Шүлэг: Я.Отгонбаяр/Г.Сэр-Одын шагналт,МУСТА/
Хөгжим: Б.Базаррагчаа
Дуучин:О.Бямбахүү
ЗҮҮД ШИГ ХАЙР
Дүүрэн бодолд нар шиг өнжих
Дүрлэн нүдэн хайр минь ээ
Харуусаад гуниглаад л байна даа
Хайрын сэтгэл мартахгүй ээ
Нутгийн нууранд өдөржин гунганах
Хунгийн дуулал уйтайхан байна аа
Нулимстай нүдийг минь ширтээд байна
Нууж л явъя даа төөрөг тавилан минь
Зүрхэн чинадад сар шиг гэрэлтэх
Зүүдэн тэнгэр хайр минь ээ
Эмзэглээд эгшээд л байна даа
Энэхэн насандаа мартахгүй ээ
Хайрын сэтгэлд од шиг гялалзах
Хамгаас сайхан үзэсгэлэн минь ээ
Зүрхэндээ мэгшээд л байна даа
Зүүд шиг хайраа мартахгүй ээ