بروست وثوميه
اسهل من كذا مافي والطعم لذييييذ ومقرمش
@fno_algohr
@fno_algohr
استخدمت بهذي الوصفه خلطة بروست من إسناد يجي في كل كرتون ظرفين من خليط النقع وكيسين من خليط التبهير بس لاتستخدموا الا ظرف واحد من خليط النقع وكيس واحد من خليط التبهير ووزن الدجاج لازم يكون ١٠٠٠ غرام لو كان اقل بيطلع مالح وكل الارشادات مكتوبه خلف الكرتون ، انصحكم فيه الطعم مره لذيذ وعجب اهلي
مكرونة بالقصدير
يعجز لساني عن الوصف الفيديو يتحدث
@fno_algohr
@fno_algohr
المقادير :
مكرونه مسلوقه
بصل وثوم
عصير طماطم
صلصه معجونه
ملح وفلفل اسود
وبابريكا واوريغانو
كريمة طبخ
جبن موزاريلا
بديل كريمة الطبخ :
كوب حليب سائل
٣ ملاعق جبن سائل
علبة قشطه
الطريقه :
سلقت المكرونه بماء وملح لمدة ١٠ دقايق وبطاوه حطيت زيت وبصل وثوم وصلصه معجونه وطماطم معصوره وملح وبهارات بعدين صبيت فوقها كوب كريمة وملعقه كبيره من موية سلق المكرونه عشان يكون فيها صوص كثير وماتكون ناشفه بعدين حطيت المكرونه وقلبتهم مع بعض وجبت صينيه غلفتها بالقصدير ( وممكن تحطوا فوق القصدير ورق زبده ) وبعدها حطيت المكرونه وموزاريلا وغطيتها ، وبالفرن من فوق ١٠ دقايق الين ماذابت الجبنه وبالعافية
فطيره على الصاج
مع شاي حليب من يدين الحب أمي
@fno_algohr
@fno_algohr
المقادير حق فطيرة وحده :
كوب ونص دقيق بر وكوب دقيق ابيض
ونص ملعقه كبيره ملح وإضافة الماء بالتدريج
خلطة الزيت :
نص كوب زيت نباتي
ربع كوب زيت سمسم
نص ملعقه صغيره سمن بلدي
(( والزايد من الزيت نحتفظ فيه بعلبه
وممكن تستبدلوها بزبده مخففه بزيت نباتي ))
الطريقه :
نعجن العجينة وكمية المويه على حسب العجن اهم شيء تكون شبه قاسيه وناعمه يعني ماتكون مره لينه واللي تعجن بيدها اقل شيء تعجنها من ١٠ الى ١٥ دقيقه وندهنها بزيت ونقسمها ونغطيها ترتاح ٢٠ دقيقه بالكثير كل ماارتاحت كل ماانفردت معانا بسهوله ونبداأ نفرد الكور الصغيره وبين كل طبقه وطبقه نمسحها بزيت ودقيق بر واخر شيء نفرد الكوره الكبيره ونمسحها بزيت ودقيق ونحط الطبقات الصغيره فوقها ونقفل عليه زي ماهو واضح بالفيديو ونخليها ١٠ دقايق على مايسخن الصاج نفردها وعلى طول على الصاج ونقدمها اما مع جبن او عسل او اي نوع ايدامات واذا تحبوا الفطيره لينه غطوها واكتموها مع البخار راح تتلين وتترطب جربوها مره لذيذه وعليكم بالعافيه
عجينة ناجحه ١٠٠٪؜ والسر بالمحسن الطبيعي
@fno_algohr
@fno_algohr
العجينه تنفع لكل أنواع المعجنات
المحسن الطبيعي :
ثلث كوب دقيق
ثلاث ارباع الكوب مويه
للعجينة :
٤ أكواب دقيق
ربع كوب سكر
ملعقة كبيرة ونص خميره
ملعقتين كبيرة حليب بودرة
ملعقتين صغيرة ملح
نضيف العجينه اللي سويناها أول
بيضه / كوب حليب سايل
ربع كوب زبده ( ٥٠ غرام )
للدهن :
بيضه
ملعقتين كبيره حليب سايل
الطريقة :
اول شيء نذوب الدقيق مع المويه ونحركهم مع بعض الين تختفي كل التكتلات نحطها على نار هاديه مع التقليب المستمر ومجرد ماتتجمع العجينه نستمر بالتحريك الين مانحصل على قوام شبه شفاف وتكون فيها مطه بعدين نحطها في صحن ونتركها تبرد بحرارة الغرفه
الخطوه الثانيه نسوي العجينه زي ماهو واضح قدامكم ونخليها تتخمر اقل شيء ٤٠ دقيقه ونشكلها بالطريقه اللي نحبها هنا سويتها خبز ميني وغطيتها ترتاح ١٠ دقايق قبل الخبز ودهنتها ببيض وحليب ودخلتها على فرن ١٨٠ درجة لمدة من ١٥ الى ٢٠ دقيقه واول ماطلعتها غطيتها كمان بمنشفه عشره دقايق راح تطلع معاكم قطنه وهششششه وبالاخير حشيتها شوكولاته وجبن