Қапездің қоштасуы - Бек Нуриддинұлы
Музыка
Әні, сөзі : Қапез Байғабылұлы
Алаш қонған ақбоз үй бос қалды ма,
Жетім-жесір қасында дос қалды ма.
Өкінбейін десем де, өзегім бар,
Өтіп кетті дүние қас-қағымда.
Әзәзілге сендің бе,
Айтқанына көндің бе,
Халқым деген Қапезді
Жау деп ұстап бердің бе?!
Итжеккенге айдаған,
Кер заманның әлегі.
Бұлбұл құстай сайраған,
Бұл Қапездің әні еді
Қалып барады артымда балапаным,
Аямасын ағайын алақанын.
Кебін емес кебінек киіп барамын,
Қош есен бол Ақтоғай Алатауым!
Әзәзілге сендің бе,
Айтқанына көндің бе,
Халқым деген Қапезді
Жау деп ұстап бердің бе?!
Итжеккенге айдаған,
Кер заманның әлегі.
Бұлбұл құстай сайраған,
Бұл Қапездің әні еді
"Жас Алаштың" музыкалық қосымшасы.
21 маусым 2016
Итжеккенге айдаған кім? Қайраткердің көп еңбегі көмулі жатыр
Қапез Байғабылұлы - 120
Биыл Қапез Байғабылұлының туғанына 120 жыл толды. 1896 жылы Ақтоғайда туып Ыстамбұлда білім алып, ағартушылық жолда қазақтың сауатын ашқан қайраткердің айтылмай, жазылмай, зерттелмей жатқан мұрасы әлі де көп. Дала қона жүріп елге пана болған Қапез 1937 жылы «халық жауы» атанып айдалып, 1939 жылы 45 жасында Коми АКСР-нің Ухта қаласында атылды. «Айхай», «Дүние-ай», «Үш Меркі», «Қапездің қоштасуы» сынды әндерді тудырған жүректің ақтық демі Ухтада үзілді.
«Қапездің қоштасуы» әнінде «Итжеккенге айдаған Керзаманның әлегі, Бұлбұл құстай сайраған, Бұл Қапездің әні еді» дегендегі «керзаман» сөзінің кейін телінгені рас па? Қапез Байғабылұлы мұрасын зерттеушілер «Итжеккенге айдаған, Азизовтың әлегі» дейді. Қапез қапа болған Азизов деген кім? Осы сауалдарды Қапез Байғабылұлы мұрасын зерттеуші, әл-Фараби атындағы Қазақ ұлттық университеті журналистика факультетінің деканы Сағатбек Медеубекұлына қойдық.
Қапез туралы айтқанда 1931-33 жылдардағы аштық, 1937 жылғы репрессия бірден еске түседі. Қапездің аштыққа байланысты істеген сауабы орасан. Аштық кезінде Қарағанды, Семей өңірінен ауып, арып-ашып келген адамдардың басын қосып, «Облатком» деген ауыл құрып, ашқа тамақ тауып берді. Осы еңбегіне СССР Жоғарғы кеңесінің құрмет грамотасы берілді.
«Айхай» деген әнінде Қапез өзінің көзімен көрген қасіретті, қазақтың басына төнген нәубетті айна-қатесіз суреттейді. Енді «Қапездің қоштасуы» әніндегі Азизов дегенге келсек. Ол - Кеген өңірінде НКВД-ны басқарған ұлты ұйғыр адам. Бір түнде 300 адамды «халық жауы» деп айдатып жіберген. Кейін өзі де «халық жауы» атанып атылып кеткен. Қапездің үстінен бір емес, бірнеше мәрте домалақ арыз ұйымдастырып, ақырында итжеккенге айдатып жіберген. Әнші Рамазан Стамғазиев «Қапездің қоштасуына» бейнебаян түсірмек болғанда бәріміз ақылдастық. Сосын ұлтараздығын қоздатқандай болмайық деп ән мәтінінен Азизовты алып тастап, керзаман сөзін қолдандық. Керзаман болсын деп айтқан - сыншы Тұрсынжан Шапай. Бәріміз осыған тоқтадық.
Қапездің еңбек кітапшасын көрсеңіз, барған жерінде мектеп ашып, ағартушылық салада өлшеусіз еңбек атқарғанын аңғарасыз. Қапез бозбала шағында Сауытақын, Шәршікен сынды өзі құралпы төрт баламен бірге Түркияның Ыстамбұл қаласында діни оқу оқып қайтады. Оқуға кеткен бес баланың ішінде Қапез молдалықтан гөрі білім беру, ағарту саласына бет бұрып қазақтың көзін ашуға күшін салады. Ілияс Жансүгіров, Мұхтар Әуезов осы өңірге келгенде Қапездің үйіне тоқтап, әңгіме-дүкен құрған.
Кезінде «Қайта оралған Қарқара жырлары мен саздары» деген тақырыпта халық университетінде лекция-концерт өткіздік. Сонда ұстазым Рахманқұл Бердібаев халық ақындарының шығармашылығы туралы сөз етіп былай деп еді. «Осыншама мол мұра неліктен ғылыми айналымға түспеді, зерттелмеді? Оның басты себебі шекаралық аймақ болғандығында. Партияның қағазға түсіп, қатталмағанымен, ауызша нұсқауы болған. Партиялық нұсқаудың кесірінен тарихы да, әдебиеті де, фольклоры де жете зерттелген жоқ». Рахманқұл Бердібаев айтқандай расында да солай болған.
Биыл Қапездің 120 жылдығы. Қайраткердің мерейтойы екен деп не ауданыңыз, не облысыңыз жақ ашпайды. Мың да бір шүкір, кезінде экспедиция ұйымдастырып Қапездің жары Жібек апамыздан, шәкірті, жыршы Нұрақын Қасымбекұлынан, Қанаділ ақсақалдан, Мүсілім Шәкіров деген атамыздан әндерін жазып алдық. Сол әндерінің арқасында Қапездің әншілік, сазгерлік қыры танылды.
Заманында халық композиторларының әндері өзге біреуге телініп, болмаса халық әні деп таралды. Қапез Байғабылұлының бірде-бір әні өзгеге өңгерілген жоқ. Өйткені әндерінің мәтінін майыстыра алмайсың. Қапездің әндерін тыңдасаң, аштық, қуғын-сүргін, қазақтың басынан кешкен нәубет көз алдыңа келеді. Қапездің әндерінің өзгеге телінбейтінінің тағы бір себебі әндерінің құрылысы өзгеше.
Қапез Байғабылұлы туралы зерттелмей жатқан, айтылмаған ақиқат әлі көп. Оның әншілік, сазгерлік еңбегін ел біледі. Ал сөз басында айтқанымдай, Ыстамбұлдан оқып келген соң да білім жетілдіріп, халықтың көзін ашу жолындағы еңбегі көміліп жатыр. «Халық жауы» атанып айдалып кеткені Қапездің өмірінің түбегейлі зерттелуіне орасан кедергі келтірді.
Жазып алған Қ.Жәнібек.
Пікірлер: 31
Жәрайсың бауырым керемет орындау
Сандық нотасы барма ағайын
Керемет, Алла разы болсын, рахмет, осы уақытқа дейін ашылмай келген әндер де, әнді шығарған Қапездей арманда кеткен азаматтар да маңдайымызға біткен бақ еді ғой, әттең-ай қор болған қайран ерлер, Бек өнеріңмен халқымыздың көміліп қалған мұраларын жарыққа шығара бер, өзіңдей жастары бар біз әлі де мықты елміз, репертуарың даламыздай кең болсын!!!Жасай бер, Алтын ұл!!!
Осындай таза талаптарды сахнаға шығару керек қой өнерің өрге жүзе берсін
Арманда кеткен бабалар, 😪, керемет жеткіздің балам🧿🇰🇿🤲🌟Кейінгі ұрпақ ондай кер заманды көрмесін🤲
Керемет👍👍👍Жүрегім ауырад Алаш ордалықтар туралы оқысам.
Өнерін өрге жүрсін қазақтың осындай азаматтары аман болсын !!!
Өте керемет орындау
💔
Келмеске мәңгі кетсін Кеңес үкіметі! Қанша жазықсыз қырылған қазақтың қаны мойындарыңда!
Алаш қонған ақбоз үй бос қалды ма, Жетім-жесір қасында дос қалды ма. Өкінбейін десем де, өзегім бар, Өтіп кетті дүние қас-қағымда. Әзәзілге сенді бе, Айтқанына көндің бе, Халқым деген Қапезді Жау деп ұстап бердің бе?!
Керемет жарайсың бауырым өнерің үстем болғай
✋🏼✋🏼✋🏼
Алаш қонған ақбоз үй бос қалдыма, Жетім- жесір қасымда дос қалдыма Өкінбейін десемде, өзегім бар ооо Өтіп кетті- ау дүние қасқағымда Қайырмасы: Әзәзілге сендіңбе? Айтканына көндіңбе? Халқым деген Қапезді ол жау деп ұстап бердіңбе? Оооооо Ит шеткенге айдаған кері заманның әлегі , Бұл- бұл құстай сайраған Бұл Қапездің әні еді оооооо Игигай игигай оооооо Қалып барады артымда балапаным, Аямасын ағайын алақанын Кебін емес кебінек киіп барамын, Қош есен бол ақтоғай Алатауым… Қайырмасы: Әзәзілге сендіңбе? Айтканына көндіңбе? Халқым деген Қапезді ол жау деп ұстап бердіңбе? Оооооо Ит шеткенге айдаған кері заманның әлегі , Бұл- бұл құстай сайраған Бұл Қапездің әні еді оооооо Игигай игигай оооооо
Сандық нота немесе ноталары барма?
Керемет орындау!
Тамаша айтты рахмет
Өте әсерлі 👍
Керемет,өнерің өрге жүзсін
Мыкты🙏🙏🙏
Жарайсың бауырым!
Жарайсын
😢😢😢
Домбыраның сандық нотасын бере аласыз ба?
👏👏👏жарадың🙌🏻
Неге Қапез жайлы документальный фильм жоқ? Неге аты тіптім аталмайды еш жерде?
@zhylkybaizhylkybaevich3233
Жыл бұрын
Ұлы Дала Зары дегенде бар
👍👍👍🔥
😫😫😩
☺☺☺☺☺😂😂😂😂
Керемет орындау!