БІЗДІҢ KZread АРНАҒА ТІРКЕЛІҢІЗ: / @informburo31kanal
---------------------------------------------
Жамбыл облысында сақ қорғандары сатылып кеткен. Жекенің қолындағы жәдігерді жоғалтып жатырмыз дейді жұрт. Бүгінде балбал тасы бүлініп, қорым түгел сүріліп бизнес орнына айналған. Осылайша «Ақшешек» обалы қорымының обалы кімге деп күйінеді. Ал атқарушы билік мемлекеттің қорғауындағы жердің қалай рәсімделіп кеткеніне өздері де аң-таң. Әріптесім Нұрадин Рақай арысы темір дәуірі, берісі орта ғасырдың жұрнағы болған жер мәселесін біліп келді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Бұл қойнаудағы көп қой тасты түртіп қалсаң темір дәуіріне тіреледі. Тілін тапсаң әр құлпы тас адамзат тарихының "тасқыны". Қазір қайнаған құрылыс алаңына айналған аймақ құдды археологиялық қазба жұмыстарына көп ұқсайды. Бірақ күрек ұстағандар тарихшы емес, демалыс орнының ірге тасын құйып жатқан құрылысшылар.
АСҚАР ҚЫЗЫЛОВ, Меркі ауданының тұрғыны:
- Мына жердегі тастың бәрі өзінше бір бұрышпен қойылған. Бұл көмік. Яғни адам жерленген. Бұлар тарихи орынды тас-талқанын шығарып жатыр. Бұл бізге, келешекке, балаларымызға керек нәрсе ғой. Біздің тарихымыз. Бұл мемлекеттің байлығы.
Бұл жерге «Ақшешек» обалы қорымы деп айшықтап, ескерту тақтайшасы да қойылған. Алайда мемлекеттің қорғауындағы деген бұл төл құжаттың қазір көк тиын құны жоқ.
Ал қорымды қорыған көпке кәсіпкер күле қарайды. Қолдан қолға сатылған жердің құжатын қолдан емес әкімшіліктен алғанын айтады. Сондықтан қажетімше қазғаным-қазған, сауалың соған деп сілтейді.
ҚАЙСАР МОЛДАҚҰЛОВ, кәсіпкер:
- Бүкіл рұқсат құжатым бар. Міне жер учаскесінің кадастрлық нөмірі. 0692039331. Жер учаскесінің нысаналы мақсаты. Демалыс орындарымен халыққа қызмет көрсету нысандарын салу үшін.
Ал ескерткіштерді қорғау және қалпына келтіру дирекциясының мамандары жер берген жергілікті әкімдіктің әрекетін құзырлы органдар анықтап жатқанын айтады.
ТАЛҒАТ СҰЛТАНОВ, Меркі аудандық тарихи өлкетану музейінің инспекторы:
- Сол жерде ерте темір дәуірі мен кейінгі орта ғасырға жататын обаларды анықтаған болатын. Бұл ескерткіштің жерін қашан беріліп кеткені туралы біздің құзырлы органдар анықтап жатыр. Біз тура сіздер сияқты көріп жағдайды анықтап, құрылыс салуға тыйым салып кеткенбіз.
Қазір аудан басшылары жекенің қолындағы жердің сатылған жылын анықтап архив ақтарып әлек.
БАҚЫТХАН ӘБЖАПАРОВ, Меркі ауданы әкімінің міндетін атқарушы:
- Кезінде бәлкім берілмеу керек пе еді?! 2007 жылдары беріліп кеткен. Көріп отырсыздар ма?! Сол кездегі басшылықты анау мынау демейін. Бәлкім заман талабына сай, бәлкім кемшілік шығар, бәлкім аудан басшылығының жер беру процесіндегі зерделемей беріліп кетуінде шығар.
Қазір жоғалған балбал тастарды іздестіруге ішкі істер бөлімі, құжаттан кеткен қателікті қайта көруге жер қатынастар бөлімі, бұрынғы әкімнің шешімін бүгінгі әкімнің бұзу жолдары қарастырылуда. Бірақ бұл мәселенің шешілер күні белгісіз.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық