«Пұт» дегенде көбіміздің көз алдымызға тастан не басқадан табыну үшін жасалған жалған бір құдай елестейді. Алайда, жасанды бұл пұттардан да қауіпті, барша пұттардың анасы саналатын көзге көрінбейтін үлкен бір пұт бар. Ол - нәпсі.
Тасаууфта бассыз, тәрбиесіз, асау нәпсіні пұтқа, пұт болғанда да пұттардың анасына теңеген. Өйткені, барлық пұттар осы нәпсі пұтынан туады.
Адамды мансап, мақтан, атақ, дүние, ашкөздік, құмарлық секілді пұттарға құл қылатын да - осы нәпсі пұты. Жәләладдин Руми Мәулананың: «Нәпсі - бір пұт. Басқа пұттар да осы пұттан туған», - деуінің мәнісі осы.
Демек, пұтқа табыну тасқа табынудан ғана тұрады десеңіз, қателесесіз. Әркімнің «құдаймын» деген Перғауыны өзінің ішіндегі нәпсісі.
#нәпсі #пұт #иман #адам #күрес #атақ #мансап #дүние #ашкөздік #дін #насихат #мәшһүржүсіпкөпейұлы #мәшһүр #руми #мәулана #имамраббани #тасаууф #салтансайранұлы