Dad Qabyaalad kool kooliyaa
Aafo keydsadaye.
Rag baa kaarar kiisii
Ku cunay Biig karawilahe
War bal kow dheh faaladda
Hub baad kuray u dhiibteene. .
Kumbiskaaga dhuuq iyo
Dadkii kaadso laga waayay
Karuurkiisa kii daadiyaa
Kolay la meer meerye.
War bal kow dheh Faaladda
Haduu Kaalmo cunayaaye.
Kolba kii aad xilka u dhiibataan
Kaadi dibi yeeye
Kobtuu geediga u leexiyaa
Waa abaar kululle.
Kursi loo tartamayaa
Dalkii loo kambalayaaye .
Kuwaanaa ka Daran
Maamulkaad shalay kaxeyseene .
War bal kow dheh Soomaalaay
Mas baad kiish ku wadataane.