2024-jıl 28-mart kúni Qaraqalpaqstan Respublikası Málimleme kitapxana orayında “Hayallar huquqları hám gender teǹligi” atamasında jaslar menen ushırasıw keshesi shòlkemlestirildi.
Keshege Qaraqalpaqstan Respublikası Aymaqlıq jollarǵa buyırtpashı xızmetı mámleketlik kárxana bas yuristi U.Raxmanova, Qaraqalpaqstan Respublikası Àdillik Ministirliginiǹ huqıqıy málimleme boyınsha bas másláhátshisı N. Berdiniyazova, Qaraqalpaqstan Respublikası Málimleme kitapxana orayı Huqıqıy maǵlıwmatlar sektorı baslıǵı N. Jumaniyazova hám Qaraqalpaqstan awıl xojaliǵı hám agrotexnologiyalar institutı Miywe-palız awıl xojalıǵı ònimlerin saqlaw hám qayta islew texnologiyası fakulteti tyutorı Z. Avezova hám student jasları qatınastı.
Gender teńlik túsinigi jámiyet turmısı hám iskerliginiń barlıq tarawlarında, sonday-aq siyasat, ekonomika, huqıq, mádeniyat, tálim, ilim, sport munasábetlerinde hayal-qızlar hám er adamlardıń huqıq hám de múmkinshilikleriniń teńligin ańlatılıwı haqqında, hayal-qızlarǵa jaratılıp atırǵan házirgi kúndegi imkanyatlar, qarar hám nızamlarǵa kiritilgen òzgerisler haqqında aytıp òtildi. Keshe soǹında N. Berdiniyazova tárepinen “sorawǵa eǹ kòp juwap” atamasında viktorina oyın òtkerildi hám òzi tayarlap kelgen sawǵalar menen sıylıqladı.