БІЗДІҢ KZread АРНАҒА ТІРКЕЛІҢІЗ: / @informburo31kanal
---------------------------------------------
Ақтөбе облысы Алға ауданында мемлекеттен тегін берілген 10 соттық жерге үй салған тұрғындар баспаналарына кіре алмай жүр. Себебі, аталған аумаққа инфрақұрылымдық желілер тартылмаған. Бірнеше жылдан бері ауыз су мен электр жарығын күтіп шаршаған жұрт пәтер жалдап тұруға мәжбүр. Төзіміміз таусылды деген қараша жер бермес бұрын осы мәселені шешіп алмаған шенеуніктердің әрекетіне қапалы.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Гүлнар Смағұлова мемлекеттен тегін жер алған тұрғындардың бірі. Ол Ұшқұдық ауылынан берілген 10 соттық жер учаскесіне үй салыпты. Алайда келіншек бес жылдан бері тұрғызып қойған баспанасына кіре алмай жүр. Себебі, әлі күнге дейін аумақта жарық пен ауыз су желісі тартылмаған. Ал адам тұрмағаннан кейін үйдің шатырынан су ағып, қабырғалары сыз тарта бастапты.
ГҮЛНАР СМАҒҰЛОВА, Үшқұдық ауылының тұрғыны:
Таза еңбегімізбен маңдай терімізбен салған үйімізге отыра алмай жүрміз. Үйіміз жылдан жылға азып бара жатыр. Ия светіміз жоқ, ия ауыз су жоқ. Неге бізге құр уәдені үйе береді?! ..Осы жүргенде кәмелет жасқа толмаған балаларымды ерітіп Ақтөбе облысында екі бөлмелі пәтерді 140 мыңға жалдап отырмын. Неге шырылдамаймын.
2016 жылы кезекте тұрғандардың барлығына елдімекен іргесінен тегін жер берілген. Қазір 20-ға жуық үй салынып тұр. Тұрғындар иесіз үйлерге ұрылар кіріп, ішіндегі заттарын үптеп кетті деп күйінеді.
СҰЛТАН ЕСТАЕВ, Үшқұдық ауылының тұрғыны:
- 2019-да салып қойдық. Кіре алмай отырық әлі. Свет жоқ. Газ келді. Бірақ насос қою үшін свет керек. Үйдің қасына столбы жүргізіп қойды. Бірақ трансформатордың ішін тонап кетті. Ішінде дым жоқ. Үйде қайта қайта қарап қоямыз. Терезесін сындырып кетеді. Инструменттерді ұрлап кетеді.
Аудан әкімдігі 2017 жылы 530 учаскіге электр желісі тартылғанын, алайда аумақта жер телімдерінің барлығында құрылыс жүргізілмегендіктен трасформаторлардың тоналып кеткенін жасырмады. Қазіргі таңда аудандық бюджеттен 30 миллион теңгеге сметалық құжат жасалыпты. Қаржы бөлінген соң баспанасын тұрғызып қойған тұрғындарға электр желісін тартып береміз деп сендірді.
БОЛАТБЕК ҚАНҒОЖИН, Алға ауданы әкімінің орынбасары:
- Қазір келген азаматтардың өтініш білдіріп жатқандардың, қай жерден учаскілерін, кварталын қараймыз, зерделейміз. Біз «Энергосистема» мен сөйлесіп отырмыз. Мамандары осы жерде бар. Жаңадан салынған линияға да кейбір жерлерде қосылуға мүмкіндік бар. Егер салынатын үйлердің бәрі жақын арада салынатын болса, жаңағы айтқандай бюджеттен ақша қарастырып толық линия жөндеп беретін боламыз.
Сондай-ақ, атқамінерлер ауылға ауыз су тарту мәселесін шешуді қолға алған. Алайда жалдамалы пәтерде тұрып шаршаған халық осы түйіткілдің түйінін тезірек тарқатып беруді сұрайды.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық