Шүлэг: Я.Отгонбаяр МЗЭ-ийн гишүүн Г.Сэр-Одын шагналт яруу найрагч, МУСТА
Аялгуу: М.Нямзаан МУСТА
Дуучин: Д.Март МУСТА
МЭЛМЭРЭЭ
Туяхан тунгалаг мэлмэрээнд
Орчлон уярах цагаар
Торгон цэнхэр тэнгэрээс
Оддын хур асгарна аа
ДАХИЛТ:
Зүрхэнд минь зүмбэр суудалтай
Зүггүй гэгээн насны минь
АРИУХАН ХАЙР
АЛТАНХАН УЧРАЛ минь дээ
Уяхан тунгалаг мэлмэрээнд
Учрал хөглөх цагаар
Удвал цэцгийн дэлбээнээс
Уянгын хур асгарна аа
ДАХИЛТ:
Хайранд минь хаан суудалтай
Хайлган гэгээн насны минь
АРИУХАН ХАЙР
АЛТАНХАН УЧРАЛ минь дээ
Тэлмэн тунгалаг мэлмэрээнд
Дэлхий уярах цагаар
Толин цэнхэр тэнгэрээс
Хайрын хур асгарна аа
ДАХИЛТ:
Сэтгэлд минь мөнхийн суудалтай
Сэвгүй гэгээн насны минь
АРИУХАН ХАЙР
АЛТАНХАН УЧРАЛ минь дээ
Аа ... Аа .... Аа ...Аа
АЛТАНХАН УЧРАЛ МИНЬ ДЭЭ