દુનિયાનો એવો કોઈ દેશ કે ફિલ્ડ નહીં હોય કે જ્યાં તમને ગુજરાતીઓ જોવા ના મળે, અને તેમાંય અમેરિકામાં ગુજરાતીઓનો કેટલો દબદબો છે તે વાત કોઈનાથી અજાણી નથી. અમેરિકામાં વટ સાથે પોતાની એક રેસ્ટોરાં ચલાવતા આવા જ એક ગુજરાતી મહિલા છે હિના પટેલ, જેમની સાન ફ્રાંસિસ્કોમાં આવેલી રેસ્ટોરાં માત્ર તેના ફુડ નહીં પરંતુ નામને કારણે પણ ખાસ્સી મશહુર છે. હિના પટેલની આ રેસ્ટોરાંનું નામ છે ‘બેશરમ’ જ્યાં ખીચડીથી લઈને સુરતી ઊંધિયા ઉપરાંત તમામ ગુજરાતી અને ઈન્ડિયન વાનગીઓ પિરસવામાં આવે છે, અને આ રેસ્ટોરાંમાં માત્ર શાકાહારી ફુડ આઈટમ્સ જ મળે છે. 1960ના દાયકામાં બાલાસિનોરમાં જન્મેલા હિના પટેલના પિતા ઠાસરાના હતા, તેમનો ઉછેર મુંબઈમાં થયો હતો પરંતુ વતન સાથે તેમણે પોતાનો નાતો જાળવી રાખ્યો હતો. હિના પટેલનો એક ઈન્ટરવ્યુ તાજેતરમાં જ ઈન્ડિયા કરન્ટ્સ નામની એક વેબસાઈટ પર પબ્લિશ થયો છે, જેમાં તેમની ગુજરાતના એક ગામડાથી સાન ફ્રાંસિસ્કોમાં પોતાની રેસ્ટોરાં શરૂ કરવા સુધીની આખીય કહાનીનું રસપ્રદ વર્ણન કરવામાં આવ્યું છે.
જુઓ અમારી વેબસાઈટ: www.iamgujarat.com/
વધુ વિડીયો જોવા માટે ક્લિક કરો: gujarati.timesxp.com/
IamGujarat સાથે વોટ્સએપ પર જોડાઓ: chat.whatsapp.com/Hjwo7YqSPxS...