“Кезінде Ләйліге арналған «Ләйлім шырақ», «Ләйлім», «Жалғыз арша», «Шідер» деп аталатын әндер циклы ел арасына еркін тарап, аңыз боп шертілген. Осы әндердің «Ләйлім шырақ» пен «Жалғыз арша» әндерінің сөздері ұмытылған жоқ.
Отызыншы жылдарда коммунистік идеологияның насихаттық саясатына сай көптеген әндердің сөзі өзгертілгенде «Ләйлім» әнінің жаңаша сөзін сол кездерде (1939 жыл) Қазақ радиосы музыка редакциясын басқарған ақын Мақсұтбек Майшекин былай деп жазды:
Есен-аман жүрмісің, Ләйлім шырақ?
Жаңа таптым ауылыңды көптен
сұрап.
Жел тимесе, жан тимес деп жүргенде,
Қол ұстасып жатпенен кеттің
жырақ.
Аққу едің таранған айдындағы,
Ұштың ұзап қанатың жайдың дағы.
Көлеңкеңді көрсетпей кете бардың,
Қол алысқан сертіңнен тайдың дағы.
Осылай ма, ей, қалқа, айтқан сертің,
Жүрегімді жандырды ғашық дертің!
Мұнша неге сен мені әуреледің,
Болмаған соң әуелде баста еркің?!
«Ләйлімді» осы сөзбен алғаш рет Рабиға Есімжанова орындай бастады. М.Майшекин Біржан сал мен Ләйлінің арасындағы шын болған оқиғадан алшақ кетпеген. Негізін сақтаған”,- деп жазады Қазақстан мен Қырғызстанның
еңбек сіңірген қайраткері,
композитор, өнер зерттеушісі Ілия ЖАҚАНОВ “ Egemen Qazaqstan” (2021 ж, 9 наурыз) газетіндегі “ Ләйлім” атты мақаласында.
Видеодағы әнді орындаған “Музыкалық жас көрермен театры” хоры
Біздің ТикТок желісіндегі парақшамыз www.tiktok.com/t/ZM28YUvVK/?t=1
Инстаграм qazaqgazetteri?...
Сайтымыз kazgazeta.kz/