Атырау облысының әкімі С. Шәпкеновтің назарына!!! МАЛШЫНЫҢ ҮЙІ СУҒА КЕТТІ н/е ҚЫС ТҮСКЕНШЕ ҚЫСТАҚ ҮЙІН КІМ САЛАДЫ? Атырау облысы Қызылқоға ауданы Тайсойған ауылдық округінің «Дінтұрған» деген жерінде төрт түлік малын өсірген кәсіпкер малшы Қосаев Есенгелді биылғы алапат су тасқында қыстақ үйі құлап, жарамсыз болып қалғанын айтып, жергілікті атқарушы органның төтенше жағдайға байланысты қыстақ үйін қорғай алмай, барлық малдарын айдап жайлауға көшуге мәжбүр болғанын айтып, менен үй салуға жергілікті атқарушы органның құрған комиссиясына және жоғарғы басшыларға жеткізуімді өтініп, көмек сұрады: Қызылқоға аудандық мәслихатының депутаты Нуров Есенбай Сәмекұлына Тайсойған ауылдық округінің тұрғыны Қосаев Есенгелдіден Өтiніш Мен өзімнің жағдайымды баяндай отырып Сізден, тасқын судан құлаған үйімнің орнына үй салып беруге ықпал етуіңізді сұраймын. Мен Қосаев Есенгелді 2012 жылдан бері «Дінтұрған» деген жерде мал бағып отырмын. Ойыл өзенінің Жарыпшыққан деген саласына көп жыл су келмеуіне байланысты Тайсойғанның жер асты суы тереңдеп құм көшіп кез-келген жерден мал бағуға мүмкіндік болмады. Сондықтан күні бүгіне дейін аталған жерден қыстақ салып малымды бағып келдім. Биылғы көктемгі нөпір су Тайсойған ауылын басып қалмауы үшін ауылды айналдырып бөгеттер соғылды. Сол бөгетке тірелген су еріксіз жайылмаға шығып мен отырған жерді түгел су басты. Соның салдарынан менің қыста отыратын баспанамның төбесі опырыла құлап үйім жарамсыз болып қалды. Әрбір істің өз мерзімі болады. Жаз мал сататын мезгіл емес. Менің малымды ешкім сатып алмайды. Мал сататын уақыт келгенде шөп шабу, шөп тасу, мал қырқу жұмыстары күтіп тұр. Мал бағысатын адам таба алмай бір қолды екі ете алмай жатырғанда мал сатам ба? Үй салам ба? Қыстаққа барғанда қоймен бірге қорада жатпаймын ғой. Қолымдағы малмен Тайсойған басына сыймаймын. Тайсойғанға барғанда бала-шағаммен кімнің үйін паналаймын. Қысқасы менің үй салатын мүмкіндігім жоқ. Далада қалып отырмын. Осы жағдайларды ескере отырып менің өтінішімді ескерусіз қалырмай үй салып беруге қолдау көрсетуіңізді сұраймын. Тайсойған ауылық округінін тұрғыны: Қосаев Есенгелді 05.05.2024 ж. P. S. «Е-GOV» арқылы алынған Е. Қосаевтың жылжымайтын мүліктің жоқтығы (барлығы) туралы анықтама 01.05.2024 ж. мәлімет. Мәліметте атағында Атырау облысы Қызылқоға ауданы Тайсойған а/о-нің участок Дінтұрған ғана құқық түрі, меншік нысаны-мемлекеттік меншік құқығы жеке; Құқықтық пайда болу негізі, тіркеу күні және уақыты- Акимят қаулысы (11.09.2012 ж., №168), Тіркелген күні уақыты 26.09.2012 сағ. 14:57, Акимят қаулысы (29.04.2024 ж. №76), Тіркелген күні, уақыты 26.09.2012 ж. сағат 14:57 Тіркелген ауыртпалықтарының болуы- Жалға беру, Жалға беру келісім шарты (17.09.2012 ж. №132. Тіркелген күні, уақыты 26.09.2012 ж. Сағат 14:57. Е. Қосаевтың атында басқа жеке меншігінде жылжымайтын мүлік тіркелмегені анықталып отыр. Сонымен қатар, Тайсойған ауылдық округі әкімі Т. Козыбаковтың 2024 ж. 03.05.2024 ж. берген анықтамасында отбасы құрамында анасы Избасова Зоя 1950 ж. т, әйелі, кәмелетке толмаған 3 қыз, 3 ұлы бар екені туралы анықтама берген. Яғни, Есенгелді отбасының жалғыз асыраушысы болып табылады. Оның малын бағып, оған қысқы азығы шөп дайындаудан басқа үй салуға қол күші жетпейтіндігі анықталып отыр. Есенгелді өзін өзі жұмыспен қамтып отырған кәсіпкер малшы, алайда, малын өзінен басқа бағып қарайтын адамы жоқ екенін, еліміздің азық түлік қәуіпсіздігіне үлес қосып жүргендігін ескеріп, қыстақ басынан тасқын суға кеткен үйінің орнына үй тұрғызып беру Үкіметіміздің міндеті емес пе? Биыл, мамыр айының ортасы болды, әлі аудандық су тасқынынан зардап шеккендердің малын түгендеу аяқталған жоқ, үй жайы құлағандарды зерделеуге әлі бір айдай уақыт бар, құжаттарын тапсырып болған жоқ деп, арқаны кеңге салуға бола ма? Қызылқоға аудан әкімі Қ. Әзмұқанов бастаған жергілікті атқарушы орган тез арада осындай Тайсойған құмының қоқтығындағы, әр шағыл етегіндегі малшы үйлерін салуға кірісу үшін бірінші мәселе қаржысын шешуі қәжет. Есенгелді осындай қыстақ үйі суға кетіп жарамсыз болғанның біреуі ғана. Құрметті Серік Жамбылұлы! Облысымыздың Жайық өзені және Жем өзені бойындағы елді мекендерде, атап айтсам Құлсары қаласында т. б. елді мекендер суға кетіп, олардың жағдайын жасауда Сізге оңай болмай жатқанын түсінемін. Қызылқоғалықтар ауызбіршілік танытып, барлық елді мекендерді Ойыл өзенінің тасқын суынан аман есен қорғап қалды, алайда елді мекенге су кіргізбеу үшін алапат су тасқынын шағылдағы қоқтықтарға бұрғанда, малшы қыстақтары тасқын суға кеткендер баршылық. Сізден тасқын су зардабын тартқан облысымыздың азық түлік қәуіпсіздігіне үлес қосып, күні-түні бір тынбастан малын бағып жүрген малшылардың қыстақ үйлерін салып беруді жедел қолға алуыңызды өтінемін. Өйткені, олардың басқа барар жер, басар тауы да жоқ, үнемі малының қасында жүр. Олар, аса көмекке мұқтаж. Құрметпен, Қызылқоға аудандық мәслихаттың депутаты, аудандық қоғамдық кеңестің мүшесі Есенбай Сәмекұлы Нұр 07.05.2024 ж.

Мынау қате бул дүрыс емес