Отбасы кішкентай бір мемлекеттік ұя” деп бекер айтылмаған.
Әдетте жақсылықтың бәрі отбасынан басталады. Отбасы - жұртты жақындастырушы, ұрпақ пен ұрпақты табыстырушы, ұрпақ аралық тұтастықтың отын жағушы ерекше ұя. Сондықтан да отбасы - барша адамзатқа ең жақын, ең қасиетті ұғым болып келеді.
Жанұяның бірлігін сақтап, бірін - бірі сыйлап, бірін - бірі сүйіспеншілікке бөлеп отырған мерейлі отбасының бірі және бірегейі деп Жомартов Құралтай Әділұлының әулетін айта аламыз!
Отбасының негізгі діңгегі, бастапқы дәнекері Құралтай 1959 жылы 17 қыркүйекте Қарақалпақстан Республикасы Шоманай қаласында дүниеге келген.
Ата-анасы Әділ мен Назым бұл өмірге алты бала әкеліп, балаларын жақсылыққа, адамгершілікке тәрбиелеп өсіреді. Сағындық, Қали, Құралтай, Исатай, Мұсатай, Абылай және Сәнтай атты бауырлар әкенің еңбегін, ананың ақ сүтін ақтау парыз екенін жас кездерінен түсініп өседі.
Жұмысшылар отбасында дүниеге келген Құралтай Шоманайдағы М.Горький атындағы 10 жылдық мектепті бітіріп шығады.
Жастайынан мәрт көңілді, батыл жүректі, алғыр бала болып өскен Құралтай 1978-80 жылдары Целиноградта әскери борышын өтеп келеді.
Бала кезінен азаматтық құндылықтарды, ұлттық рухани байлықтарды бойына сіңіріп өскен жас жігіт 1981 жылы өмірлік серігін жолықтырып, Тасеменова Данияшпен отау құрады.