Қой етін кімге жеуге болмайды.Қой еті
Қой еті - калориясы жоғары азық. Сондықтан, бірінші кезекте артық салмақпен күресушілерді атау керек. Артық салмағы бар не семіздікке бейім жандардың мәзірінде қой етінің орнын сиыр мен құс, балық еті басса құба-құп. Бойыңызда буынға тұз байлануы, құяң дерті болса, қой етін ғана емес, сиыр мен жылқы етін де барынша шектеуге тура келеді. Ал, бауыр, бүйрек, жүрек, тіл сынды субөнімдерін мүлдем тұтынбаңыз. Бүйрек пен өт қабы, бауыр жұмысында кінәраты барлар да қой етінен бас тартуға тиіс. Тұтынған жағдайда өт-тас ауруларын қоздыруы әбден мүмкін. Сондай-ақ, асқазан қышқылдығының жоғары болуы да осы қатарда. Созылмалы гастрит, басқа да асқазан-ішек жолы ауруларынан зардап шегушілер де қой етінен басқа ет түрлеріне көшкені дұрыс. Әйтпесе, асқазан жарасының асқынып кету қаупі басым. Етті тұтынушының жасын да ескеру керек. Үш жасқа дейінгі балалар мен егде кісілердің ағзасына қой етін қорыту, сіңіру процесі қиын әрі ұзақ. Атеросклероз секілді буын аурулары мазаласа, қой етін тұтынуды азайтыңыз. Мәзірден мүлдем алып тастауға да болады. Ұйқы безінің қабынуы - қой етінен бас тартуға салмақты себеп.
#қой еті
#қойбордақылау
#қойшаруашылығы
#қой
#керек