Қазақтың мұзбалақ ақыны Мұқағали Мақатаевтың қайталанбас бейнесі таспаланған жалғыз бейнежазба бар екенін білесіз бе?
Ол «Қазақстан» РТРК АҚ «Алтын қорында» сақталған «Мұқағали Мақатаев - «Мавр» поэмасынан үзінді» атты 1 минут 33 секундық бейнематериал. 1960 жылдың жазында жазушылар Одағы мен Орталық комсомол комитетінің ұсынысымен Жүсіпбек Елебеков бастаған өнер қайраткерлері, Қасым Қайсенов бастаған ақын-жазушылар Талдықорған облысына Нұрмолда Алдабергеновтің ауылына сапарға шығады. Сол жерде кинопленкаға алғаш және соңғы рет Мұқағали бейнесі таспаланған. Видеоматериал "Қазақстан" РТРК АҚ "Алтын қорынан" алынды. @altynqor.com