمێك
سووتاوم ھەناسەم نایەت
•••••
وەرن جەرگم ھەڵدڕن گشتی داخ و مەینەتە
یاری جوانم بێ دەلیل بۆچی تۆراوە؟
خوێنی خوێنەکەم وەرە، وەرە بەندی دڵ لەرە
ھاوار تاقەتم نەماوە
•••••
تۆی نەمامی ژینم ڕەبی مەرگت نەبینم
وەرە ئاشتبینەوە ھەر تۆی گوڵی ئەوینم
••
تۆی نەمامی ژینم ڕەبی مەرگت نەبینم
وەرە ئاشتبینەوە ھەر تۆی گوڵی ئەوینم
-----------
نەخشاندن || ھاوبەش ھادی