Қыркүйекте жалпылама декларациялаудың үшінші кезеңі аяқталады. Биыл Алматы облысында бұл қаржылық есеп-қисапты ұсыну көрсеткіші төмен. Яғни, аталмыш құжатты тапсыруға міндеттелген 361 мыңнан аса азаматтың тек 58 пайызы өткізіпті. Облыс бойынша декларациялауды толық қамту үшін кірістер департаменті 8 мың 872 түсіндіру жұмысын жүргізген. Соған қарамастан, бұл жұмыс баяулап тұр. Айта кету керек, декларацияны бірінші рет ұсынбаған жеке тұлға ескерту алады. Ал келесі жылы тапсырмағандарға 15 айлық есептік көрсеткіш айыппұл салынады.