රස්සාව ඇති වෙලා කියලා හිතෙන තැනක් එනවා නේද?
ඒ රස්සාව නිසා ඇතිවෙන ආතතිය නැත්නම් stresa එක නිසා එන හැඟීමක්. ආතතිය කාලයක් තිබිලා එතනින් එහාට ගියාම එන burn-out කියන අවධිය.
මේ අවධියේදී අපිට මෙන්න මේ විදිහේ දේවල් දැනෙන්න ගන්නවා.
- වැඩ කරන්න කිසිම Motivation එකක් නෑ කියන, තවදුරටත් වැඩ කරන්න ශක්තිය නෑ කියලා දැනෙන ඒ වගේම තමන්ගේ performance එක සෑහෙන අඩු වෙලා කියලා දැනෙන
- මේ නිසාම සමහර අය ලොකු ලැජ්ජාවකින් වගේම, පසුතැවීමකින් ඉන්නවා තමන්ගේ වගකීම් හරියට කරගන්න බෑ කියලා
- ආතතියෙන් බැටකාලා මේ තැනට ආවම දැනෙනවා තවත් දරාගෙන ඉන්න බෑ කියලා
- මේ වෙලාවට ඔලුවට එන්නේ හරිම සෘණාත්මක සිතුවිලි. ඒ වගෙන් ඔයාට හිතෙන්න ගන්නවා මේ රස්සාවට ඔයාව ගැලපෙන්නේ නෑ කියලා
- හවස හැමදාම ගෙදර එනකොට හරි මහන්සි ගතියක් දැනෙන්න ගන්නවා. ඔයාගේ ජීවිතේ ලොකු හිස්තැනක් දැනෙන්න ගන්නවා
මෙන්න මේ කාරණා දැනෙනවා නම් හිතෙනවා නම් බොහෝ වෙලාවට අපි ඉන්නේ ඔය burn-out කියන අවධියේ
සමහර අය ඉන්නවා මේ ගැන තේරුම් ගන්න පුලුවන් අය. එයාලා තමන්ගේ ආයතනය එක්ක බොහොම විවෘතව මේ ගැන කතා කරලා පිළියම් යොදාගන්න උත්සාහ කරනවා. නමුත් නොතේරෙන ඒ වගේම බොහොම පැරණි පිලියම් යොදන්න යන කට්ටිය Danger zone එකකට තල්ලු වෙනවා. ඒ කියන්නේ ගෙදර අය එක්ක, වටපිටාව එක්ක තමන්ගේ ආතතිය පිට කරන්න මේ අය පෙලබෙන්න ගන්නවා.
මතක තියාගන්න ඔයාට මෙහෙම දැනෙනවානම් මෙතන ඔයාගේ ප්‍රශ්නයක් නෙමේ තියෙන්නේ. ඒක රස්සාවේ ප්‍රශ්නයක්. ඔයා සහ කරන රස්සාවේ වගකීම වල පොඩි නොගැලපීමේ ප්‍රශ්නයක්.