#MM
#MM #700萬種生活 // 260磅女生的減肥掙扎 年半靠飲食控制減90磅
如果說人體有70%由水組成，2019年的阿Way就有56%都是由脂肪組成，即身體有過半都是脂肪。「小學一年級已經約60公斤重，小三已經約80公斤重，初中就已經過百公斤，最高紀錄（2019年）是115.8公斤，即260磅，總之就肥到成座山咁。」斯里蘭卡混血兒Way回憶著體重走馬燈，笑說三年級的體重比現時27歲的自己還要重，但橫看側看眼前這位五官深邃小麥膚色的高大女生，哪裡看到半點「肥到成座山」般的真面目？原來Way用年半時間，單靠飲食控制就減掉了差不多上百磅，168厘米高的她現時重68公斤，是人生中最輕的體重，「700萬種生活，我的生活就是與自己的戰鬥。」Way看著鏡頭毅然道。
█ 做一個「開心肥婆」好過「黑面肥婆」
「試過去別人家坐爛了他的電腦椅，一坐下去就是啪一聲隻椅腳斷了，試過去泰國旅行一腳踏穿了別人的木橋，試過去敦煌可以騎駱駝，但想起自己200多磅坐下去駱駝太可憐，不想虐畜於是看著朋友騎就算了。」Way語帶輕鬆，一口氣說出了以前因為身重體胖而引起的尷尬事，她知道自己很肥很肥，身形是正常女生的2倍，但肥到甚麼程度卻是一直沒甚麼概念，因為減肥前的Way從來不在意家裡有沒有磅，「我以前有得吃就很開心的了，覺得人生的意義就是吃。」但自覺因為肥而令她的人生錯過了很多「正常人」會經歷的事。「以前肥到很自卑，看到別人盛裝打扮我自己又買不到衣服，所以就連畢業晚會都沒有去。很難得可以去到土耳其，但因為超重所以玩不到滑翔傘，剛升大學時玩迎新營覺得自己格格不入， 所以後來的迎新營我付了錢後都沒有去。」雖然如此但Way不是「肥到冇朋友」，在朋友眼中Way是臉上常常掛著笑容的開心果角色，「可能因為我喜歡笑，所以朋友都算是多， 一個黑面一個笑的話你都寧願與笑的人做朋友吧，所以我覺得做一個開心的肥婆比黑面的肥婆好。」雖然朋友關係和睦，但戀愛關係是她唸書時期想都不敢想的奢望，從小就肥而外貌不討好的Way，亦完全不會在意別人的外表。「唸中學的時候曾喜歡過一個身高150厘米的男生，我那時已經高160多厘米了，他的高度到我這裡。」Way邊笑邊將手放到肩膊上比劃，但她亦完全不敢表露出自己的感情，「我喜歡他，默默地喜歡他就足夠了，如果我跟別人說我喜歡他會令他被人取笑，『嘩，有肥婆喜歡你』，其實是反而傷害到他的。」Way中學時都曾經想過要減肥的，但在她印象中減肥就是白烚雞胸與西蘭花，「如果要我吃來減肥的話，人生沒有意義、沒有色彩了，就會立刻覺得算了我都是不減了。」
█ 飲食控制食住瘦
雖然因為肥而遇過種種的不開心或令到自己自卑，但這名「肥妹仔」的臉上都是掛著笑容長大的，「甚麼不開心，在街邊檔吃回一串豬大腸就甚麼都忘掉了。」直到2019年，她踏入了人生的顛峰時期（體重上），「那時會感到胸口有時會突然疼痛，走一兩層（樓梯）已經覺得膝蓋痛，覺得自己好像快要暴斃，覺得20出頭的年紀不應該是這樣。」於是Way在2019年的6月開始以飲食控制的方法減肥，以前一星期「掃街」4次，變成現時只能望門興嘆，有時Way真的很想很想吃但又要忍口不能吃的時候，就會佇立在櫥窗前良久「Window eating」，「我最難戒的就是硬身的芝士蛋糕，常常經過看到就忍不住用電話拍下再傳給朋友說好想食好想食。」又會寫下一連串的「願望清單」，甚麼芝士蛋糕、花生湯圓、豬大腸、泰式鳳爪、叉燒包、雞蛋仔、豬手，甚至連乳豬都在想吃食物的願望清單內。每餐都要自己煮，精準控制食材及份量，最大的犧牲除了是口腹之慾，亦犧牲了與家人、朋友叙餐共食的機會，「最誇張試過同事聖誕派對吃炸雞Pizza，我坐在旁邊吃少飯少汁的瘦叉燒飯。」平日在家吃飯都要自己煮自己的份量，「試過被我媽取笑我煮條菜都要用磅來量，之後又要很自私地獨食。」
雖然有很多東西都只能眼看手勿動，但戒著戒著，全部飲食都要走糖少鹽少油的時候連口味都變得清淡，以前飲珍珠奶茶要喝全糖，變成喝無糖豆漿都會覺得甜，「比起以前，我更能吃到食材本身的味道。」另一個減肥後的興趣，就是研究你以為很邪惡但偏偏是減肥都可以吃的食譜。訪問當晚Way就煮了3餸1道甜品，都是驟眼看以為是很邪惡的菜式，有栗子雞煲、蜜糖叉燒，甜品是高蛋白香蕉朱古力蛋糕，這些都竟然是健康之選減肥都可以吃的菜式？「這個雞煲我是一滴油都沒有下過，叉燒醬同樣是零卡、蛋糕是沒有加麵粉、糖及油，原來減肥不是我以前所想像那樣是每日白烚雞胸與西蘭花，所以我其實是吃得比以前好。」堅持飲食控制的年半後，Way就成功食住瘦了90磅，由115.8公斤減至75公斤。
█ 微小的改變
由買衣服特地上網買外國的加加加加加大碼的五個加號，減到可以逛街都買到正常女裝衣服，令她感覺終於變回一個「正常女生」，「在我年紀很小十多歲的時候曾經想像過，如果我睡醒就變瘦了後會變得有多漂亮，但其實我覺得減肥對我人生不是180度大轉變，反而是生活一些很微細的改變，我都是做回一個『正常人』。」Way所講的「正常人」，就是乘車會有人願意坐在鄰座，逛街時不會被人竊竊私語地取笑，以前一直很想學別的女性很優雅地翹腳，但因為大腿肉太多只能大大咧咧地翹腳，現時可以很「Lady地」翹腳了。「以前不會有異性主動跟我說話的，現在甚至是有些異性會主動幫助我，我都是做回一個『正常人』，都是做回你們覺得很正常的事。」
訪問的其中一天Way帶同她相識20多年的好姊妹Bernice一同行山拍照，只見背著一機兩鏡攝影器材的Way在走過數百級樓梯上到山腰的時候，仍然狀甚輕鬆與Bernice有說有笑。「如果是以前的Way在走這條山路的時候，一定未出發先黑面，看到條樓梯已經會發脾氣。」Way解釋以前因為肥得誇張，所以每走一步大腿都會磨擦得很厲害，「以前一條長褲穿3個月大腿內側的位置就會磨爛，走一層樓梯都會喘氣。」Way笑道。我問Bernice「喜歡以前的Way多點，還是減肥後的Way多點呢？」她毫不猶豫地回答「我由以前已經很喜歡她了，我喜歡她不是因為她的外形，我是喜歡她的性格，你每次與她交流的時候，她都會臉帶笑容回應你。」
█ 減肥是與自己的戰鬥
「我有時都會覺得很掙扎，我這樣辛苦減肥究竟是為了甚麼呢？我以前減肥是為了健康。好了，我減到這個地步才發現其實我身心都好像不健康。」Way剛開始減肥時因為從飲食著手「食住瘦」，所以減肥減得尚算開心，「靠飲食控制減了90磅，但這樣下去因為沒有（鍛鍊）肌肉，身體不會結實，於是就去了健身。」開始健身後就踏入了懷疑自己的開始。「我一開始都會想自己減了100磅很厲害，但在健身的時候看到別的女生身材這樣好，就慢慢開始自卑。」以前最肥的時候反而很實際，覺得熱就會穿上短衣短褲，但瘦了之後反而開始挑剔自己的身形，穿短褲都要思前想後，「試過穿短褲出門後，幾步又回家換回長褲。」而且Way指自己一開始跟的教練比較極端，「他限我一天只能攝取1,000卡路里，我想1,000卡路里的概念，是少於一個幾歲小朋友吃的份量。」那時Way因為每天都吃不飽會在半夜哭，亦是從那時開始出現飲食失調的問題。「飲食失調不同的階段我都經歷過，可能是一晚之內會吃6,000至7,000卡路里的暴食，吃至嘔吐都會繼續把食物塞入口， 不停塞滿嘴才會感到滿足，暴吃完後又會因為後悔有內疚感，而扣喉將剛才吃的東西全都嘔出來。」這個「暴吃後悔扣喉」的循環一直持續到上年年末，後來因為慢慢調節到一個「可持續」的健康減肥心態才開始好轉。
其實現時達成最初做回一個「正常人」的目標，為何還要這樣辛苦堅持減肥下去呢？「其實這個是我近來掙扎的地方，所以我都陷入了停滯不前的平台期， 但有時又會有另一把聲音對我說，想趁自己還年輕的時候可以瘦到甚麼地步。」所以Way暫時的目標就是再減多20磅左右到60公斤左右的體重，可以穿背心短褲自己都能夠接受到的體形。而另一個令到Way覺得安慰的就是她減肥的心路歷程，以及研究出來的食譜可以帶到鼓勵給其他正在減肥的同路人，「別人看到我的食譜是真的會煮完後再拍照給我看，我就會覺得原來真的做到一點東西令這個世界有點不同的事出來。」
策劃：梁中勝
攝影：阿晨、張志孟、麥志豪
剪接：鄧欣
監製：鄭汝翹
#減肥 #減肥餐 #減肥食譜
#飲食控制 #飲食減肥
#健身 #健身減肥 #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZread APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜（付費內容）
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
Пікірлер: 534
後記： 話說以前Phoebe大佬同我講過一句嘢令我好深刻嘅，就係好多時你問嘅問題其實受訪者自己都冇諗過，所以其實佢自己都唔知答案㗎。自此我就希望可以將訪問一隻故仔睇做「我想將我觀察到嘅嘢表達畀讀者睇，而受訪者喺做訪問嘅同時亦更加了解到自己」，好似同一條隧道通向兩個方向咁。而呢隻故仔做嘅時機，就啱啱好係阿way有啲迷惘、有啲唔知自己想做咩、又有啲灰心嘅平台期，我問佢問題迫住佢要思考同答我，所以其實呢隻唔係一個「肥妹大翻身」嘅正面勵志故仔，而係一個佢算係暫時達成目標啦，可以中間暫時停低思考一下自己想點，再治癒自己嘅一個自述經歷嚟。
@dido829
2 жыл бұрын
Sam 世一 🥰
@samleung6959
2 жыл бұрын
@@dido829 唔好咁講
@dido829
2 жыл бұрын
@@samleung6959 段文字睇得出你嘅真心同埋心機。 ⁄(⁄⁄•⁄ω⁄•⁄⁄)⁄
@samleung6959
2 жыл бұрын
@@dido829 多謝你呀ivory(*ˉ︶ˉ*)
@toofattoeat709
2 жыл бұрын
森哥🔥
人生有個咁好既朋友/姊妹, 無論你肥或瘦都鍾意你, 只因睇到你既內在, 夫復何求.
@bobo32591
2 жыл бұрын
真👍🏻
@Lilacmeow
2 жыл бұрын
男人嘅話就難啲囉
@LLL0987
7 ай бұрын
是福氣！一定一定要好好珍惜！
@tsehoiching770
5 ай бұрын
個best friend先係true love
依家真係唔差,KEEP住就好,盡量唔好令自己減到有病態． 我以前都係肥人,後尾減肥愈減愈病態變到厭食症邊緣, 搞左一排先好番, 所以盡量均衡飲食就好了! 加油呀!
阿way依家好靚🥰 做marketing咁忙都抽時間自己煮野食，減到咁多好佩。最緊要開心同健康 加油💪
@toofattoeat709
2 жыл бұрын
多謝🥺 大家都要加油努力！
@reynaicer2931
Жыл бұрын
@@toofattoeat709 阿way你好靚女！亦都好有恆心和毅力！佩服佩服！👍
肥人真係潛力股，勁靚女，有自信的女孩最美麗，好勵志，加油Way，多謝MM- Mill MILK報道。
@wongck2
2 жыл бұрын
I feel the same. The beauty is from her inner self, not just the body. Of course, less body fat is good for health. 💪👏
講嘢把聲聽得嚟令人好舒服。。。又鐘意笑，唔怪得都會有好多朋友😀
這個20年朋友在那裡找，點解Google Search 唔到? Way 加油。性格開朗，喜歡笑，樂觀，現在身型又比之前 Fit, 我唔信這都找不到另一半。
我一年前3月有227磅，因為有嚴重脂肪肝才去減重，在九月份有157.8磅，直到依家！ 我用168及186斷食方法，減少吃碳水化合物食物，尤其是晚上，吃多些菜！
@ucwarehouse1829
3 ай бұрын
繼續加油,有好多人默默支持你👍🏻
我都試高峰220磅, 一年減左80磅, 減肥期間都係食雞胸AND 西蘭花 同埋介澱粉, 但其實, 當你經過頭一兩個月嘅掙扎, 你就會發現, 食慾開始下降， 唔再會為食。 之後發現自己體重瘋狂下降， 你就變得更加積極， 開始日日做GYM，個個星期約人行山.... 自此, 生活習慣改變了.....
@DoNotBeABullyUseYourWordWisly
2 жыл бұрын
Hello咁你現在有食返正常餐嗎？ thank you 我而家都食緊雞胸， 一個星期都未夠已經覺得好難食。
@sng0174
2 жыл бұрын
@@DoNotBeABullyUseYourWordWisly 依家一日食一餐， skip 早餐 & Lunch, 澱粉類可免即免, 一餐通常夜晚6:00左右食（lunch 時都係沖個茶包, 坐喺pantry 吹下水就算, 同事們話咁樣唔健康， 但我話咁我真係唔餓丫嘛， 點食啫？同埋我覺得食完lunch 之後, 成個人腦根好似會慢左） 同事們嘅奇異目光好多時就係最難過嘅一關. 日日食雞胸其實都唔係好多人可以接受到, 我開頭的起心干減肥時係諗過好多方法, 令雞胸變得好食Ｄ 材料不外乎都係 mustard，rosemary, 蒜, 鹽, 黑椒,之類嘅組合, 再配合埋烤焗, pan fry, sous vide ,咁嘅煮食方法。 不過， 當你到左一個階段， 你就會唔再追求味道， 只求有Ｄ 野食下就算.....咁你就會懶到變成白烚。 講返依家，我每日一餐基本上都係烚 or 煎肉類為主, 再配合蔬菜 (成日生食生菜, 起初有食下沙律菜, 但太貴, 餐餐食負擔唔起, 同埋唐生菜西生菜塊葉夠大. 可以用黎夾住D 餸黎食) 。有時會食下煎蛋..白飯魚煎蛋, 9菜煎蛋, 肉碎煎蛋之類。 不過食嘢口味人人唔同，我諗唔需要死跟。但記緊要減少糖份同埋飲食均衡。
@ucwarehouse1829
3 ай бұрын
好欣賞你咁努力,的確好難keep💪🏻繼續加油支持你
@mavischan7636
2 күн бұрын
讚❤
有個咁不離不棄既好朋友好幸福
聽到你朋友講果句話對你無改變 無話鐘意你以前定係而家多d 話因為以前就已經好鐘意你既性格 痴線差d睇到我喊左 呢個朋友要去邊度搵 有d人真係一世都搵吾到甘樣既朋友
@bobo32591
2 жыл бұрын
真🥲🥲🥲
@ericpanda8856
Ай бұрын
：） 好善良
加油呀！我好認同，飲食習慣好重要，我高峰398磅，用左8個月減左80磅，條路仲有排行，大家一齊努力💪💪💪
@hrk7232
2 жыл бұрын
已經好利害 加油 好快健康又快樂
@edge8912020
2 жыл бұрын
好犀利呀😱
@xoox__i8304
2 жыл бұрын
398磅？😱😱😱 你當時出入要坐輪椅？ 正常你300磅醫生應該落命令要你減肥，點解個陣會拖到就400磅先開始減？ 祝你減到目標體重，身體健康！！
@heidiwong9703
2 жыл бұрын
支持你💪🏻💪🏻💪🏻同路人, 條路再長只要見到自己嘅progress就會有動力繼續行落去💪🏻💪🏻💪🏻
@My_super881
2 жыл бұрын
400連行路都有問題喎
其實好多人減肥減到好大壓力，總有d 時間係好想食自己想食既野，但係又知道食完又要減不如唔好食，呢個loop 真係好易令人唔開心，重要每個月period 到又唔一定有精神同力氣去做運動，見到way煮既野食好似有比左個方向自己咁，可以整d 唔肥但又好食既野減落去。謝謝您
@Marquiselpy
2 жыл бұрын
食雞唔食雞皮/只係食一兩舊係連皮又會再好啲，有時控制自己唔食真係好唔開心，所以試吓想食就食，但控制份量分開咁食/同身邊人分享
@user-kt7xm3eb1v
2 жыл бұрын
減肥只少可以省錢，人又健康D，增肥戈D先慘，又嘥錢又傷身
@elainecheng977
2 жыл бұрын
我覺得有時想食尐邪惡野，就set一個時間同份量比自己，例如每兩個星期可以食一件正常份量嘅甜品/蛋糕/炸雞/三粒朱古力呀咁，個人開心左，個尐份量又唔會太影響個減肥計劃，咁樣先有動力繼續減落去
@ucwarehouse1829
3 ай бұрын
Period真係一大敵人,d hormones同身體唔舒服真係好辛苦。d人成日話係藉口,其實唔知有幾痛同幾大影響😢
Miss Way 其實你 有極高智慧潛質 短短兩年 用選擇健康食法 和 攝影行山等 帶氧運動 好讓全世界 肥胖超重 包括領導者 健康專家 等分享👍👍👍👍👍 , 同時我 感覺你的人生以後是 多姿多彩的 打下數十年 你慢慢 鑽研 在視頻發表 健康減肥法 共 慢慢會有很多 有知識人士表揚 你 尤其是經過疫情 很多人 過肥症候群. 很多謝能分享你的 視頻🙏🙏
😍阿Way其實好靚女～但最重要係我覺得佢個心仲靚，好有親和力！你個減肥故事好有鼓舞作用，原來減肥都唔係咁困難嘅事情🙌🏼🙌🏼
其實最主要的減肥重點就是去掉過多的調味，吃最原始的味道減肥才會達到成效，一個禮拜選擇一天吃自己喜歡的食物，偶爾放縱一下是無妨的，維持身材是一輩子的事情，不需要把自己逼得太緊，否則反彈會更大的。
@toofattoeat709
2 жыл бұрын
知道 🙏🏼 要將健康飲食同運動變成自己嘅生活習慣✨
Way是個好可愛嘅女仔，亦都幸運有個好朋友維護和體諒自己。
條片拍得幾好，有feel! 好勵志，減完肥果然唔錯曬，support!，💕
好幸福有一個咁溫柔咁好嘅朋友🥰
嘩好勵志！加油啊！成個人睇落健康好多！
心態好好~希望佢可以達到目標以及可以KEEP住，加油！
好明顯，阿Way的生活的確健康了許多。自律就是大道理，祝福Way生活繼續開心無限
Way而家真係瘦得好好睇！！岩岩好了，又笑得好睇！！恭喜恭喜！！
我 like 佢被訪問嘅 friend ，人真心爽直，好真 ！
Way好真性情會講粗口唔會扮野，真係好有毅力減肥👍
Keep up 👍🏼 Thank you for sharing your journey with us, it’s really inspiring 😊
好勁 ，阿way , MM既報道都好好👍
Way 同Bernice 都好可愛～感覺好善良！
阿Way一定要keep著控制體重，不要向命運低頭。努力！
Such an inspiration! 🙏🏼🙏🏼🙏🏼
羨慕Way有個咁好嘅Friend、有啲感動👍👍👍
肥同瘦都靚～把聲又好聽 性格感覺又好 邊會無人追
佢把聲超sweet🥰🥰❤️
有個咁好嘅朋友👍💕👏
大家都係大埔友，下次見到你會同你say hi!加油呀…原來我同你一樣心態想睇吓自己終極瘦到去到有幾瘦，希望呢個願望可以成真啦！
毅力、加油💪
Beautiful journey and friendship. Wish you peace and happiness
Way 健康最緊要
這個朋友真好
Keep up the good work Way! You are humorous, looks good and you will find your happiness! Good luck! 😊😊😊❤️❤️❤️👍👍👍
Way 好可愛！值得更好更健康快樂嘅生活
好正！正確觀念，飲食控制其實無野唔食得☺️☺️☺️
加油Way!
健康最緊要！又不是明星，樣子又ok，唔需要俾自己壓力！加油！
自信，無敵😊👍
一睇就認得出係大埔大明里~haha! 呢兩日都重拾緊我減肥計劃，睇完條片後，有樣嘢trigger到我~就係阿Way 話鍾意將人地覺得好邪惡的食物，研究下點樣煮得健康^.^ 感謝你地製作呢條咁inspiring 嘅video~💌 同埋...Way 個閨蜜真係好好！
勵志故事！友情無敵！！
真心勁
多謝mm，更多謝Way嘅分享，Way 內在外在都好靚，加油💪 都想睇到Way分享食譜的連結，可以在這裡分享Way的連結嗎？🙏🙏
阿way啲自家出品健康餐好吸引🤩 睇到完全唔知已經係計好晒數，勁！
@samleung6959
2 жыл бұрын
同佢一齊食飯食得好放心
@toofattoeat709
2 жыл бұрын
好易煮咋🤤🤤
開心的靚女👍👍加油
勵志
好欣賞佢既態度同性格 我都希望好似佢咁為人著想 體貼 真切同善良 勇敢正面面對問題和目標 不過我的目標是增肥XD 從小瘦弱🤣 共勉之💪 相信每人的內在世界創造了各人的外在世界
翻版Aga！Like！做自己最開心！
對比短時間內減肥同終身嘅體重控制， 搵到一個適合自己又可以持之以恆嘅方式好緊要， 大家加油
佢好可愛😊一個樂觀開心又靚既女仔！
Respect ♥️
好可愛❤，加油，最緊要身體健康❤
唉 , 條片睇到人肚餓
多謝！
阿way好自律好有恆心
心态这么好还这么有毅力 棒啊
再繼續減呀！減肥之後個人會好有自信
笑得好甜，每個肥人都可以係潛力股，比啲自信💪🏻
好喜欢这部影片的节奏，让人很放松。我在疫情期间胖了40磅，现在才开始恢复运动。其实体重不是很重要，因为每个人身体不一样。我用试过瘦到一个大众觉得瘦的体重，但身体变很差，情绪低落，精力很差，很容易感冒。以我的身高和骨骼，对我来说健康的体重会相对重一些。我现在就是健康一点的正常饮食，但不会过分严格，不然我会不开心且不能坚持。我会多摄取纤维和蛋白质，少吃甚至常常不吃碳水，想吃甜食了就先吃水果和果干，想吃零食了就先吃坚果。当然实在还不能解馋也会吃几片零食，不过因为之前吃的食物已经让我很饱了，也不会想吃零食，实在想也吃不了太多。我会每天晚上运动，然后洗澡睡觉，运动完的感觉特别好。我不会过于在意体重，因为只要身体健康，每天运动，好好吃饭，体重多少没有那么重要。
我都試過高峰216 磅，三個月減39磅，完全靠運動扣喉戒酒戒糖，係搞到depressed 又低血壓，用左好耐先至恢復，減肥都好有學問需要循序漸進，但越減越有動力，運動都會上癮，一起加油等gym開。
@user-gr5if1ww6e
2 жыл бұрын
你點樣減架
@hunterinsane9213
2 жыл бұрын
@@user-gr5if1ww6e 葡萄酒醋純蔬菜沙律，水煮雞柳，運動前食兩粒咖啡因減肥藥，跑步機set 最高斜度4.4Km/Hr拽住跑步機跑45Mins。
加油啊！好勵志。btw 呀Way 有d似Aga 減左肥性格冇咁kam, 非常好👍
What a positive story! Very brave of you to share your experience. A tip for those struggling with weight, try out apple cider vinegar with fresh lemon water. Reduce the consumption of carbohydrates and sugar. Eat fruit, but not drink fruit juice. Consume fresh vegetables, fruit and lower fat proteins.
勁, 可以減到咁, 好強!
完全理解她的朋友會這麼喜歡阿way,很纯粹的一個人。
大cra 😳, so inspirational
好姊妹太搶鏡了，人善心美
我都係168cm,由200幾磅 減到135磅🥲 不過個人都係冇乜自信,我地要一齊努力加油要keep住🧡🧡
@toofattoeat709
2 жыл бұрын
加油✨🔥🔥
@tigerchanchow1055
2 жыл бұрын
Me too
努力做好自己，最緊要身體健康，珍惜身邊的朋友和家人，開開心心享受人生。加油！💪💪💪👏👏👏
You are an inspiration❤
好自然好可愛
way好開朗嘅女仔….加油呀 Way friend 都好好
好勁, 希望keep到, 肥底真係好易反彈
All Eat~~😆😆 💪🏻💪🏻
心地善良，好女仔。
睇個list就知真係識食 薯片揀食wise/honey dijon
加油 減肥！！！！！ 勁！ 不過想問下阿京戒左煙未？ 聽到佢把煙仲係有聲味。
Way 好有趣. 佢朋友真係好好, 要珍惜依個朋友
我也嘗試減肥，已經超過一年，成效很小！近來我既新抱仔建議我晚上完全唔食澱粉質，只係食餸，但少鹽少油少糖！（我係完全唔食糖同晚上完全唔食鹽）就只有個幾禮拜已經減左3磅！
適當減磅係好,身體健康,祝你永遠健康快樂
@toofattoeat709
2 жыл бұрын
多謝你 承諾貴言✨
支持Window eating
最緊要自己 開心 健康 快樂 加油🫡
朋友世一❤
佢個朋友超好😊
加油
性格樣貌都好sweet👍🏻
其實WAY減唔減都係禁靚，只係減左之後更靚，唔洗擔心著短褲會點會點，自己想著就著，WAY 你會掙扎係咪繼續減落去，想同你講 "跟你個心想做嘅去做"，想做嘅就繼續，同時加一樣野 >>> 每個禮拜獎勵自己一次，可以食件CAKE/食啲好想食嘅野，咁樣就會有動力繼續維持落去~~
加油❤️
Awesome 👏
阿Way令我諗起Lateshow阿強 , 好勁👍
好fit,好叻
想問下阿way會唔會有IG 分享下減肥食譜？本人都停留係一個好幾年既平台期，好痛苦😖
我係減肥過來人，減過50磅 而家得閒做下運動，唔食雞皮，唔食太多零食就維持到 如果去到片中主角咁，食任何野都磅重，又揀野黎食，真係太誇張，而家唔會long lasting Feel到佢無因為瘦左而開心，瘦到咁都唔夠膽著背心短褲 所以佢要改變既唔係外表，而係心態
真朋友是很罕有的！珍惜！ 其實零脂未必零糖，都要睇清楚label 少食processed food就一定更好 加油，你好叻
@toofattoeat709
2 жыл бұрын
知道✨謝謝你☺️
好好的 知己，正呀