Атырау облысында суға кеткен ағайынды екі бала әлі табылмады. 15 және 16 жастағы жеткіншектер кеше кешке Жайық өзеніне шомылуға барған екен. Алайда, судың терең тұсына түсіп, жағаға шыға алмай қалған. Қайғылы оқиға балалардың өздерінен кіші інісінің көз алдында болған.
Оқыс оқиға кеше кешке Геолог ауылында болған. Ойнап жүрген ағайынды екі бала сол маңдағы Жайық өзеніне малтып шықпақ болған. Тіпті өздерімен бірге інілерін де ерте барған екен. Алайда, жасы кіші оқушы терең суға түсуге жүрексініп, оларды жағада күтіп тұрған. Кенет ағаларының ағысы қатты өзенге батып бара жатқанын көріп, бірден жақындарына хабар берген. Туыстарының айтуынша, балалар биыл 9-сыныпты бітіріпті. Екеуі де оқуда озат, алғыр болған. Күні кеше ғана соңғы емтихандарын тапсырып, сабақтарын аяқтаған еді дейді.
АСЫЛБЕК ҚОЖАХМЕТОВ, балалардың туысы:
- Екеуі аға-інілердің балалары, еш бұзықтықтары жоқ. Отбасы да жақсы. Суицидке баратындай да жағдай болмады. Суға тек шайынуға келген, қастарында інісі болды тағы. Оқыста болған жағдай. Ешкімнен ештеңе көрмейміз. Өздері ойнап жүріп батып кеткен ғой.
Қайғылы оқиға болған жерге құтқарушылар бірден келген. Бірақ, балалардың денесін бір тәуліктен бері таба алмай отыр. Сүңгуірлер тереңдігі 4 метрге дейін жететін өзенді бірнеше рет сүзіп шықса да, нәтиже жоқ. Қазір оқушыларды іздеуге еріктілер мен ауыл азаматтары да қосылған.
АСХАТ ЕРЖАНОВ, Атырау облысы төтенше жағдайлар департаменті бастығының міндетін атқарушы:
- Іздестіру шаралары жүргізіліп жатыр, қазір 4 қайық, 18 адам жұмылдырылды. Қосымша көмекке су полициясы, еріктілер де жұмылдырылды. Бұған алдымен ата-аналардың өздері кінәлі, балаларын қараусыз қалдырады. Судың тереңдігі біршама бар. Қауіпті. Өте тереңге батып кетуі де мүмкін. Іздестіріп жатырмыз.
Жыл басынан бері облыста 13 адам суға кетті деген мамандар тұрғындарды тек рұқсат етілген жерлерде шомылуға шақырып отыр. Әсіресе балаларды қараусыз қалдырмауға кеңес береді.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал