Zizurkilgo Elbarrena auzoan ‘Ez da kasualitatea’ deritzan bertso-saio musikatua gauzatu da. Zazpi protagonista bertaratu dira: Ixak Arruti eta Gari Otamendi musikariak; Oihana Iguaran, Alaia Martin, Miren Amuriza eta Ane Labaka bertsolariak, Amaia Agirre gai-jartzailearen gidaritzapean. Segidan doazenak aurkituko dituzue 3. Eta azken bideoan. 1-Alaia Bajau tribuko burua da. Filipinar uhartedian bizi dira bajauak. Itsas azpian 9 minutuz egon daitezke arnasik hartu gabe. Gainera, 60 metroko sakonerara jaisteko gai dira. 2-Ane eta Miren. Elkarrekin hasi dute Unibertsitatean euren bidea. Pisu-kideak ere badira. Laster antzeman dute sekulako tentsio sexuala beraien artean. 3-Oihana eta Alaia. Jende aurrean jarduten duten sortzaile emakume amek sekulako lana ematen dute. Hizketa-bide ugari sortzen dituzte. 4-Azken agurrak.