Фемицид - жыныстық және гендерлік жеккөруден туындаған қылмыс атауы. Түбірі әйел болғандықтан, әйелдерді (қыздарды) қасақана өлтіру ретінде белгілі.
Автор: Еркежан А.
Фемицид!
Басқаша атау - мүмкін емес.
Қараңғы таңдыр,
Ертеңі - елес.
Өмірің - аяусыз жандардың қолында,
Қорғаның қандай бар мұнда?
Мен - қоғамда құны жоқ қыз баласы,
Өзінде мүлде жоқ өз бағасы.
Сұлу да сүйкімді бір қыздың
Қалаушы ем атану анасы.
Құным жоқ ешқандай қоғамда:
Өлтірсін, зорласын, ұрса да
Ешкімнің қол ұшын көрмейсің,
Қаншама жұрт қарап тұрса да.
Заң ше?
Заңға менің өмірім керексіз!
Полиция?
Олар да сенімсіз!
Сот?
Біздегі ең ауыр қылмыскер -
Мал ұрлап жүргендер, білесіз.
Әйелге қауіпсіз қай кезде?
Ресторан? Көшеде?
Жұмыста?
Кешкісін? Жоқ әлде таң ата?
Ол тіпті үйінде қорғансыз,
Барады қай тауға, қай тасқа?
Тұрмысқа кімдерге шығамыз?
Жігітке ме білімсіз, жұмыссыз?
Жоқ әлде депутат баласы?
Министр?
Полиция басшысы?
Ал менің не болмақ ертеңім?
Болашақ баламды қайтемін?
Өзімді қорғауға шамам жоқ,
Қауіпті бақшаң да, мектебің,
Қалайша ол үшін мен мына
Әлемді қауіпсіз етемін?
Қызды әркез төріне биіктеп,
Елінің көркіне балаған.
Қайда сол қазақтың дәстүрі -
Қызын бақ, бақыты санаған?