Қызылқоға тарихи-өлкетану музейіне 2024 жылдың 12 сәуірінде қолымда бар су тасқыны туралы түсірілген видеолар, фотоларды флешкаға құйып тапсырдым. Менімен бірге, аудандық қоғамдық кеңестің мүшесі Айжан Изимовада қатысып, жылы лебізін арнады. Файлға журналист Бауыржан Бердіғалиевтен алған фотолардың бір бөлігін 10 бетке шығарып, сонымен бірге геодизистермен дамбалардың биіктігін анықтаған бетше қағазымның түпнұсқасын, фотосалонға ламинаттаған дамбаның биіктік деңгейін мекеменің дамбаны қорғауға жауапты азаматтарына таратып бергенмін, соның бір данасын қоса тапсырдым. Биылғы су тасқыны өте қатты болғанымен, әуелі Алланың жәрдемімімен және ауылдастарымның 3 тәулік жанһияр тынымсыз тірлігімен Миялы ауылына кірмей аман қалды. Осынау жанһияр ерлікке пара-пар арпалыстың айғағы видеолар мен фотоларды ауылымыздағы тарихи-өлкетану музейіне қолда бар деректерімді тапсыруды жөн деп таптым. Ауылдық округтерден, аудан әкімшілігінен т. б. органдардан деректерді музейге әлі де, тапсырады, мен соның алғашқысымын деп есептеймін. Ауданның елді мекендерін тасқын судан аман алып қалуға атсалысқан техника айдаушы механизаторлар, ауыр жүк көліктерін жүргізушілер, жас еріктілер, сонымен қатар дамбаны қорғауға тәулік бойы кезекшілік қызметін атқарған мекемелердің график тізімі т. б. құжаттарды, айғақ заттарды музейге тапсырылса, «тасқын су- 2024» музейдегі қорын арттырып, болашақ танысушыларды мән жайға кеңінен қанығуына, әрі қызықтырақ болған болар еді. Құрметпен, Есенбай Сәмекұлы Нұр. 12.04.2024 ж.