Lajme Arkiva - TV Klan 2002
Ish-bossi i një ndër fondacioneve më të njohura rentiere, i arrestuar në Berat është sjellë nën masa të larta sigurie në drejtorinë e policisë në Tiranë, ku është marrë në dorëzim nga blutë e kryeqytetit, të cilët e kishin shpallur në kërkim që nga 97.
I njohur ndryshe edhe si gjenerali, u arrestua dje edhe nga policia e Beratit, në një banesë në fshatin Starovë, ku ai ishte strehuar. Që prej vitit 97, kur ai u arratis nga burgu, Xhaferri i ishte fshehur policisë dhe drejtësisë shqiptare, ashtu si dhe kolegët e tij të tjerë. Rrapush Xhaferri arriti t’ju shpëtojë prangave të policisë, gjatë trazirave të 97.
Kërkimet për arrestimin e tij, patën angazhuar SHISH dhe Interpolin, por pa ia dalë mbanë. Pas një informacioni paraprakë pikërisht vonë, policia e Beratit mori lajmin e çuditshëm, rrethoi shtëpinë e një fshatari në fshatin Starovë dhe pas kontrollit, gjetën brenda saj ish-bossin e piramidave Rrapush Xhaferri.
Në komisariat vetë Xhaferri ka pohuar, se që prej vitit 97, nuk ka lëvizur asnjë moment nga Shqipëria, por ka qëndruar i fshehur në shtëpinë ku u arrestua. Xhaferri aktualisht ndodhet në një proces gjyqësor të drejtuar nga vetë kryegjyqtari i Tiranës Sokol Çomo dhe akuzohet për mashtrim në shuma të mëdha, që shkojnë në disa milion dollarë. Edhe i biri i tij Asllan Xhaferri, i arrestuar vetëm pak kohë më parë, akuzohet për të njëjtën akuzë./tvklan.al
Gazetar - Patrik Sadikaj
SUBSCRIBE to “RTV KLAN” on KZread for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/programe/