【泌尿工具大搜查】對付良性前列腺增生唔駛用刀嘅 用蒸氣啦💨！
良性前列腺增生普遍出現喺60歲或以上嘅男性身上，患者小便會出現滴滴仔嘅情況。傳統手術會透過内窺鏡用電刀切除前列腺增生組織，雖然屬於微創手術，但患者一般需要進行全身或半身麻醉，並留院觀察數日，長遠有機會出現逆行射精、勃起功能障礙等副作用😰。
近2 - 3年香港開始引入蒸氣治療手術，主要利用幼針注射水蒸氣到前列腺組織，手術時間較傳統手術短，傷口更細小，唔少病人可以即日出院，術後長期副作用亦較少。不過由於呢個手術比較溫和，病人術後需要佩戴尿喉一段時間，之後症狀會慢慢得到改善。今次，中大醫學院外科學系泌尿外科組 #吳志輝教授 將會向大家詳細講解蒸汽治療手術過程👨‍⚕️並展示手術時會用到嘅儀器。如果有興趣了解更多，就快啲去片睇睇啦👍！
#HKUA #香港泌尿外科學會 #前列腺增生 #良性前列腺增生 #微創手術 #蒸氣治療手術