Айлын хүүхдүүд дунд алт ч бий гууль ч бий, алийг нь сонгож нөхөрлөхөө өөрөө шийд. Алт урвалдаад олон хувирдаг, гууль гандсан ч өнгөө алддагүйг зүгээр л сана. Амаа мурийлгаж цээжээ түрсэн алиа гарууд зөндөө таарна, хараа өндөр хажуугаар нь зөр.
Ядарсан нэгэн таарвал бөхийж хүндэл, тэнгэр хардгийм чамайг.
Мөнгөтэй явахад ойртсон хүнийг нөхөрт хэзээч битгий тооц.
Өнгөтэй явахад зүүгдсэн бүсгүйг өөрийн болгож битгий харамла.
Бусдаас өөрийгөө онцгой гэж хэзээч битгий бод, ээж чинь чамайг эвэр, сүүлтэй төрүүлээгүй.
Онцгойрч сондгойрч тодормоор бол олигтой сур, их унш, сайн унт, зөв хоолло. Нас чинь дандаа залуу байхгүй, намайг дагаад намаржаад л ирнэ.
Зүс чинь үргэлж толигор байхгүй, үс чинь цайгаад гундаад л ирнэ.
Шаардлагатай гэвэл худлаа хэл, харин худалч болж амьдрах хэрэггүй.
Зайлшгүй гэвэл сайхан зодолд, дараа нь заавал уучлал гуй.
Хүний нүдийг эгцлэн харж, дотор нь ортол өрөмдөж сур, тэрнийг таних шилдэг зам. Сэтгэл сайтыг битгий март, ачийг нь хариул.Олон найзаар халаас дүүрдэг хорвоо, орхигдоод гээгдээд зугтаадаг нь амьдралын жам, тоотой нь үлдэнэ тэднийгээ гамна.
Олон охид энгэр чимнээ, өөрийг чинь гурав хувилах нь ганц л байгаа, Тэрнийг ээ л хай. Олсон цагтаа бүхнээ зориул.
Сурсан эрдэм чинь төгс бол өлсөх зовлонг үзэхгүй, сураагүй зүйлдээ харамсалгүй гуйвж дайвалгүй цэх бай.
Нүгэл нэгийг үйлдвэл хоёр буянаар хариулж бай. Эрх мэдэлд битгий шуна, эд хөрөнгө битгий хураа. Эрүүлийг хүс, ээжийгээ үргэлж эргэж тойрч бай. Аавынхаа чадаагүйг хийчихвэл бахарх, асаасан голомтоо бат сахь. Эвийг дандаа хичээ, эх орноо үргэлж хайрла.🇲🇳🇲🇳🇲🇳